লেবীয় 23:41 - Chakma Bible

⁴¹ পত্তি বজর সাত দিন সং লগেপ্রভুর্ নাঙে তমার এ পরপ্পো পালন গরা পুরিবো। বংশর পর বংশ ধুরি ইবে অবঅ তমাত্তে এক্কো থিদেবর্ গোজ্যে সুদোম। সাত মাজত্‌ তমার এই পরপ্পো পালন গরা পুরিবো।

লেবীয় 23:41 Iomraidhean Croise

নহিমিয় 8:18

পত্তম দিনোত্তুন্‌ ধুরি আরাম্ভ গুরিনে শেজ দিন সং ইষ্রা পত্তিদিন গোজেনর রীদি-সুদোম বোইবোত্তুন্‌ পড়া ধুরিলো। মানুচ্চুনে সাত দিন সং পরপ্‌বো পালেলাক্‌ আর আস্‌তো দিনোত্‌ সুদোম্‌ মজিম শেজ দিনোত্‌ বিশেজ্ তেম্মাং অলঅ।

লেবীয় 23:14

গোজেন ইদু এ উৎসর্ববো গুরিবার্‌ দিন্নো সং তমার্‌ এ নূয়ো শোজ্যত্তুন্‌ হেই ন-পারিবা। সিবে বাদেয়ো সিয়োত্তুন্‌ বানেয়ে কনঅ রুটি বা সিবে আগুন্দোই পুড়িনেয়ো হেই ন-পারিবা। তুমি যিয়েনত্‌ থেদা সাৎ বংশর্‌ পর বংশ ধুরি ইবে অবঅ তমাত্তে এক্কো থিদেবর্ গোজ্যে সুদোম।

লেবীয় 23:40

পত্তম দিনোত্‌ তমার নিজোত্তে গাজর্‌ বেগত্তুন্‌ গম ফল, খাজোর গাজ পাদা, উইলো গাজ্‌ আর অন্য পাদালোই ভোজ্যে গাজর্‌ বাগল্‌ লোইনে এবা। সে পরেদি সাত দিন ধুরি তুমি তমার গোজেন লগেপ্রভুর্ মুজুঙোত্ ফুত্তি গুরিবা।

লেবীয় 23:42

সাত দিন তুমি নাদামান্‌জ্যর-ঘরত্‌ বজত্তি গুরিবা। ইস্রায়েল বংশত্‌ যিগুনে জোর্মেয়োন্‌ তারারে বেক্কুনোরে এ সময়ানত্‌ নাদামান্‌জ্যর-ঘরত্‌ থাহ্ পুরিবো।

গণাণা 29:12

সাত মাজর্ পন্দর তারিগোত্ এক্কো সুদ্ধো-সাংগ মিলন-সভা গরা পুরিবো আর সেদিন্যে তমার্‌ কনঅ দুঘোর্ কাম্‌ গরানা ন-চলিবো। তুমি লগেপ্রভুর্ নাঙে সাত দিন ধুরিনে উৎসব পালন গুরিবা।