লেবীয় 22:8 - Chakma Bible

⁸ তে কনঅ মরা য়েমান বা ঝার্‌বো য়েমানে হেই ফেলেয়্যে য়েমানর্‌ য়েরা হেইনে নিজোরে ফি-বলা গুরি ন-পারিবো। মুই লগেপ্রভু।

লেবীয় 22:8 Iomraidhean Croise

যাত্রা 22:30

তমার গোরু আর ভেড়াছাগলুনোর্ বেলাইয়ো সিয়েন্‌ গুরিবা। সাত দিন্‌ সং তারার ছঅ‌গুন্‌ মা-বো ইদু থেবাক্, সে পরেদি আস্‌তো দিনোত্‌ সিগুন্‌ মরে দিয়্যে পুরিবো।

যাত্রা 22:31

“তুমি অবা মর্‌ নাঙে যুদো গোজ্যে মানুচ্‌। সেনত্তেই এন্‌ কনঅ‌ য়েমানর্‌ য়েরা তুমি ন-হেবা যিবেরে কনঅ‌ ঝাড়্‌বো জানোয়ারে কট্টা কট্টা গুরি মাদঠ্‌ ফেলে রাগেয়্যে; সিয়েনি কুকুরোরে হেবাত্তে দিবা।”

যিহিষ্কেল 4:14

সেক্কে মুই কলুং, “ও প্রভু লগেপ্রভু, এবাবোত্যে ন-ওক্। মুই কনদিন্‌অ অসিজি ন-অং। চিগনত্তুন্ ধুরি এজ সং মুই মরা বা ঝার্‌‌‌‌বো য়েমান মারে ফেলেয়্যে কনঅ কিজু ন-হাং। কনঅ অসিজি য়েরা মঅ মুয়োদি কনদিন্‌অ ন-সমে।”

যিহিষ্কেল 44:31

মুরি যেইয়্যে বা ঝর্‌‌‌‌‌বো য়েমানে কট্টা গোজ্যন্ এবাবোত্যে কনঅ পেগ্ বা য়েমান ধর্মগুরুগুনে ন-হেবাক্।

লেবীয় 17:15

“কনঅ জনে যুনি মরা য়েমানর্‌ বা ঝার্‌বো য়েমানে ছিনি ফেলেয়্যে য়েমানর্‌ য়েরা খায়-তে ইস্রায়েলীয় ওক্‌ বা তারার্‌ ভিদিরে বজত্তি-গোজ্যে জাদর্‌ মানুচ্‌ ওক্‌-তাত্তুন্‌ তার্‌ কাবড়-চুগোর্‌ ধোয়নে পানিলোই গাদা পুরিবো। তে সাজোন্যে সং ফি-বলা অবস্থায় থেবঅ, সে পরেদি তে সুদ্ধো-সাংগ অবঅ।

লেবীয় 7:24

মরা য়েমানর্‌ অথবা ঝাড়্‌বো য়েমানে ছিনি ফেলেয়্যে য়েমানর্ তেল্‌ তুমি অন্য কামত্‌ বেবহার্‌ গুরি পারিবা মাত্তর্‌ সিয়েন্‌ হেই ন-পারিবা।

দ্বি’লম্বর বিররণ 14:21

মুরিনে পড়ি থেইয়্যে কনঅ প্রাণী তুমি ন হেবা, কিত্যে তুমি তমার লগেপ্রভুর নাঙে এক্কো ফারক গোজ্যে জাদ। তমার আদাম বা শঅরত্‌ বজত্তি গোজ্যে অন্য জাদর্‌ কনঅ মান্‌জ্যরে তুমি সিবে দি পারিবা আর সিবে তে হেই পারিবো, বা তুমি কনঅ বিদেশী ইদু সিবে বিজি দি পারিবা।