লেবীয় 24:14 - Chakma Bible

¹⁴ যে মানুচ্চো অভিশাব দিয়্যে তারে তাম্বুলোর্‌ বারেন্দি নেযঅ। যিগুনে তারে সেই অভিশাব দেদে শুন্যন্‌ তারা বেক্কুনে তার্‌ মাদা উগুরে আত্‌ রাগাদোক্‌, সে পরেদি ইস্রায়েলীয়গুনে তারে পাত্তর মেলা দিইনে মারে ফেলাদোক্।

লেবীয় 24:14 Iomraidhean Croise

১ রাজাবলী 21:10

তা মুজুঙোত্‌ দ্বিয়েন্‌ আসনত্‌ দ্বিজন বজং মান্‌জ্যরে বজঅ। তারা ইয়েন্‌ কোইনে তা বিরুদ্ধে সাক্ষি দেদোক্‌, তে গোজেন আর রাজার বিরুদ্ধে অগমানর্‌ কধা কোইয়্যে। সে পরেন্দি তারে সিয়োত্তুন্‌ নিগিলেনে পাত্তর্‌ মেলাহ্ মারিনে মারে ফেলঅ।”

লেবীয় 13:46

তার্‌ কিয়্যেত্‌ যেদকদিন সেই মান্‌জ্য ইদু সাজুরেদে রোগ্‌কান্‌ থেবঅ সেদকদিন তে ফিবলা থেবঅ। তাত্তুন ঘরর্ বারেদি গায় গায় থাহ্ পড়িবো।

লেবীয় 20:27

“যিদুক্কুন মরদ বা মিলে ভূত্তুনোর্‌ মাধ্যম অন্‌ বা যিগুনে ভান্ন্যেই আত্মা সমারে মিজেন্ তারার্‌ সাজা অবঅ মরণ। তারারে পাত্তর্‌ মারিনে মারে ফেলা পুরিবো। নিজোর্‌ মরণানত্তে তারা নিজেরাই দায়ী।”

লেবীয় 24:13

ইয়েন্দোই লগেপ্রভু মোশিরে কলঅ,

দ্বি’লম্বর বিররণ 17:5

মাত্তর্‌ যে মরত্তো বা মিলেবো এধোক্ক্যেন জঘন্য কাম্‌ গোজ্যে তুমি তারে আদামত্‌ বা শঅরর্‌ গেদোর্‌ কায়কুরে নেযেইনে পাত্তর্‌ মেলা দিইনে মারে ফেলেবা।

দ্বি’লম্বর বিররণ 17:7

সে মানুচ্চোরে মারে ফেলেবাত্তে সাক্ষীগুনে পত্তমে পাত্তর্‌ মারিবাক, সে পরেন্দি মারিবাক্‌ অন্য বেক্‌ মানুচ্চুনে। এধোক্ক্যেনগুরি তুমি তমা ভিদিরেত্তুন্‌ সেই ভান্ন্যেইয়ানরে শেজ্ গুরি দিবা।

দ্বি’লম্বর বিররণ 21:21

সেক্কে সিদুগোর্ বেক্‌ মরত্তুনে তারে পাত্তর্‌ মেলা দিইনে মারে ফেলেবাক। ইঙিরিনে তমা ভিদিরেত্তুন সে ভান্ন্যেইয়ানি শেজ্‌ গুরি দিয়্যে পুরিবো। সেক্কে ইস্রায়েলীয়গুনে বেক্কুনে এ কধাগান শুনিনে দোরেবাক্।

দ্বি’লম্বর বিররণ 22:21

মাত্তর মিলেবোরে তা বাপ্পোর ঘরর্‌ দোরান ইদু নেযা পুরিবো। সে জাগানত মরদ মানুচ্চুনে সিয়েনত পাত্তর্ মারিনে তারে মারে ফেলেবাক। বাবঅ ঘরত হেবার অক্তত্‌ সিনেলী গুরিনে তে ইস্রায়েলীয়গুনো ভিদিরে জদবদে ঘিনাইদে কাম গোজ্যে। তুমি তমা ভিদিরেত্তুন এ ধোক্ক্যেন ভান্ন্যেইয়ানি শেজ্ গুরি দিবা।

যিহোশূয় 7:25

সে পরেন্দি যিহোশূয় কলঅ, “কিত্তেই তুই আমা উগুরে এ দযাগান্‌ ডাগি আনিলে? এচ্চ্যে লগেপ্রভুয়ো তঅ‌ উগুরে দযা আনিবো।” সেক্কে বেক্‌ ইস্রায়েলীয়গুনে পত্তমে আখনরে আর পরেন্দি তা গিরির্‌ বেক্কুনোরে পাত্তর্‌ মেলা দিইনে মারে ফেলেলাক্‌। সে পরেন্দি বেক্কানিলোই তারারে পুড়ি ফেলেলাক্‌।