লেবীয় 21:17 - Chakma Bible

¹⁷ তুই হারোণরে কঅ, কিয়্যেত্ থুদো বলা তার্ কোন বংশধর তার্‌ গোজেনর নাঙে হানা উৎসর্ব গুরিবাত্তে পূজোবো ইদু যেই ন-পারিবো।

লেবীয় 21:17 Iomraidhean Croise

গীতসংহিতা 65:4

বর্‌পেইয়্যে সেই মানুচ্চ্য, যিবেরে তুই বেঈ নেযেয়োচ্ আর নিজোর কায়কুরে আন্, যেনে তে তর্ উদোনত্ বজত্তি গুরি পারে। তঅ ঘরর, তর্ পবিত্র থেবার ঘরর্ আশীদ্‌বাদে আমি হুজি অবং।

লেবীয় 10:3

সেক্কে মোশি হারোণরে কলঅ, “লগেপ্রভু কোইয়্যেদে, ‘যিগুনে মইদু এজন্‌ তারা যেন মরে পবিত্র বিলিনে মানন্‌। মানুচ্চুনোর্‌ চোগোত্‌ তারা যেন মর্‌ সর্মান্‌ তুলি ধরন।’ ” হারোণে জুরো গুরি রলঅ।

লেবীয় 21:16

ইয়েন পরেদি লগেপ্রভু মোশিরে কোইয়্যেদে,

লেবীয় 21:21

কিয়্যেত্‌ দাগ্‌ পোজ্যে লোইনে ধর্মগুরু হারোণর্‌ কনঅ বংশধর্‌ পুজোবো ইদু যেইনে লগেপ্রভুর নাঙে আগুন্দোই-গোজ্যে কনঅ উৎসর্বর্ অনুষ্ঠান গুরি ন-পারিবাক্। দাগ্‌ আঘে বিলিনে তে পূজোবো ইদু যেইনে তার্‌ গোজেন নাঙে কনঅ হানা উৎসর্ব গুরি ন-পারিবো।

লেবীয় 21:6

সিয়েন্‌ গুরিনে তারা তারার্‌ গোজেনর্‌‌ নাঙানর্‌ পবিত্রতাগান বর্বাদ গুরি ন-পারিবো। তারা যেন তারার্‌ গোজেনর্‌‌ নাঙে ফারগ্ ওই থান্‌। ধর্মগুরুগুনে লগেপ্রভুর্ নাঙে আগুন্দোই-গোজ্যে উৎসর্বর অনুষ্ঠান্‌ গুরিবাক্, আর সেনত্তে লগেপ্রভুর নাঙে তারাত্তুন যুদো ওই থাহ্‌ পুরিবো। এ উৎসর্বর্‌ জিনিস্‌চান অলঅ তারার্‌ গোজেনর্‌‌ নাঙে উৎসর্ব গোজ্যে হানা।

লেবীয় 3:11

ধর্মগুরুবো ইয়েনি লোইনে উৎসর্ব গোজ্যে হানা ইজেবে পুজোবো উগুরে পুড়ি ফেলেব। ইবে লগেপ্রভুর্ নাঙে আগুন্দোই-গোজ্যে উৎসর্ব ভিদিরে এক্কো।

লেবীয় 3:16

ধর্মগুরুবো ইয়েনি নেযেইনে উৎসর্ব গোজ্যে হানা ইজেবে পূজোবো উগুরে পুড়ি ফেলেব। ইবে আগুন্দোই-গোজ্যে উৎসর্ব ভিদিরে এক্কো, যিবের্‌ তুম্বাজে লগেপ্রভু হুজি অয়্‌। উৎসর্ব গোজ্যে য়েমান্নোর্ তেলানি বেক্কানি লগেপ্রভুর্।

গণাণা 16:5

তে কোরহ আর তার দলর মানুচ্চুনোরে কলঅ, “এযেত্যেকেল্যে বেন্যেমাদান্ লগেপ্রভু দেগেই দিবো কন্না তার মানুচ্‌ আর কন্না তার নাঙে যুদো গোজ্যে। তেয়ই সেই মানুচ্চোরে তা মুজুঙোত্‌ যেবাত্তে দিবো। যিবেরে তে বেঈ লবঅ তারে তে তা মুজুঙোত্‌ যেবাত্তে দিবো।

১ থিষলনীকীয় 2:10

তুমি যিগুনে বিশ্বেজ্ গোজ্জ্য, তমা লগে আমার বেবহার যে পবিত্র, গম্ আর থুদো নেইয়্যে এলঅ, সিয়েনর সাক্ষী তুমিয়ো আঘঅ আর গোজেনেয়ো আঘে।

১ তীমথিয় 3:2

পরিচালক্‌কো সেনত্যে এমন উয়ো পড়িবো যেন কেঅ তারে দুষ্ দি ন-পারন। তাত্তুন্ বানা এক্কো মোক্ থেবঅ। তে নিজোরে দোঙেই রাগেব আর তার্ গম বিচেরবুদ্ধি থেবঅ। তে ভদ্র অবঅ আর গর্‌বা লবিয়োত্ গত্তে কোচ্‌পেবঅ। অন্যগুনোরে শিক্ষ্যে দান গুরিবার খেমতা তাত্তুন্ থেবঅ।

ইব্রীয় 7:26

এবাবোত্যে এক্কো পবিত্র, দুষ্-নেইয়্যে আর খাটি ধর্মগুরু আমার দরকার এলঅ। তে পাপী মান্‌জ্যত্তুন্ জুদো আর গোজেনে তারে আগাজত্তুন্‌অ উগুরে তুল্ল্যে।