লেবীয় 24:5 - Chakma Bible

⁵ “নিগুজ্‌ ময়দেলোই বারোবো রুটি সিগি নেযা পুরিবো। পত্তি রুটিত্তে তিন কেজি ছয়শ গ্রাম মোয়দে নেযা পুরিবো।

লেবীয় 24:5 Iomraidhean Croise

১ রাজাবলী 18:31

তে যাকোব পূঅগুনোর্‌ পত্তি গুট্টিত্তে ইক্কো গুরি বারবো পাত্তর্‌ নেযেল। এ যাকোবরে লগেপ্রভু কোইয়্যেদে, “তঅ নাঙান্‌ অবঅ ইস্রায়েল।”

১ বংশধর 23:29

তারা উগুরে এ জিনিসছানির ভারান্‌ এলঅ-মুজুঙো-রুটি, শোজ্য-উৎসর্বর মোয়দে, সদানেইয়্যে রুটি, সেক্ক্যে রুটি আর তেল্‌ মিজেয়্যে মোয়দ্যে। ইয়েনি বাদেয়ো তারা উগুরে ভারান্‌ এলদে বেক্কানি মাবানা আর কত্তমান্‌ সিয়েনি চানা,

১ বংশধর 9:32

পত্তি জিরেবার্‌ দিনোত্‌ টেবিলো উগুরে যে মুজুঙো-রুটিগান্‌ সাজেই রাগা অদঅ সিয়েন্‌ বানেবার্‌ ভারান্‌ এলদে লেবীয়গুনো ভিদিরে কয়েক্কো কহাতীয়গুনো উগুরে।

২ বংশধর 13:11

পত্তিদিন বেন্যে আর সাজোন্যে ধর্মগুরুগুনে লগেপ্রভুর নাঙে পুজ্যে-উৎসর্বর অনুষ্ঠান গরন্‌ আর তুম্বাজ্‌ আগর্‌বাট্টি জ্বালান। তারা সিজি গোজ্যে টেবিলো উগুরে মুজুঙো-রুটি সাজেইনে রাগান্‌ আর পত্তিদিন সাজোন্যে অক্তত্‌ সোনার চেরাগটগ উগুরে চেরাক্কুন্‌ জ্বালেই দুয়োন্‌। আমি আমা গোজেন লগেপ্রভুর উগুম মজিম কাম্‌ গুরিই, মাত্তর্‌ তুমি তারে ছাড়ি যেইয়ো।

নহিমিয় 10:33

এ শেখেলানিলোই যেনে টেবিলো উগুরে মুুজুঙো-রুটি দিয়্যে যায় আর দিনমজিম্‌ শোজ্য আর পূজ্যে-উৎসর্বর পরব্‌, জিরেবার্‌ দিনোত্‌ উৎসর্বর পরব্‌, আঙোস্যে আর অন্য ঠিগ্‌ গোজ্যে পরব্‌ পালেবার্‌ মেট্‌বান, সুদ্ধো-সাংগ জিনিস উৎসর্বর পরব্‌ আর ইস্রায়েলীয়গুনোর পাপ ঢাগিবাত্তে পাপ-উৎসর্বর পরব্‌ গরা যায় আর আমা গোজেনর ঘরর্‌ বেক্‌ কামানি গরা যায়।

নহিমিয় 10:34

আমা রীদি-সুদোমত্‌ যিয়েনি লেগা আঘে সেধোক্কেন্‌ আমা গোজেন লগেপ্রভুর পূজোবো উগুরে পুড়িবাত্তে পত্তি বজর্‌ ঠিগ্‌গোজ্যে আমা গোজেনর্‌ ঘরত্‌ আমা পত্তি বংশত্তুন্‌ কক্কে তক্তা আনা পুরিবো সিয়েন্‌ ঠিগ্‌ গুরিবাত্তে আমি, অত্তাৎ ধর্মগুরুগুনে, লেবীয়গুনে আর মানুচ্চুনে চাম্বা চেলাক্‌।

যাত্রা 25:30

সেই টেবিলান উগুরে মঅ মুজুঙোত্‌ মুজুঙো-রুটি থঅ পড়িবো, আর সিয়েন যেনে আমিঝে সিয়েনত্‌ থায়।

যাত্রা 39:36

টেবিল আর তার পযাপিরানি আর লগেপ্রভুর্‌ মুজুঙো-রুটি;

যাত্রা 40:4

টেবিলান ভিদিরে আনিনে সিয়েন উগুরে যিয়েনি রাগেবার্‌ সিয়েনি সাজেই রাগেবে। পরেদি চেরাগ টক্কো আনিনেই চেরাক্কুন্‌ জ্বালেই দিবে।

গণাণা 4:7

মুজুঙো-রুটি রাগেবার টেবিলো উগুরে তারা এক্কান্‌ য়েল্‌ কাবড়্‌ বিজিইনে সিবে উগুরে টেবিলোর্‌ দাঙর্‌ আর চিগোন্‌ বাজোনুন্‌, কদরা আর ঢালেদে-উৎসর্বর কুমুন্‌ রাগেবা। যে রুটিগানি নিত্য টেবিলো উগুরে থায় সিয়েনি টেবিলো উগুরেই থেবঅ।

মথি লেখ্যে গম্ হবর্ 12:4

হালিক্ দায়ূদে আর তার সমাজ্যেগুনোর সিয়েন হানা উজিত্ ন-এলঅ, বানা ধর্মগুরুগুনেই সিয়েন হেই পারিদাক্।

প্রেরিত্‌ 26:7

আমা বারবো গুট্টির্ মানুচ্চুনে দিনে-রেদে মন্-পরাণ্ দিইনে গোজেনর্ সেবা গুরিনে সেই এগেমান্ দেগিবার্ আজায় আঘন্।

ইব্রীয় 9:2

আর সেই মজিম এক্কান তাম্বুল্ বানা ওইয়্যে। সেই তাম্বুলানর্ পত্তম ভাগত্ থেদঅ চেরাগ টগ্, টেবিল আর মুজুঙো-রুটি। এই পত্তম ভাক্কানর্ নাঙান্ এলঅ পবিত্র জাগা।

যাকোব 1:1

মুই গোজেন আর প্রভু যীশু খ্রীষ্টর চাগর্ যাকোব পিত্‌থিমীর বেক্‌ জাগানি ইধু ছিদি পোজ্যে যিহূদী জাদর্ বারবো গুট্টির মানুচ্চুনোরে ভালেদি জানাঙর্।

১ শমূয়েল 21:6

সেনত্যেই ধর্মগুরুবো দায়ূদোরে সে পবিত্র পিদেনি দিলো, কিত্যে সে পিদেগানি বাদে আর অন্য কনঅ পিদে তাইদু ন-এলঅ। সে দিন্যে সেই পিদেগানি লগেপ্রভুর মুজুঙোত্তুন্‌ সোরেই নেযেইনে তা জাগানত্‌ গরম পিদে রাগা ওইয়্যে।

১ শমূয়েল 21:7

দোয়েগ নাঙে শৌলর এক্কো ইদোমীয় কামগুরিয়্যে সেদিন্যে লগেপ্রভুর নাঙে কনঅ কামত্‌ সিয়েনত্‌ আক্‌সো যেয়্যেগোই। তে এলদে শৌলর য়েমানচোরেইয়্যের নেতাবো।