লেবীয় 23:42 - Chakma Bible

⁴² সাত দিন তুমি নাদামান্‌জ্যর-ঘরত্‌ বজত্তি গুরিবা। ইস্রায়েল বংশত্‌ যিগুনে জোর্মেয়োন্‌ তারারে বেক্কুনোরে এ সময়ানত্‌ নাদামান্‌জ্যর-ঘরত্‌ থাহ্ পুরিবো।

লেবীয় 23:42 Iomraidhean Croise

পত্থম 33:17

পরেদি যাকোবে যাহ্ ধুরিনে সুক্কোদত্‌ যেইনে লুমিলেগোই। তে নিজোত্তে সিয়েনত্‌ এক্কান্‌ ঘর্‌ বানেল আর তা য়েমানুনোত্তে কয়েক্কান্‌ আশ্রয়-ঘর্‌ বানেই দিলো। ইয়েনত্তে সে জাগাগান নাঙান ওয়্যেদে সুক্কোৎ (যিয়েনর্‌ ভেদ্‌‌তান “নাঢা মানজ্য-ঘর”)।

যিরমিয় 35:10

আমি তাম্বুলোত্ তাম্বুলোত্ বজত্তি গুরি এজির্ আর আমা পুরোণি মানুচ্ যিহোনাদবে আমারে যিয়েনি উগুম গোজ্যে সিয়েনি বেক্কানি আমি গমেডালে পালেই এজির্।

হোশেয় 12:10

মুই ভাববাদীগুনো ইধু কধা কোইয়োং, তারারে বোউত্ দর্শন দুয়োং আর তারা ভিদিরেদি রূপক অত্তে বোউত্ কধা কোইয়োং।”

হোশেয় 12:9

মাত্তর্ ও ইফ্রয়িম, মুয়ই তর্ গোজেন লগেপ্রভু; মুই মিসর দেজত্তুন্ তরে নিগিলেই আন্যং। তর্ ঠিগ্ গোজ্যে পরব সময়ো ধোক্ক্যেন গুরি মুই আরঅ তরে তাম্বুলোত্ বজত্তি গোরেম।

লেবীয় 23:41

পত্তি বজর সাত দিন সং লগেপ্রভুর্ নাঙে তমার এ পরপ্পো পালন গরা পুরিবো। বংশর পর বংশ ধুরি ইবে অবঅ তমাত্তে এক্কো থিদেবর্ গোজ্যে সুদোম। সাত মাজত্‌ তমার এই পরপ্পো পালন গরা পুরিবো।

গণাণা 24:2

তে চেইনে দেগিলোদে, ইস্রায়েলীয়গুনোর্‌ নানান্‌ বাবোত্ত্যে গুট্টির্‌ তাম্বুলানি এক্কানর পর এক্কান্‌ তাঙেয়্যে আঘে। সেক্কে গোজেনর্‌ আত্মাগান তা উগুরে এলঅ,

গণাণা 24:5

তে এই কধাগান কত্তে: ও যাকোব, তর্‌ তাম্বুলানি কি দোল! ও ইস্রায়েল, কি দোল্‌ তর্‌ থেবার্‌ জাগাগান!

২ করিন্হীয় 5:1

আমি এ কধাগান্ কোই পারিই যে, এ পিত্‌থিমীত যে তাম্বুলানত্ আমি বজত্তি গুরির্, অত্তাৎ যে বল্‌পোজ্যে কিয়্যেগানিলোই আমি আঘিই সিয়েন যুনি বর্‌বাদ ওই যায় তো গোজেনর্ দিয়্যে এক্কান্ ঘর আমার আঘে। এ ঘরান্ মান্‌জ্যর্ আঢে বানেইয়্যে নয়, সিয়েন স্বর্গত্ উমরত্যে আঘে।