লেবীয় 24:2 - Chakma Bible

² তুই ইস্রায়েলীয়গুনোরে উগুম দে যেন তারা চেরাগবদঙত্তে তইদু ছিঁজেয়ে জলপাইয়র্‌ গম্‌ তেল আনন্‌ যেনে চেরাক্কুন্‌ নিত্য জ্বালেই রাগা যায়।

লেবীয় 24:2 Iomraidhean Croise

২ বংশধর 13:11

পত্তিদিন বেন্যে আর সাজোন্যে ধর্মগুরুগুনে লগেপ্রভুর নাঙে পুজ্যে-উৎসর্বর অনুষ্ঠান গরন্‌ আর তুম্বাজ্‌ আগর্‌বাট্টি জ্বালান। তারা সিজি গোজ্যে টেবিলো উগুরে মুজুঙো-রুটি সাজেইনে রাগান্‌ আর পত্তিদিন সাজোন্যে অক্তত্‌ সোনার চেরাগটগ উগুরে চেরাক্কুন্‌ জ্বালেই দুয়োন্‌। আমি আমা গোজেন লগেপ্রভুর উগুম মজিম কাম্‌ গুরিই, মাত্তর্‌ তুমি তারে ছাড়ি যেইয়ো।

গীতসংহিতা 119:105

তর্ কধানি মর্ পধ দেগেবার বাত্তি, মর্ আঢিবার পধ্‌তান পহর্।

গীতসংহিতা 119:130

তঅ কধানি ফগদাং অলে সিয়েনিয়ে পহ্‌‌র্ ফুদেই দে; সিয়েনিয়ে সিদেসিদি মানুচ্চুনোরে বুঝিবার খেমতা দে।

যাত্রা 39:37

চেরাগ সুরুন সুদ্দো খাটি সনার্‌ চেরাগবদং আর সিবের্‌ পযাপিরানি আর পহর্‌ দিবার্‌ তেলান্‌;

যাত্রা 40:24

দোগিণে, টেবিলানর উগুদো মোক্ক্যেদি লগেপ্রভুর্‌ উগুম মজিম্‌ চেরাগ টক্কো রাগেল আর সিবে উগুরে লগেপ্রভুর্‌ মুজুঙোত্‌ চেরাক্কুন্‌ জ্বালেই দিলো।

গম্ উপদেজ্ 6:23

কিত্তে এ উগুমানি চেরাগ ধোক্ক্যেন, এ শিক্ষ্যেগানি পহর্ ধোক্ক্যেন্, আর অমকদ গেইল্ দিইনে শাজন্ গরানা অলঅ জিংকানির পথ্‌তান।

যিশাইয় 11:2

তা উগুরে থেবদে লগেপ্রভুর আত্মাগান্, জ্ঞান আর বুঝিবার আত্মাগান্, সল্লা আর খেমতার আত্মাগান্, বুদ্ধি আর লগেপ্রভু উগুরে ভোক্তিবলা দর্ গরানার আত্মা।

যিশাইয় 8:20

তমাত্তুন্ গোজেনর্ উগুম আর সাক্ষি ইদু যাহ্ পুরিবো। যুনি তারা গোজেন কধা মজিম্ কধা ন-কন্ সালে বুঝো পুড়িবোদে তারা ইদু কনঅ পহ্‌‌র জিনিস্‌চান নেই।‌

লেবীয় 24:1

লগেপ্রভু মোশিরে কলঅ,

লেবীয় 24:3

মিলন-তাম্বুলো ভিদিরে সাক্ষ্য-সুন্দুগোর পর্দাগানর বারেন্দি হারোণে সাজোন্যেত্তুন্‌ ধুরি বেন্যেমাদান সং লগেপ্রভুর্ মুজুঙোত্ চেরাক্কুন চাহ্ পুরিবো। বংশর পর বংশ ধুরি ইবে অবঅ এক্কো থিদেবর্ গোজ্যে সুদোম।

মথি লেখ্যে গম্ হবর্ 4:16

যে মানুচ্চুনে আন্ধারত্ বজত্তি গরন, তারা বোউত্ পহ্‌র দেগিবাক্। যিগুনে ঘুর্‍‍গুজ্যে আন্ধার দেজত্ বজত্তি গরন, তারা ইধু পহ্‌র ফগদাং অবঅ।

মথি লেখ্যে গম্ হবর্ 5:16

সেবাবোত্যেগুরি তমা পহ্‌‌রান মানুচ্চুনো মুজুঙোত্ জ্বোলোক্, যেনে তারা তমার্ গম্ কামানি দেগিনে তমা স্বর্গর্ বাপ্পোর্ বাঈনী গরন্।

লূকে লেখ্যে গম্ হবর্ 1:79

যাতে আন্ধারত্ আর মরণর্ ছাবাত্ যিগুনে বুয়োই আগন্ তারারে পহর্ দি পারে, আর শান্তির পদেধি আমারে চালেই পারে।”

লূকে লেখ্যে গম্ হবর্ 12:35

ফারত্ কাবর বেড়েইনে আর তমা চেরাগ্‌‌‌কুন জ্বালেইনে যুক্কোল্ থাগঅ।

যোহন 1:4

তা ভিদিরে জিংকানি এলঅ আর সেই জিংকানিগান্ এলঅ মান্‌জ্যর পহর্।

যোহন 1:9

তেয়ই আঝল্ পহ্‌র, যে পত্তি মান্‌জ্যরে পহ্‌র দান গরে, তে পিত্‌থিমীত্ এজের্।

যোহন 5:35

যোহনে এলদে সেই জোল্-জোল্যে চেরাক্কো যিবে জ্বলিনে পহ্‌র দের্; তুমি খানক্‌কনত্যে তার্ সেই পহ্‌রত্ হুজী গুরিবাত্তে রাজী ওইয়ো।

যোহন 8:12

পরেদি যীশু আরঅ মানুচ্চুনোরে কলঅ, “মুয়ই পিত্‌থিমীর্ পহ্‌রান্। যে মঅ পধেদি আঢে তে কনদিন্অ আন্ধারত্ ঠেং ন-ফেলেব, বরং জিংকানির্ পহ্‌র পেবঅ।”

২ করিন্হীয় 4:6

আমি এ কধানি প্রচার গুরির্, কিয়া যে কোইয়্যে, “আন্ধারত্তুন্ পহ্‌র ওক্”, সেই গোজেনে আমা রিবেঙত্ জ্বোল্ল্যে, যেন তার্ মহিমাগান্ বুঝিবার পহ্‌রান ফগদাং পায়। এই মহিমাগান্ খ্রীষ্টর্ মুয়োনত্ আঘে।