লেবীয় 21:10 - Chakma Bible

¹⁰ “দাঙর্‌ ধর্মগুরু, অত্তাৎ ভেইয়ুনো ভিদিরে যিবের্‌ মাদাত্‌ অভিষেগ-তেল ঢালা ওইয়্যে আর আগ ধোক্ক্যেন রাগেবার্‌ অনুষ্ঠানান্দোই যে দাঙর্‌ ধর্মগুরুবোর্‌ পবিত্র পোজাক্‌ উড়িবার্‌ অধিকার্‌ পেইয়্যে, দুঘ্-ফগদাঙ্‌ গুরিবাত্তে তার্‌ চুলোর্‌ বান্যেগান্‌ খুলি দেনা বা তার্‌ কাবড় ফাদি ফেলানা ন-চলিবো।

লেবীয় 21:10 Iomraidhean Croise

পত্থম 37:34

যাকোবে তা কাবড়ানি পাদিনে কমরত্‌ বস্তা পিনিনে তা পুয়োবোত্তে ভালোক্‌ দিন সং আবিলেচ্ গুরিলো।

২ শমূয়েল 15:30

ইন্দি দায়ূদে কানদে কানদে জৈতুন মুড়োবো উগুরে উদো ধুরিলো। তে মাঢাবো ঢাগিনে জদা ছাড়া আঢের্‌। মানুচ্চুনেয়ো বেক্কুনে তা লগে মাধাগুন ঢাগিনে কানদে কানদে উগুরে উদো ধুরিলাক্।

ইষ্টের 6:12

ইয়েনর্ পরেন্দি মর্দখয়ে আরঅ রাজঘরর্‌ গেদোত্‌ গেলঅ। মাত্তর্‌ হামনে মনত্ দুঘে মাঢাবো লুগেইনে যাদিমাদি গুরিনে ঘরত্‌ গেলঅ।

ইয়োব 1:20

এ কধাগান শুনিনে ইয়োবে থিয়্যেইনে মনত্‌ দুঘে তা কাবড়ান ফাদি ফেলেল আর চুলান্‌ কাবি ফেলেল। সে পরেন্দি মাদিত্‌ মাধা নিগিরিনে গোজেনরে তা মনর্‌ ভোক্তি জানেইনে কলঅ,

গীতসংহিতা 133:2

সিয়েন যেন মাঢাত্ ঢালি দিয়্যে মংগা তেল্ যিয়েন ঝুরি পুরিনে হারোণর দাড়িনি বেই যেইনে, বেই পোজ্যেগোই তা সিলুম কলার উগুরে।

যাত্রা 29:7

ইয়েনর্ পরেদি অভিষেকর্‌ তেলান্ তা মাদাবোত্‌ ঢালি দিইনে তারে অভিষেক্‌ গুরিবে।

যিহিষ্কেল 24:17

তুই ভিদিরে ভিদিরে ভঅ নিজেস্ ফেলেবে। তুই মরাগুনোত্তে আব্‌‌‌‌‌‌‌‌‌সোজ্ ন-গুরিচ্। তুই মাপালার্ বান্ আর টেঙত্ জদা পিন্; তর্ মুয়োর্ তলেদিগান ন-ঢাগিচ্ বা মানুচ্চুনোর পাদেয়্যে হানাগানি ন-খেয়ো।”

লেবীয় 13:45

এধোক্ক্যেন রোগ্‌ যার্‌ অবঅ তাত্তুন্‌ ফাদা কাবড় উরো পড়িবো। তে চুলান্ খুলি রাগেব। তাত্তুন্‌ তার্‌ মুয়োনর তলেন্দিগান্‌ ঢাগিনে কিযেক্‌ কারিনে কুয়া পুড়িবো, ফিবলা, ফিবলা।

লেবীয় 16:32

যেক্কেনে যে ধর্মগুরুবোরে দাঙর্‌ ধর্মগুরু ইজেবে অভিষেগ গুরিনে তা বাবর্‌ পদ্‌তানত্‌ বোজেই দিয়া অবঅ সেক্কে তে এ পাপ ঢাগি দিবার্‌ অনুষ্ঠানান্‌ গুরিবো। তাত্তুন্‌ সে পবিত্র মসীনা কাবড়র্‌ পোজাক্‌ উরিনে দাঙর্‌ পবিত্র জাগাত্‌, মিলন-তাম্বুলোত্, পূজোর, ধর্মগুরুগুনোর্‌ আর গোদা ইস্রায়েল জাদর্‌ ফি-বলাগানি আর পাপ ঢাগি দিবার্‌ বেবস্থা গরা পুরিবো।

লেবীয় 4:3

“কনঅ দাঙর্‌ ধর্মগুরু যুনি সেধোক্ক্যেন কনঅ অন্যেয়্‌ গুরি ফেলায়্‌ যিয়েনত্তে বেক্‌ মানুচ্চুন্‌ দুষি অন্‌, ছালে সিয়েনত্তে তাত্তুন্‌ পাপ্‌-উৎসর্ব ইজেবে লগেপ্রভু ইদু এক্কো থুদো নেইয়্যে গোরু আনা পুরিবো।”

লেবীয় 8:12

পরেদি তে অভিষেগ-তেলান কিজু লোইনে হারোণর্‌ মাদা উগুরে ঢালি দিইনে তারে লগেপ্রভুর্ নাঙে ফারক গুরিবাত্তে অভিষেগ গুরিলো।

গণাণা 35:25

বিচের-সভার মানুচ্চুনে সেক্কে লুয়োগানর্‌ হেনা যিবের সুজিবার কধা তা আদত্তুন্‌ খুন গোজ্যে মানুচ্চোরে রোক্ষে গুরিনে আরঅ তারে সেই জিরেবার-শঅরানত্‌ পাধেই দিবাক্‌ যিয়েনত্‌ তে ধেই যেইয়্যে। পবিত্র তেল্‌লোই অভিষেগ গোজ্যে দাঙর্‌ ধর্মগুরুবোর্‌ ন-মরানা সং সেই মানুচ্চোত্তুন্‌ সিয়েনত্‌ থাহ্ পুরিবো।

গণাণা 6:7

মা-বাপ্‌-ভেই-বোনুনোর কনজন মুরি গেলেয়ো তাত্তুন্‌ নিজোরে ফি-বলা গুরি ন-পারিবো, কিত্যে তার্‌ মাঢাবোত্‌ আঘে গোজেনর নাঙে যুদো ওইনে থেবার্‌ চিহ্নো।

মথি লেখ্যে গম্ হবর্ 26:65

সেক্কে দাঙর্ ধর্মগুরুবো তা কাবড়ান্ ফাদি ফেলেইনে কলঅ, ইবে গোজেনরে অগমান্ গুরিলো। আমাত্তুন্ আরঅ বেশ্ সাক্ষীর দরকার্ নেই? ইক্কিনে দঅ তুমি শুনিলা, তে গোজেনরে অগমান্ গোজ্জ্যে।