লেবীয় 23:19 - Chakma Bible

¹⁹ সে পরেদি তুমি পাপ-উৎসর্ব ইজেবে এক্কো ছাগল আর উদোলোলি-উৎসর্ব ইজেবে এক বোজোজ্যে দ্বিবে ভেড়া ছঅ উৎসর্ব গুরিবা।

লেবীয় 23:19 Iomraidhean Croise

লেবীয় 16:15

পরেদি তাত্তুন্‌ মানুচ্চুনোর্‌ পাপ-উৎসর্বর্ ছাগল্লো কাবা পুরিবো আর তার লো-নেযেইনে পর্দাগানর্‌ পিজেন্দি যেইনে বলত্তোর লো-লোই যিয়ান গুরিবার্‌ কধা কুয়ো ওইয়ে সিয়ান গরা পুরিবো। সুন্দুগোর্‌ ঢাগনিগান উগুরে আর মুজুঙোত্ সে লো-গান তাত্তুন্‌ ছিদি দিয়া পুরিবো।

লেবীয় 23:18

এ রুটিগানি সমারে সাত্তো এক বোজোজ্যে দাগ্‌দুগ্‌ নেইয়ে ভেড়া ছঅ‌, এক্কো বলদ গোরু আর দ্বিবে ভেড়া আনা পুরিবো। এ য়েমানুন্দোই লগেপ্রভুর্ নাঙে এক্কো পুজ্যে-উৎসর্বর অনুষ্ঠান গরা পুরিবো, আর তা সমারে থেবঅ অক্ত মজিম্ শোজ্য-উৎসর্ব আর ঢালন-উৎসর্ব। ইগুন্‌ বেক্কুন্‌ আগুন্দোই-গোজ্যে উৎসর্ব, যিবের্‌ তুম্বাজে লগেপ্রভু হুজি অয়।

লেবীয় 23:20

ধর্মগুরুবো লগেপ্রভুর্ মুজুঙোত্ দুলেয়্যে-উৎসর্ব ইজেবে সেই দ্বিবে ভেড়া ছঅ‌ আর পত্তমে তুল্যে ফসলর বানেয়ে রুটি নেযেইনে দুলেব। ইগুন্‌ লগেপ্রভুর্ নাঙে উৎসর্ব গোজ্যে পবিত্র জিনিস্ যিগুন্‌ ধর্মগুরুগুনোর্‌ পাওনা।

গণাণা 28:30

পাপ ঢাগি দিবাত্তে ইগুনো সমারে তমার্‌ এক্কো পাঁদাছাগলঅ আনা পুরিবো।

রোমীয় 8:3

মান্‌জ্যর পাপ খাচ্চ্যদত্যে আইন-কানুনানি ভাঙি পোজ্জ্যে, আর সেনত্তে রীতি-সুদোমে যিয়েনি গুরি ন-পারে গোজেনে নিজে সিয়েনি গোজ্জ্যে। তে পাপ্‌পানি ধাবেবাত্যে নিজোর্ পাপ-নেইয়্যে পুয়োবোরে মান্‌জ্যর্ খাচ্চ্যত্ দিইনে পাধেই দিলো আর তা পুয়োবোর্ মরণর্ মাধ্যমে পাপর্ বিচের গুরিনে তা খেমতাগানরে বাদ দি দিলো।

২ করিন্হীয় 5:21

যীশু খ্রীষ্ট ইধু কনঅ পাপ্ ন-এলঅ; মাত্তর্ গোজেনে আমা পাপ্‌পানি যীশু উগুরে তুলি দিইনে তারে পাপ জাগানত্ দিলো, যেন খ্রীষ্ট সমারে মিজেইনে গোজেনর্ পবিত্রতাগান্ আমার পবিত্রতাগান্ অয়।