লেবীয় 23:4 - Chakma Bible

⁴ লগেপ্রভুর্ যিদুক্কুন ঠিগ্ গোজ্যে পরব্‌, অত্তাৎ যিদুক্কুন্‌ পবিত্র মিলন-সভা তুমি সিগুনোর্‌ ঠিগগোজ্যে দিনোত্‌ ফগদাঙ্‌ গুরিবা সিগুন্‌ অল:

লেবীয় 23:4 Iomraidhean Croise

নহিমিয় 8:15

আর তারার্‌ আদামানিত্‌ আর যিরূশালেমত্‌ তারা এ কধাগান্‌ ফগদাঙ্‌ আর প্রচার্‌ গুরিবাক্‌, “যেধোক্কেন্‌ লেগা আঘে সেধোক্কেন্‌ তুমি মুড়োমুড়ি চাগালাত্‌ যেইনে নাদা মান্‌জ্যর-ঘর্‌ বানেবাত্তে জলপাই আর ঝার্‌বো জলপাই গাজ ডেলা আর গুলমেঁদি, খাজোর্‌ আর পাদালোই-ভোজ্যে গাজঅ ডেলা আনিবা।”

যাত্রা 12:14

তমাত্যে সেদিন্নো অবঅ এক্কো নাঙ্‌ থাইদে দিন। লগেপ্রভুর নাঙে এ পরপ্‌পো এক্কো উমরত্যে সুদোম্‌ ইজেবে তমা বংশর পর বংশ ধুরি পালন্‌ গুরিবাক্‌।

যাত্রা 23:14

“পত্তি বজর তুমি মর্‌ নাঙে তিন্নো গুরিনে পরব্‌ পালেবা।”

যিশাইয় 29:1

হায়, অরীয়েল, অরীয়েল, দায়ূদোর থেবার জাগায়ানর শঅরান্! তুই বজরর্ পর্ বজর্ পার্ গুরি যর্ আরি তঅ পরব্‌পুন ঘুরি ঘুরি এত্তন্।

যিহিষ্কেল 44:24

কনঅ মামলা-মগদ্দমা অলে ধর্মগুরুগুনে বিচেরগর্ কাম গুরিবাক্ আর মর্ উগুম মজিম্ সিয়েনর রায় দিবাক্। মর্ ঠিগ্ গোজ্যে বেক পরব্‌‌‌পুনোত্তে তারা মর্ রীদি-সুদোমানি আর সুদোমানি পালেবাক্ আর জিরেবার দিনুনোর পবিত্রতাগান রোক্ষ্যে গুরিবাক্।

লেবীয় 23:21

সেদিন্ন্যে তুমি এক্কো পবিত্র মিলন-সভা জানেই দিবা। সেদিন্যে তমার্‌ কনঅ দুঘোর্ কাম গরানা ন চলিবো। তুমি যিয়োদোই বজত্তি গত্তা সাৎ বংশর পর বংশ ধুরি ইয়েন্‌ অবঅ তমাত্তে এক্কান থিদেবর্ গোজ্যে সুদোম।

লেবীয় 23:37

এ পর্‌বগুন বেক্কুন্‌ লগেপ্রভু ঠিগ্‌ গুরি রাগেয়্যে। তুমি যেনে এ সময়ানত্‌ আগুন্দোই-গোজ্যে উৎসর্বর অনুষ্ঠান গুরি পার সেনত্তেই তমার পবিত্র মিলন-সভা অবঅ। যিদুক্কুন্‌ উৎসর্ব তমাত্তুন্‌ গরা পুরিবো সিগুন্‌ অলাক পুজ্যে-উৎসর্ব, শোজ্য-উৎসর্ব আর ঢালন-উৎসর্ব। এই বেক্‌ উৎসর্বগুন্‌ ঠিগ্ গোজ্যে দিনোত্‌ তমাত্তুন্‌ গরা পুরিবো।

নহূম 1:15

যে মানুচ্চো গম্ হবর্ আনে আর শান্তি ফগদাং গরে, উই চাহ্, মুড়ো-মুড়ি উগুরে তা টেঙানি। ও যিহূদা, তর্ পরব্‌‌পুন পালা আর মান্যেগানি বেক্কানি ছিড়ে। পাজিগুনে আর্ তরে আক্রমণ ন-গুরিবাক্; তারারে এক্কুবারে ভস্ত গুরি ফেলা অবঅ।