লেবীয় 23:3 - Chakma Bible

³ সাপ্তায় ছদিন তুমি কাম্‌ গুরি পারিবা মাত্তর্‌ সাত দিনোত্‌ অবঅ জিরেবার্‌ দিন, অত্তাৎ পবিত্র মিলন-সভার দিন। এ দিনোত্‌ তুমি কনঅ কাম্‌ ন-গুরিবা। তুমি যিয়েনত্‌ বজত্তি গত্তা সাৎ এ দিন্য অবঅ লগেপ্রভুর নাঙে জিরেবার্‌ দিন।”

লেবীয় 23:3 Iomraidhean Croise

যাত্রা 16:23

সেক্কে মোশি তারারে কলদে, “ইয়েন্‌ লগেপ্রভুর্‌ কধা। এজেত্তে কেল্যে জিরেবার্‌ দিন, লগেপ্রভুর পবিত্র জিরেবার্‌দিন। সেনত্তেই যেদক্কানি সিঁগি নিবার নেযঅ‌ আর যেদক্কানি উজিবার্ গুরিবার উজিবার্ গুরি নেযঅ‌; বাদ্‌বাগীগানি তার্‌ কেল্যে বেন্যেত্তেই থোই‌ দুয়ো।”

যাত্রা 16:29

চঅ, তমাত্তে জিরেবার্‌ এই সুদোমান্‌ তমা লগেপ্রভু গোজ্যে। সেনত্তে ছঅ দিনোত্‌ তে দ্বি দিনোর্‌ হানা তমাত্তে যুগেলেই দের্‌। সেনে সাত দিনোত্‌ তুমি কনজনে ঘরর্‌ বারেদি ন-যেবা, ভিদিরেই থেবা।”

যাত্রা 16:30

সেনত্তে মানুচ্চুনে সাত্‌ দিনোত্‌ জিরেলাক্‌।

যাত্রা 23:12

তুমি সাপ্তায় ছয়দিন কাম্‌ গুরিবা মাত্তর্‌ সাত দিনোত্‌ কনঅ‌ কাম্‌ ন-গুরিবা। সেক্কে তমার্‌ গোরু আর গাধাগুনে জিরেন্‌ পেবাক্‌ আর তমা ঘরত্‌ জোর্মেয়োন এধোক্ক্যেন চাগর্‌ বা চাগরানী আর অন্য জাদর্‌ মানুচ্চুনেয়ো কামত্তুন্‌ জিরেন পেবাক্‌।

যাত্রা 34:21

“সাপ্তায়্‌ ছয়দিন তুমি কাম্‌ গুরিবা মাত্তর্‌ সাত্‌ দিনোত্‌ জিরেবা। এমন্‌ কি, চাষ গুরিবার্‌ আর ফসল কাবিবার্‌ অক্তত্‌অ সিয়েন্‌ গরা পুরিবো।”

যিশাইয় 56:2

বর্ পেইয়্যে সেই মানুচ্চো, যে এ কামানি গরে; বর্ পেইয়্যে সেই মানুচ্চো, যে সিয়েনি গুরিবাত্তে মনান্ দে। জিরেবার দিন্নোরে অসিজি ন-গুরিনে যে মানুচ্চো সিবে পালায় আর ভান্ন্যেই কামত্তুন্ তা আঢ্‌তান সোরেই রাগায়, তে বর্ পেইয়্যে।”

যিশাইয় 56:6

ইয়েনি বাদেয়ো যে বিদেশিগুনে মর্ সেবা কামত্তে আর মর্ চাগর্ অবাত্তে মইদু এচ্চ্যন্ আর যিগুনে জিরেবার দিন্নোরে অসিজি ন-গুরিনে সিয়েনি পালান্ আর মর্ সুদোমানি গমেডালে ধুরি রাগান্,

যিশাইয় 58:13

“যুনি তুমি জিরেবার দিন্নো পালঅ আর মর্ সুদ্ধো-সাংগ দিন্নো নিজোরে হুজি ন-গরঅ, যুনি জিরেবার দিন্নোরে ফুত্তিবলা ন-গরঅ আর লগেপ্রভুর দিন্নোরে সর্মানর যগাজ্যে মনে গরঅ, যুনি নিজো হুজি ধোক্ক্যেন ন-চলিনে সেই দিন্নোর সর্মানান্ রাগঅ আর যিয়েন হুজি সিয়েন ন-গরঅ বা বাজে কধা ন-কঅ,

লেবীয় 19:3

তুমি তমার মা-বাবরে ভোক্তি গুরিবা আর মর্‌ জিরেবার্‌ দিন্নো পালন্‌ গুরিবা। মুই লগেপ্রভু তমার গোজেন।

লূকে লেখ্যে গম্ হবর্ 13:14

যীশু জিরেবার্ দিনোত্ গম্ গোজ্যে বিলি সমাজ-ঘর নেতাবো তোচ্চ্যে পেইনে মানুচ্চুনোরে কলঅ, “কাম্ গুরিবাত্যে দঅ ছয় দিন আঘে। সেনত্তে জিরেবার্ দিনোত্ ন-এইনে সেই ছয় দিনো ভিদিরে এইনে গম্ অ।”

লূকে লেখ্যে গম্ হবর্ 23:56

সে পরেদি তারা ফিরি যেইনে তা কিয়্যেগানত্তে তুম্বাজ্ মজলা আর মলম্ বানেলাক্। ইয়েনর্ পরেদি তারা মোশির উগুম্ মজিম্ জিরেবার্ দিনোত্ জিরেলাক্।

প্রেরিত্‌ 15:21

এই উগুমানি তারারে দেনা গম্, কিয়া মোশি যিয়েন কোইয়্যে সিয়েন পত্তি শঅরত্ ভালোক্ দিন আগেত্তুন্ ধুরি ফগদাং গরা অর্ আর তে যিয়েন লিগি যেয়্যে সিয়েন পত্তি জিরেবার দিনোত্ সমাজ-ঘরানিত্ পড়া অর্।”

ফগদাং পেইয়্যে 1:10

প্রভুর দিনোত্ পবিত্র আত্মাগানে মরে পরিচালনা গোজ্জ্যে। এন্ সময়োত্ মঅ পিজেদি তূরীর রঅ ধোক্ক্যেন একজনর দাঙর্ রঅ শুনিলুং।