লেবীয় 24:11 - Chakma Bible

^11-12 সেক্কে সেই ইস্রায়েলীয় মিলেবোর্‌ পূঅবো এক্কান ভান্ন্যেই নাঙে লগেপ্রভুর্ নাঙ্‌ নিইনে অভিশাব্ দিলো। সিয়েন্‌ শুনিনে মানুচ্চুনে তারে মোশি ইদু নেযেলাক্। পূঅবোর মাবো নাঙান্‌ এলঅ শালোমীৎ। তে দান-গুট্টির দিব্রির ঝি। ইয়েন পৌইদ্যেনে লগেপ্রভুর আওজচান্ কি সিয়েন্‌ তাত্তুন্‌ জানিবাত্তেই ইস্রায়েলীয়গুনে সে মানুচ্চোরে আক্‌সো রাগেলাক্‌।

লেবীয় 24:11 Iomraidhean Croise

২ শমূয়েল 12:14

মাত্তর্‌ এ কামান্‌ গুরিনে তুই লগেপ্রভুর শত্রুগুনোরে তারে পিজুং গুরিবার্‌ এক্কান্‌ সুযোগ গুরি দুয়োচ্‌। সেনত্তে তর্‌ যে পূঅবো জোর্মেয়্যে তে হামাক্কায় মুরি যেবঅ।”

১ রাজাবলী 21:10

তা মুজুঙোত্‌ দ্বিয়েন্‌ আসনত্‌ দ্বিজন বজং মান্‌জ্যরে বজঅ। তারা ইয়েন্‌ কোইনে তা বিরুদ্ধে সাক্ষি দেদোক্‌, তে গোজেন আর রাজার বিরুদ্ধে অগমানর্‌ কধা কোইয়্যে। সে পরেন্দি তারে সিয়োত্তুন্‌ নিগিলেনে পাত্তর্‌ মেলাহ্ মারিনে মারে ফেলঅ।”

১ রাজাবলী 21:13

সে পরেন্দি দ্বিজন বজং মানুচ্‌ এইনে নাবোতর্‌ মুজুঙোত্‌ বজিনে মানুচ্চুনোর্‌ ইদু তা বিরুদ্ধে এ সাক্ষীগান্‌ দিলাক্‌, তে গোজেন্‌ আর রাজার বিরুদ্ধে অগমানর্‌ কধা কোইয়্যে। সে পরেন্দি মানুচ্চুনে তারে শঅরর্‌ বারেন্দি নেযেইনে পাত্তর্‌ মেলাহ্ মারিনে মারে ফেলেলাক্‌।

২ রাজাবলী 18:30

হিষ্কিয় যেনে এ কধাগান কোইনে লগেপ্রভু উগুরে তমা বিশ্বেজ্‌ছান্‌ ন-জর্মায়, লগেপ্রভু হামাক্কাই আমারে উদ্ধোর্‌ গুরিবো; এ শঅরান্‌ আসিরিয়ার্‌ রাজা আঢত্‌ তুলি দিয়্যে ন-অবঅ।

২ রাজাবলী 18:35

এদক্কানি দেজর্‌ বেক্‌ দেব-দেবেদাগুনো ভিদিরেত্তুন্‌ কন্না মঅ আঢত্তুন্‌ নিজো দেজ্‌ছানরে রোক্ষ্যে গোজ্যে? সালে লগেপ্রভু কেধোক্ক্যেন গুরি মঅ আঢত্তুন্‌ যিরূশালেমরে রোক্ষ্যে গুরিবো?’ ”

২ রাজাবলী 18:37

ইয়েন পরেন্দি রাজঘর নেতা হিল্কিয়োর পুয়ো ইলীয়াকীম, রাজার লিগিয়্যে শিব্‌ন আর বিজগ লিগিয়্যে আসফর পুয়ো যোয়াহ তারার্‌ কাবড়ানি ফাদিনে হিষ্কিয়ো ইদু গেলাক্‌ আর রব্‌শাকির বেক্‌ কধানি তারে জানেলাক্‌।

