লেবীয় 20:25 - Chakma Bible

²⁵ সেনত্তে য়েমান আর পেগো ভিদিরে কুবো সুদ্ধো-সাংগ আর কুবো ফি-বলা সিয়েনি বুঝিনে তমাত্তুন্‌ চলা পুরিবো। যিদুক্কুন্‌ য়েমান-পেখ্‌ বা মাদি উগুরে ঘুরি বেড়ান্দে চিগোন্-চাগোন্ প্রাণী তমাত্তে মুই ফি-বলা বিলি ফারগ্ গুরি দুয়োং, সিগুনোর্‌ কনবোলোই যেন তুমি নিজোরে ঘিনাইদে মানুচ্‌ ইজেবে ন-অ।

লেবীয় 20:25 Iomraidhean Croise

পত্থম 1:21

এধোক্ক্যেন গুরি গোজেনে দোজ্যে সাগরর দাঙর্‌ দাঙর্‌ পরাণবলা আর পানিত্‌ একযদা গুরি বেড়েইয়্যে নানান্‌ জাদর জেদা পরাণবলা সৃট্টি গুরিলো। সিগুন বাদেয়ো গোজেনে নানান্‌ জাদর পেগঅ সৃট্টি গুরিলো। তারার বেক্কুনোর নিজোর নিজোর জাদ ধোক্ক্যেন বংশ বাড়েবার খেমতা ওইয়্যে। গোজেনে দেগিলদে সিয়েন জদবদে দোল্‌ ওইয়্যে।

লেবীয় 10:10

কুবোন্‌ পবিত্র আর কুবোন পবিত্র নয় আর কুবোন্‌ শুদ্ধো-সাংগ আর কুবোন্‌ ফিবলা সিয়েনি বুঝিনে তমাত্তুন্‌ চলা পুরিবো।

প্রেরিত্‌ 10:28

সেক্কে তে তারারে কলঅ, “তুমি দঅ কোই পারঅ যে, এক্কো যিহূদীর পক্ষে এক্কো অযিহূদী সমারে মিজেনা বা তা সমারে দেগা গরানা আমা ধর্মর্ রীতি-সুদোমর্ বিরুদ্ধে। মাত্তর্ গোজেনে মরে দেগেই দিয়্যেদে, কাররে অপবিত্র বা অসিজি কনা মর্ উচিত নয়।