লেবীয় 21:8 - Chakma Bible

⁸ ও ইস্রায়েলীয়গুন্‌, তুমিয়ো ধর্মগুরুগুনোরে গোজেনর্‌‌ নাঙে যুদো গুরি রাগেয়্যে মানুচ্‌ ইজেবে চেবা, কিত্যে তারা তমার্‌ গোজেনর্‌‌ নাঙে হেবার্‌ উৎসর্ব গুরিবার্‌ কাম গরন্‌। যুদো গুরি রাগেয়্যে মানুচ্‌ বিলিই তারারে চাহ্ পুরিবো, কিত্যে মুই লগেপ্রভু নিজেই পবিত্র আর মুয়ই তমারে মর্‌ নাঙে যুদো গুরি রাগেয়োং।

লেবীয় 21:8 Iomraidhean Croise

নহিমিয় 13:29

ও মর্‌ গোজেন, ইগুনোর্‌ কধানি মনত্‌ রাগেচ্‌, কিত্যে ইগুনে ধর্মগুরুগুনোর্‌ পোজিশনানি অপবিত্র গোজ্যন্‌ আর ধর্মগুরু আর লেবীয়গুনোর্‌ কামর্‌ চুক্তিবো ভাঙোন্‌।

যাত্রা 19:10

লগেপ্রভু মোশিরে আরঅ‌ কলঅ, “এচ্চ্যে আর কেল্যে এই দ্বিদিন্‌ তুই মানুচ্চুনো ইদু যেইনে তারারে সিজি গুরিবে। তারা যেনে তারার্‌ কাবড়্‌-চুগোরানি ধোই ফেলান্‌ আর তিন্‌ দিনোত্‌ যুক্কুলেই থান্‌, কিত্তে এই তিন্‌ দিনোত্‌ মুই লগেপ্রভু বেক্‌ মানুচ্চুনোর্‌ চোগো মুজুঙোত্‌ সিনাই মুড়োবো উগুরে লামি এই‌ম।

যাত্রা 19:14

ইয়েন পরেদি মোশি মুড়োবো ইত্তুন্‌ লামি এইনে মানুচ্চুনোরে সিজি গুরিলো আর মানুচ্চুনে তারার্‌ কাবড়-চুগোরানি ধোই নেযেলাক্‌।

যাত্রা 28:41

তর্‌ ভেই হারোণ আর তার্‌ পূঅগুনোর্‌ এই বেক্‌ পোজাক্কানি পিনেই দিইনে তুই তারারে তেল্লোই অভিষেক গুরিনে ধর্মগুরু ইজেবে বোজেই দিবে। লগেপ্রভুর্‌ নাঙে তুই তারারে ফারক্‌ গুরি নেযেবে যেনে তারা ধর্মগুরু ওইনে মরে সেবা গুরি পারন।

যাত্রা 29:1

ধর্মগুরু ওইনে যেনে তারা মরে সেবা গুরি পারন্‌ সেনত্তেই তুই তারারে মঅ নাঙে এধোক্ক্যেনগুরি ফারক্‌ গুরি নেযেবে। তুই এক্কো দামারা গোরু আর দ্বিবে ভেড়াছাগল নেযেবে। সিগুনোর্‌ কিয়্যেত্‌ যেনে কনঅ‌ দাগ্‌দুগ্‌ ন-থায়।

লেবীয় 21:6

সিয়েন্‌ গুরিনে তারা তারার্‌ গোজেনর্‌‌ নাঙানর্‌ পবিত্রতাগান বর্বাদ গুরি ন-পারিবো। তারা যেন তারার্‌ গোজেনর্‌‌ নাঙে ফারগ্ ওই থান্‌। ধর্মগুরুগুনে লগেপ্রভুর্ নাঙে আগুন্দোই-গোজ্যে উৎসর্বর অনুষ্ঠান্‌ গুরিবাক্, আর সেনত্তে লগেপ্রভুর নাঙে তারাত্তুন যুদো ওই থাহ্‌ পুরিবো। এ উৎসর্বর্‌ জিনিস্‌চান অলঅ তারার্‌ গোজেনর্‌‌ নাঙে উৎসর্ব গোজ্যে হানা।

লেবীয় 3:11

ধর্মগুরুবো ইয়েনি লোইনে উৎসর্ব গোজ্যে হানা ইজেবে পুজোবো উগুরে পুড়ি ফেলেব। ইবে লগেপ্রভুর্ নাঙে আগুন্দোই-গোজ্যে উৎসর্ব ভিদিরে এক্কো।

মালাখি 1:7

মর্ ডালি পূজোবো উগুরে তুমি অসিজি হানা রাগেইনে মরে ঈচ্ গোজ্য। মাত্তর্ তুমি কত্তে, ‘সিয়েন্দোই কি তুই অসিজি ওইয়োচ্?’ তুমি যেক্কে কঅ, ‘লগেপ্রভুর টেবিলান ঈচ্ গরে পারা,’ সেক্কে দঅ তুমি মরে অসিজি কোইয়ো।

যোহন 10:36

সালে বাবা নিজো নাঙে যিগুনোরে যুদো গুরিলো আর জগদত্ পাধেই দিলো সিবে মুই যেক্কে কলুং, ‘মুই গোজেনর্ পুয়ো,’ সেক্কে তুমি কেধোক্ক্যেন্ গুরি কলা, ‘তুই গোজেন বিরুদ্ধে অগমানর্ কধা কর্’?

যোহন 17:19

তারাত্যে তর্ নাঙে মুই নিজোরে যুদো গোজ্যং যেন সত্যলোই তারারেয়ো ফারগ্ গরা অয়।

ইব্রীয় 10:29

সালে গোজেনর্ পুয়োবোরে যে ঈচ্ গোজ্জ্যে, যে লো-গান্দোই তে সিজি ওইয়্যে গোজেনর্ সেই বেবস্থার্ লো-গানরে যে অপবিত্র মনে গোজ্জ্যে আর যে দোয়্যে গরে সেই পবিত্র আত্মাগানরে যে অগমান গোজ্জ্যে, ভাবি চঅ, তে আরঅ কত্তমান বেশ্ সাজা পেবার্!

ইব্রীয় 7:26

এবাবোত্যে এক্কো পবিত্র, দুষ্-নেইয়্যে আর খাটি ধর্মগুরু আমার দরকার এলঅ। তে পাপী মান্‌জ্যত্তুন্ জুদো আর গোজেনে তারে আগাজত্তুন্‌অ উগুরে তুল্ল্যে।