লেবীয় 21:6 - Chakma Bible

⁶ সিয়েন্‌ গুরিনে তারা তারার্‌ গোজেনর্‌‌ নাঙানর্‌ পবিত্রতাগান বর্বাদ গুরি ন-পারিবো। তারা যেন তারার্‌ গোজেনর্‌‌ নাঙে ফারগ্ ওই থান্‌। ধর্মগুরুগুনে লগেপ্রভুর্ নাঙে আগুন্দোই-গোজ্যে উৎসর্বর অনুষ্ঠান্‌ গুরিবাক্, আর সেনত্তে লগেপ্রভুর নাঙে তারাত্তুন যুদো ওই থাহ্‌ পুরিবো। এ উৎসর্বর্‌ জিনিস্‌চান অলঅ তারার্‌ গোজেনর্‌‌ নাঙে উৎসর্ব গোজ্যে হানা।

লেবীয় 21:6 Iomraidhean Croise

ইষ্রা 8:28

মুই তারারে কলুং, “তমার আর এই বেক্ পিলেগুন লগেপ্রভুর নাঙে যুদো গরা ওইয়্যে। ইগুনবাদে এই সনা আর রূবোগানি তমার পূরোণি মানুচ্চুনোর গোজেন লগেপ্রভুর নাঙে নিজোর্ আওজে দান গোজ্যে।

যাত্রা 19:22

এন্‌ কি, লড়েপ্রভু ইদু যানা যিগুনোর্‌ কাম, সেই ধর্মগুরুগুনোর্‌‌‌‌অ‌ নিজোরে সিজি গুরি নেযা পড়িবো। সিয়েন ন-গুরিলে লগেপ্রভু তারারে জদবদে সাজা-দিবো।”

যাত্রা 28:36

এক্কান খাটি সনার্‌ পাত বানেইনে সিয়েন উগুরে সীলমহর্‌ খোদাই গরেদে ধোক্ক্যেন গুরি এই কধানি লিগি নেযেবে; লগেপ্রভুর্‌ নাঙে যুদো গুরি রাগানা।

যাত্রা 29:44

“মুই মিলন-তাম্বুলান আর ডালিপূজোবো মর্‌ নাঙে ফারক্‌ গুরি রাগেম্‌ আর ধর্মগুরু ওইনে মরে সেবা গুরিবাত্তেই হারোণ আর তার্‌ পূঅগুনোরেয়ো ফারক্‌ গুরি রাগেম্‌।”

যিশাইয় 52:11

তুমি নিগিলি এজঅ, সে জাগানত্তুন্ নিগিলি এজঅ। তুমি কনঅ অসিজি পযাপিরা ন-ধোজ্য। তুমি যিগুনে লগেপ্রভুর পিলেবো বুয়োই নেযর্ তুমি সেই জাগানত্তুন্ নিগিলি এজঅ আর সিজি অ।

যিহিষ্কেল 44:7

তমা অন্য জঘন্য আচার-বেবহার লগে তুমি মইধু হানা, তেল্ আর লো উৎসর্ব গুরিবার অক্তত্ মনেদি আর কিয়্যেদি সুন্নত-ন-গোজ্যে বিদেশীগুনোরে মঅ ঘরত্ আনিনে মঅ ঘরান্ অসিজি গোজ্য আর তারার কাম ভিদিরেদি তুমি মর্ সুদোমান বাতিল গোজ্য।

লেবীয় 10:3

সেক্কে মোশি হারোণরে কলঅ, “লগেপ্রভু কোইয়্যেদে, ‘যিগুনে মইদু এজন্‌ তারা যেন মরে পবিত্র বিলিনে মানন্‌। মানুচ্চুনোর্‌ চোগোত্‌ তারা যেন মর্‌ সর্মান্‌ তুলি ধরন।’ ” হারোণে জুরো গুরি রলঅ।

লেবীয় 18:21

তমা ভিদিরেত্তুন কনজনে যেন তার্‌ পূঅ বা ঝিয়োরে মোলক দেবেদা ইদু আগুনোত্‌ পুড়িনে উৎসর্ব ন-গরন বা অন্য কনঅ বাবদে নিজোর্ গোজেনর্‌‌ নাঙে পবিত্রতাগান্ বর্‌বাদ্ ন-গরন। মুই লগেপ্রভু।

লেবীয় 19:12

মর্‌ নাঙে মিজে শমক্‌ হেইনে তমার গোজেনর্‌‌ নাঙানর্‌ পবিত্রতাগান্‌ বর্‌বাদ্ ন-গুরিবা। মুই লগেপ্রভু।