২ রাজাবলী 19:10

“তুমি যিহূদার রাজা হিষ্কিয়রে কবাদে, ‘তুই যিবে উগুরে ভাবিনে আগচ্‌ সেই গোজেনে কোইয়্যেদে, আসিরিয়ার রাজা আঢত্‌ যিরূশালেমরে তুলি দিয়্যে ন-অবঅ। তার্‌ সে ছলনার্‌ কধালোই তুমি ভুল ন-গোজ্য।

২ রাজাবলী 19:22

তুই কারে অসর্মান্‌ গোজ্যস? কা বিরুদ্ধে অগমান কধা কোইয়োচ্‌? তুই কা বিরুদ্ধে রঅ ছাজ্যস্‌ আর বার্‌ গুরিনে চোখ্‌ তুলি চেইয়োচ্‌? ইস্রায়েলর সে সুদ্ধো-সাংগ মানুচ্চো বিরুদ্ধে তুই ইয়েনি গোজ্যস্‌।

ইয়োব 1:11

মাত্তর্‌ তুই আঢ্ বাবেইনে তার বেক্কানিত্‌ আঘাত্‌ গর্‌, তে হামাক্কাই তঅ‌ মুজুঙোত্‌ তঅ বিরুদ্ধে অগমান কধা কবঅ‌।”

ইয়োব 1:22

ইয়েনি ঘুদিলেয়ো ইয়োবে পাপ ন-গুরিলো বা গোজেনরে দুজ্‌ ন-দিলো।

ইয়োব 1:5

তারার্‌ হানার্‌ দিনুন্‌ থুম্‌ অলে পরেদি ইয়োবে তারারে ডাগি আনিনে সিজি গুরিদো। বেন্যেপোত্যে তে তারার্‌ পত্তি জনত্তে এক্কো গুরিনে পুজ্যে-উৎসর্বর পরব্‌ গুরিলো। তে মনে গুরিদো, “মঅ‌ ঝি-পূঅগুনে অয়ত পাপ গোজ্যন্‌ আর মনে মনে গোজেনরে অসর্মান গোজ্যন্‌।” ইয়োবে আমিঝে এবাবোত্যে গুরিদো।

ইয়োব 2:5

তুই আঢ্ বাবেইনে তা কিয়্যেত্‌ আঘাত্‌ গর্‌, তে হামাক্কাই তঅ মুজুঙোত্‌ তঅ‌ বিরুদ্ধে অগমান কধা কবঅ।”

গীতসংহিতা 74:18

ও লগেপ্রভু, পুরি ন-ফেলেচ্ শত্রুগুনে তরে নিইনে ঠাট্টা-তামাজা গোজ্যন্, বাজে-বিবেকবলা মানুচ্চুনে তর্ নাঙান অগমান গোজ্যন্।

গীতসংহিতা 74:22

ও গোজেন, বিচের গুরিবাত্যে তুই উঠ্ তঅ মগদ্দমাগান্ আরাম্ভ গর; বাজে-মানুচ্চুন ভুলি ন-যেইয়ো পুরো দিন্নো তরে নিইনে ঠাট্টা-তামাজা গরন্।

যাত্রা 18:22

ইগুনেই আমিঝে মানুচ্চুনোর্‌ বিচের্‌ গুরিবাক্। চিগোন-চাগোন্‌ বেপারানি তারা বিচের্‌ গুরিবাক আর দাঙর্‌ দাঙর্‌ বেপারানি তইদু আনিবাক্। সেক্কে তর্‌ কামানি পাদল্‌ অবঅ‌ কিত্তে তারায়ো তর্‌ ভারান্‌ কিজু কমে দিবাক্।

