লেবীয় 23:17 - Chakma Bible

¹⁷ তুমি ঘরত্তুন্‌ লগেপ্রভুর্ নাঙে দুলেয়্যে-উৎসর্ব ইজেবে তমার্‌ পত্তমে তুল্যে ক্ষেদর্‌ কিজু ভাগ আনিবা। সেই দুলেয়্যে-উৎসর্বর্‌ জিনিস্‌চানি অবঅ সাড়ে তিন কেজি নিগুজ মোয়দেলোই বানেয়ে সদালোই দ্বিয়েন্‌ রুটি।

লেবীয় 23:17 Iomraidhean Croise

নহিমিয় 10:37

ইয়েনিবাদেয়ো আমা মোয়দ্যের্‌ আর শোজ্য-উৎসর্বর পত্তম্‌ ভাগ্‌কুয়ো, বেক্‌ গাজ্‌ছুনোর পত্তম ফল্লো আর নূয়ো আংগুর-রস আর তেলর্‌ পত্তম্‌ ভাগ্‌কুয়ো আমি আমার গোজেনর ঘরর্‌ ভান্ডাল-ঘরত্‌ ধর্মগুরুগুনোর্‌ ইদু আনিবোং। আর আমা ফসলর দশ ভাগর্‌ এক ভাগ্‌ লেবীয়গুনোর্‌ ইদু আনিবোং, কিত্যে আমা বেক্‌ আদামানিত্‌ লেবীয়গুনে দশমাংশ গুজি লন্‌।

যাত্রা 22:29

তমার্‌ ক্ষেত-ক্ষেত্তিত্তুন্‌ আর আংগুর-রজত্তুন্‌ মরে যিয়েনি দিবার্‌ সিয়েনি দেদে দেরি ন-গোজ্য। তমার পত্তম পূঅবো মরে দিয়্যে পুরিবো।

যাত্রা 23:16

তুমি খেদত্‌ যিয়েনি লাগেবা সিয়েনির্ পত্তম ফসল্লোই ক্ষেত-ক্ষেত্তি কাবিবার্‌ পরপ্পো পালেবা। চাষকামর্‌ শেষ্‌ মাজত্‌ ক্ষেদত্তুন্‌ ফসল্‌ তুলিবার্‌ অক্তত্‌ তুমি ফসল তুবেবার্ পরপ্পো পালেবা।

যাত্রা 23:19

তমা খেদত্তুন্‌ কাবি আন্যে পত্তম ফসলর্‌ বেগত্তুন্‌ গম্‌ ভাগ্কান্‌ তুমি তমার্‌ গোজেন লগেপ্রভুর্‌ ঘরত্‌ নেযেবা। ছাগল ছবোর্‌ য়েরাগান তার্‌ মাবো দুত্তোই ন-রানিবা।

যাত্রা 34:22

গম কাবানার্‌ অক্তত্‌ পত্তম কাপ্যে গমুন্দোই সাত সাপ্তার্‌ পরব্‌ পালন্‌ গুরিবা আর চাষ কামর শেজ মাস্‌চোত্‌ পালন্‌ গুরিবা ফসল থুবেবার্‌ পরব্‌।

যাত্রা 34:26

তমা ক্ষেদত্তুন্‌ কাবি আন্যে পত্তম ফসলর্‌ বেগত্তুন্‌ গম ভাগ্‌কো তুমি তমার গোজেন লগেপ্রভুর্‌ ঘরত্‌ নেযেবা। “ছাগল ছবোর্‌ য়েরাগান্‌ তার্‌ মাবো দুধতান্দোই ন-রানিবা।”

লেবীয় 2:12

পত্তমে তুল্যে ফসল উৎসর্ব গুরিবাত্তে তারা সদা আর মধু লগেপ্রভু ইদু নেযেই পারিবো, মাত্তর্‌ যে উৎসর্বর তুম্বাজে তে হুজি অয়্‌ এধোক্ক্যেন উৎসর্ব ইজেবে সদা আর মধু পুজোবো উগুরে পুড়োনা ন-চুলিবো।

লেবীয় 23:18

এ রুটিগানি সমারে সাত্তো এক বোজোজ্যে দাগ্‌দুগ্‌ নেইয়ে ভেড়া ছঅ‌, এক্কো বলদ গোরু আর দ্বিবে ভেড়া আনা পুরিবো। এ য়েমানুন্দোই লগেপ্রভুর্ নাঙে এক্কো পুজ্যে-উৎসর্বর অনুষ্ঠান গরা পুরিবো, আর তা সমারে থেবঅ অক্ত মজিম্ শোজ্য-উৎসর্ব আর ঢালন-উৎসর্ব। ইগুন্‌ বেক্কুন্‌ আগুন্দোই-গোজ্যে উৎসর্ব, যিবের্‌ তুম্বাজে লগেপ্রভু হুজি অয়।

