লেবীয় 21:1 - Chakma Bible

¹ ইয়েনর্ পরেদি লগেপ্রভু মোশিরে কলঅ, তুই ধর্মগুরুগুনোরে, অত্তাৎ হারোণর্‌ পূঅগুনোরে কোই দে, তারার্‌ কুদুম্মোগুনো ভিদিরে কনজনে মুরি গেলে সিয়েনর্‌ কারনে কনঅ ধর্মগুরুর্‌ নিজোরে ফি-বলা গরানা ন-চলিবো।

লেবীয় 21:1 Iomraidhean Croise

যিহিষ্কেল 44:25

ধর্মগুরুবো কনঅ মরা মান্‌‌‌‌জ্য ইধু যেইনে নিজোরে অসিজি ন-গুরিবো; মাত্তর্ মা-বাবা, পুয়ো-ঝি, ভেই বা গাবুজ্যে বোনোত্তে নিজোরে অসিজি গুরি পারিবো।

হোশেয় 5:1

লগেপ্রভু কত্তে, ও ধর্মগুরুগুন, তুমি এ কধানি শুনো। ও ইস্রায়েল মানুচ্চুন, মনযোগ দুয়ো। ও রাজবংশ, কান্ পাদঅ। এ রায়য়ান্ তমা বিরুদ্ধে দিয়্যে অর্, কিত্যে তুমি মিসপাত্ ফাল ধোক্ক্যেন আর তাবোরত্ মিলি দিয়্যে জাল ধোক্ক্যেন ওইয়ো।

লেবীয় 19:28

মরা মানুচ্চুনোত্তে দুঘ্-ফগদাঙ্‌ গুরিবাত্তে যেইনে কিয়্যেগানর্‌ কনঅ জাগাত্‌ ঘা গরানা ন-চলিবো। কিয়্যেত্‌ কনঅ উল্‌কি-চিহ্নো দেনা ন-চলিবো। মুই লগেপ্রভু।

লেবীয় 21:11

মরা কিয়্যে রোইয়্যে এবাবোত্যে কনঅ জাগাত্‌ তার্‌ যানা ন-চলিবো। কনঅ মরা মান্‌জ্যর্‌ কারনে, এন্‌ কি, বাপ্‌-মার্‌ মরাণার্‌ কারনেয়ো তার্‌ নিজোরে ফি-বলা গরানা ন- চলিবো বা তার্‌ গোজেনর্‌‌ পবিত্র তাম্বুলান ফেলেইনে আর কনজাগাত্‌ যানা ন-চলিবো বা তার্‌ পবিত্রতাগান্‌ বর্‌বাদ্ গরানা ন-চলিবো, কিত্যে গোজেনর্ অভিষেগ-তেল্‌লোই তারে যুদো গুরি রাগা ওইয়্যে। মুই লগেপ্রভু।

মালাখি 2:1

বেগত্তুন্ খেমতাবলা লগেপ্রভু কত্তে, “ও ধর্মগুরুগুন, ইক্কিনে তমা ইধু মুই এই উজিয়ার্ কধাগান পাদাঙর্। তুমি যুনি মঅ কধাগান ন-শুনো আর মঅ সর্মান ইন্দি মনযোগ্ ন-দুয়ো সালে মুই তমা উগুরে এক্কান অভিশাব্ পাদেম্ আর তর্ বেক আশিদ্‌বাদ্‌তানরে অভিশাবত্ বুদুলি দিম। অয়, মুই আগে সিয়েনি গোজ্যং, কিত্যে মঅ সর্মান ইন্দি তুমি মনযোগ ন-দুয়ো।

মালাখি 2:4

বেগত্তুন্ খেমতাবলা লগেপ্রভু আরঅ কত্তে, “তুমি হবর্ পেয়ো, মুই তমা ইধু এই উজিয়ার কধাগান পাদেয়োং যেনে লেবির বংশত্তে থিদেবর্ গোজ্যে মর্ সুদোমান চালু থায়।

গণাণা 19:11

যুনি কনজনে কারর্ মরাকিয়্যে ধরন সালে তে সাতদিন সং অসিজি অবস্থায় থেবঅ।

গণাণা 19:14

কনঅ মানুচ্‌ তাম্বুলো ভিদিরে মুরি গেলে এই আইনান্‌ মানা পুরিবো-যিগুনে সেই তাম্বুলো ভিদিরে চোমেবাক্ আর যিগুনে সেই তাম্বুলোত্‌ এলাক্‌ তারা সাত দিন সং অসিজি অবস্থায় থেবাক্।

গণাণা 19:16

যুদ্ধোত্‌ বা এনেবাদে মুরি যেইনে খোলা মাদত্‌ পড়ি আগন্‌ এধোক্ক্যেন কাররে যুনি কনজনে ধরন্‌ সালে তে সাত দিন সং অসিজি অবস্থায় থেবঅ। কনজনে যুনি মান্‌জ্যর্‌ হাড়্‌ বা গোর্ ধরন্‌ সালে তেয়ো সাত দিন সং অসিজি অবস্থায় থেবঅ।

গণাণা 5:2

তুই ইস্রায়েলীয়গুনোরে এই উগুমান্‌ দে যেনে তারা তাম্বুলোত্তুন এমন্‌ বেক্‌ মানুচ্চুনোরে সোরেই দুয়োন্‌ যিগুনোর্‌ কনঅ চামাড়া রুগ আঘে বা যিগুনোর্‌ কিয়্যেত্তুন্‌ কনঅ রকম্‌ স্রাব অর্‌ বা মরাকিয়্যের্‌ কারনে যিগুনে ফি-বলা ওইয়োন্‌।

গণাণা 6:6

এ সময়ত্‌ তে কনঅ মরাকিয়্যের্‌ কায়কুরে যেই ন-পারিবো।