যাত্রা 18:26

তারা আমিঝে মানুচ্চুনোরে বিচের্‌ গুরিদাক্। তারা আগাত্যে বেপারানি মোশি ইদু নেযেদাক, মাত্তর্‌ চিগোন-চাগন্‌ বেপারানি তারা নিজে নিজে সামেলেদাক্‌।

যাত্রা 20:7

কনঅ‌ ভান্ন্যেই আশাই তুমি তমার গোজেন লগেপ্রভুর্‌ নাঙান্‌ ন-গিনিবা। যিবে সিয়েন্‌ গুরিবো তারে লগেপ্রভু সাজা-দিবো।

যাত্রা 22:28

গোজেনরে অগমান ন-গোজ্য বা তমার শাসনগুরিয়্যেগুনোরে অভিশাব ন-দুয়ো।

যাত্রা 3:15

তুই তারারে আরঅ কবেদে, তারার্‌ পুরোণি মানুচ্ অব্রাহাম, ইস্‌হাক আর যাকোবর্‌ গোজেন লগেপ্রভু তরে তারা ইধু পাদেয়্যে। মর্‌ উমরর্‌ নাঙান্‌ লগেপ্রভু। বংশর্‌ পর্‌ বংশ ধুরিনে মরে এ নাঙে মান্‌জে মনত্‌ রাগেবাক্।

যিশাইয় 8:21

দুঘ্ আর পেট্‌‌পরা হেই হেই তারা দেজ ভিদিরে ঘুরিবাক্। পেট্‌‌পরার্ দুঘে তারা রাগ্ গুরিনে উগুরেদি রিনি চেইনে তারার্ রাজা আর তারার্ গোজেনরে অভিশাব্ দিবাক্।

লেবীয় 24:10

ইস্রায়েলীয়গুনো ভিদিরে এমন্‌ এক্কো মানুচ্‌ বজত্তি গুরিদো যিবের্‌ মাবো এলঅ ইস্রায়েলীয় আর বাপ্পো মিসরীয়। তাম্বুলো ভিদিরে সে মানুচ্চো সমারে এক্কো ইস্রায়েলীয়োর্‌ কোল্-কোজ্যে বাঁজি গেলঅ।

মথি লেখ্যে গম্ হবর্ 26:65

সেক্কে দাঙর্ ধর্মগুরুবো তা কাবড়ান্ ফাদি ফেলেইনে কলঅ, ইবে গোজেনরে অগমান্ গুরিলো। আমাত্তুন্ আরঅ বেশ্ সাক্ষীর দরকার্ নেই? ইক্কিনে দঅ তুমি শুনিলা, তে গোজেনরে অগমান্ গোজ্জ্যে।

রোমীয় 2:24

পবিত্র বোইবোত্ এ কধাগান্ লেগা আঘে, “তমাত্যে অযিহূদীগুনে গোজেন নাঙানর্ বদ্‌নাম্ গরন্।”

১ তীমথিয় 1:13

যুনিয়ো মুই আগে খ্রীষ্টরে বদ্‌নাঙ গত্তুং আর অত্যেচারী আহ্ ভান্ন্যেইরাগী এলুং তো মরে তে এ কামত্ বেঈ লোইয়্যে। মরে তে দোয়্যে গোজ্জ্যে, কিয়া মর্ অবিশ্বেজত্যে মুই হবর্ ন-পেইনে সিয়েনি বেক্কানি গত্তুং।

ফগদাং পেইয়্যে 16:21

আগাজত্তুন্ মান্‌জ্য উগুরে দাঙর্ দাঙর্ পাত্তর ধোক্ক্যেন শিল পড়া ধুরিলাক্। সিগুনোর্ এক এক্কো মাবেদি এলাক্ ছত্রিশ কেজি। সেক্কে মানুচ্চুনে শিলো আঘাদত্তে গোজেনরে নিন্দে গরা ধুরিলাক্, কিয়া সেই শিলোর আঘাত্‌তো দর্‌গরেপারা এলঅ।