লেবীয় 7:13

কৃতজ্ঞতাত্তে এই উদোলোলি-উৎসর্বর জিনিজো সমারে কিজু সদা দিয়্যে রুটিয়ো থাহ্ পড়িবো।

গণাণা 15:17

ইয়েনর পরেদি লগেপ্রভু মোশিরে কলঅ ইস্রায়েলীয়গুনোরে এই কধাগান কবাত্তে, মুই তমারে যে দেজত্‌ নেযাঙর্‌ সিয়েনত্‌ যেইনে যেক্কে তুমি দেজর্‌ ক্ষেত-ক্ষেত্তিগানি ভোগ গুরিবা সেক্কে সেই ক্ষেত-ক্ষেত্তির্‌ এক ভাগ্‌ তুমি মইদু উৎসর্ব ইজেবে দিবা।

গণাণা 18:12

“ইস্রায়েলীয়গুনে তারার পত্তমে তুল্যে ফলুনোর বেগত্তুন্‌ গম্‌ যে জলপাইয়র্‌ তেল, নূয়া আংগুরো-রস আর শোজ্য লগেপ্রভুরে দিবাক সিয়েনি বেক্কানি মুই তরে দিলুং।

গণাণা 18:13

লগেপ্রভু ইদু আন্যে তারার ভূইয়োর পত্তম্ ফলুন তর্‌ অবঅ। তর্‌ পরিবারত্‌ যিগুনে সিজি অবস্থায় থেবাক তারা সিয়েনি খেই পারিবাক্।

গণাণা 28:26

সাত সাপ্তার্ পরবর্‌ দিনোত্‌, অত্তাৎ পত্তমে তুল্যে ফসলর্ উৎসর্ব গুরিবার্‌ দিন্নোত্‌ যেক্কে তুমি লগেপ্রভুর্ নাঙে নূয়ো ফসল উৎসর্ব গুরিবা সেদিন্যে তমার্‌ এক্কো পবিত্র মিলন-সভা গরা পুরিবো আর সেদিন্যে তমার্‌ কনঅ দুঘোর্‌ কাম্‌ গরানা ন-চলিবো।

মথি লেখ্যে গম্ হবর্ 13:33

যীশু তারারে আর এক্কো হিত্ত্য কুয়ো ধুরিলো। “স্বর্গ-রেজ্যগান্ এবাবোত্যে। এক্কো মিলে সদা লোইনে আদার কেজি মোয়দ্যে লগে মিজেল। সেনে বেক্ মোয়দ্যেগান্ ফুলি উদিলো।”

রোমীয় 8:23

বানা সিয়েন্ নয়, মাত্তর্ যে মহিমাগান্ আমি যেরেদি পেবং সিয়েন্ পত্তম ফল্ ইজেবে পবিত্র আত্মারে পেইনে আমি নিজেয়ো মনেদি কোঙের্। আর সেই সমারে সেই দিন্নোত্তে বাজ্জেই আঘি যেক্কে গোজেনর্ পুয়ো-ছা ইজেবে আমারে ফগদাং গরা অবঅ, অত্তাৎ ভস্তর্ আঢত্তুন্ আমা কিয়্যেগানিরে উদ্ধোর্ গরা অবঅ।

১ করিন্হীয় 15:20

মাত্তর্ খ্রীষ্টরে ঘেচ্চ্যেকগুরি মরণত্তুন্ জেদা গুরি তুলো ওইয়্যে। তে পত্তম ফল, অত্তাৎ মরণত্তুন্ যিগুনোরে জেদা গরা অবঅ তারা ভিদিরে তেয়ই পত্তমে জেদা ওইয়্যে।

যাকোব 1:18

তা নিজোর্ আওজে সত্য কধানিলোই তে আমারে তার্ পুয়ো বানেয়্যে, যেন তার্ সৃট্টি জিনিজো ভিদিরে আমি এক বাবোত্যে পত্তম ফল ধোক্ক্যেন ওই।

ফগদাং পেইয়্যে 14:4

ইগুনে সেই মানুচ্চুন্, যিগুনে মিলেগুনো সমারে পর্‌‌পাগোল্যে ওইনে নিজোরে অসিজি ন-গরন্। যিয়েনত্ ভেড়া-ছবো যায় তারা তা পিজে পিজে যান্। গোজেন আর ভেড়া-ছবো ইধু পত্তম ফল ইজেবে উৎসর্ব গুরিবাত্যে মানুচ্চুনো ভিদিরেত্তুন্ তারারে কিনি নেযা ওইয়্যে।