লেবীয় 20:3

তাত্তুন্‌ মুই মুয়োন্‌ ফিরেই নিম্‌ আর তা জাদত্তুন্‌ মুই তারে তুলি ফেলেম, কিত্যে মোলক দেবেদা ইদু তার্‌ পূঅবো উৎসর্ব গুরিনে তে মর্‌ পবিত্র তাম্বুলান্ ফি-বলা গোজ্যে আর মর্‌ পবিত্র নাঙানর্‌ পবিত্রতাগান্‌ বরবাদ্ গোজ্যে।

লেবীয় 21:17

তুই হারোণরে কঅ, কিয়্যেত্ থুদো বলা তার্ কোন বংশধর তার্‌ গোজেনর নাঙে হানা উৎসর্ব গুরিবাত্তে পূজোবো ইদু যেই ন-পারিবো।

লেবীয় 21:21

কিয়্যেত্‌ দাগ্‌ পোজ্যে লোইনে ধর্মগুরু হারোণর্‌ কনঅ বংশধর্‌ পুজোবো ইদু যেইনে লগেপ্রভুর নাঙে আগুন্দোই-গোজ্যে কনঅ উৎসর্বর্ অনুষ্ঠান গুরি ন-পারিবাক্। দাগ্‌ আঘে বিলিনে তে পূজোবো ইদু যেইনে তার্‌ গোজেন নাঙে কনঅ হানা উৎসর্ব গুরি ন-পারিবো।

লেবীয় 21:23

মাত্তর্‌ তার্‌ কিয়্যেত্ দাগ্‌ আঘে বিলিনে তে পবিত্র জাগানর্‌ পর্দাগান ইদু বা পূজোবোর্‌ মুজুঙোত যেইনে মর্‌ পবিত্র জাগাগানির্‌ পবিত্রতাগান্‌ বর্‌বাদ্ গুরি ন-পাবিবো। মুই লগেপ্রভু, মুয়ই ধর্মগুরুগুনোরে মর্‌ নাঙে যুদো গুরি রাগেয়োং।

লেবীয় 21:8

ও ইস্রায়েলীয়গুন্‌, তুমিয়ো ধর্মগুরুগুনোরে গোজেনর্‌‌ নাঙে যুদো গুরি রাগেয়্যে মানুচ্‌ ইজেবে চেবা, কিত্যে তারা তমার্‌ গোজেনর্‌‌ নাঙে হেবার্‌ উৎসর্ব গুরিবার্‌ কাম গরন্‌। যুদো গুরি রাগেয়্যে মানুচ্‌ বিলিই তারারে চাহ্ পুরিবো, কিত্যে মুই লগেপ্রভু নিজেই পবিত্র আর মুয়ই তমারে মর্‌ নাঙে যুদো গুরি রাগেয়োং।

লেবীয় 3:11

ধর্মগুরুবো ইয়েনি লোইনে উৎসর্ব গোজ্যে হানা ইজেবে পুজোবো উগুরে পুড়ি ফেলেব। ইবে লগেপ্রভুর্ নাঙে আগুন্দোই-গোজ্যে উৎসর্ব ভিদিরে এক্কো।

গণাণা 16:5

তে কোরহ আর তার দলর মানুচ্চুনোরে কলঅ, “এযেত্যেকেল্যে বেন্যেমাদান্ লগেপ্রভু দেগেই দিবো কন্না তার মানুচ্‌ আর কন্না তার নাঙে যুদো গোজ্যে। তেয়ই সেই মানুচ্চোরে তা মুজুঙোত্‌ যেবাত্তে দিবো। যিবেরে তে বেঈ লবঅ তারে তে তা মুজুঙোত্‌ যেবাত্তে দিবো।

১ পিতর 2:9

মাত্তর্ তুমি দঅ “বেঈ লোইয়্যে বংশ ওইয়ো; তমারে দিইনে বানা ওইয়্যেদে ধর্মগুরুগুনোর্ রেজ্যগান; তুমি গোজেনর্ নাঙে ফারগ্ গোজ্জ্যে জাদ্ আর তার্ নিজোর্ মানুচ্ ওইয়ো;” যেন আন্ধারত্তুন্ যিবে তমারে তার্ আমক্ অবার্ পহ্‌রত্ ডাগি আন্ন্যে তুমি তারে গুণগীত্ গঅ।