লেবীয় 2:14 - Chakma Bible

¹⁴ লগেপ্রভুর্ নাঙে উৎসর্ব গুরিবাত্তে যুনি তারা পত্তমে তুল্যে ফসল ভিদিরেত্তুন্‌ কনঅ শোজ্য আনন্‌ ছালে সেই নুয়ো শোজ্য দাঙর্‌ গুরি ভাঙিনে আগুন্দোত্ পুড়িনে আনা পুরিবো।

লেবীয় 2:14 Iomraidhean Croise

পত্থম 4:3

পরেদি এক সময়োত্‌ কয়িনে লগেপ্রভু ইধু তা ভূইয়োর্ কিজু গুলোগুলি আনিনে উৎসর্ব গুরিলো।

২ রাজাবলী 4:42

বাল্‌-শালিশাত্তুন্‌ এক্কো মান্‌জ্যে গোজেন মানুচ্চোত্তে পত্তমে তুল্যে ফসলত্তুন্‌ কুড়িবো কেশ্‌বিজিলোই বানেয়্যে রুটি সিগিনে আনিলো, আর তা লগে কিজু নূয়ো ফসল আনিলো। ইলীশায় কলঅ, “ইগুন্‌ মানুচ্চুনোরে হেবাত্তে দে।”

লেবীয় 2:15

সিবে উগুরে তেল ঢালি দিয়্যে পুরিবো আর লোবান রাগা পুরিবো; ইবে এক্কো শোজ্য-উৎসর্ব।

লেবীয় 2:16

সেই ভাঙি নেযেয়্যে শোজ্য আর তেলর্‌ যে ভাক্কান্‌ পুরো উৎসর্ববোর্‌ বদলে দিয়্যে অবঅ ধর্মগুরুবো সেই ভাক্কান আর বেক্‌ লোবানান্‌ লোইনে লগেপ্রভুর্ নাঙে আগুন্দোই‌-গোজ্যে উৎসর্ব ইজেবে পুড়ি ফেলেব।

লেবীয় 22:29

লগেপ্রভুর্ নাঙে যুনি তুমি কনঅ ভালেদির্-উৎসর্বর্‌ অনুষ্ঠান গরঅ সালে সিয়েন্‌ এধোক্ক্যেন গুরি গরা পুরিবো যেনে তে তমা উগুরে হুজি অয়।

লেবীয় 23:13

সিবে সমারে শোজ্য-উৎসর্ব ইজেবে তেলর ময়ান দিয়্যে তিন কেজি ছয়শ গ্রাম নিগুজ মোইদ্যে উৎসর্ব গরা পুরিবো। ইবে লগেপ্রভুর্ নাঙে আগুন্দোই-গোজ্যে উৎসর্ব, যিবের্‌ তুম্বাজে লগেপ্রভু হুজি অয়। ইবে সমারে ঢালন-উৎসর্ব ইজেবে এক লিটার আংগুরো-রস দিয়্যে পুরিবো।

লেবীয় 23:20

ধর্মগুরুবো লগেপ্রভুর্ মুজুঙোত্ দুলেয়্যে-উৎসর্ব ইজেবে সেই দ্বিবে ভেড়া ছঅ‌ আর পত্তমে তুল্যে ফসলর বানেয়ে রুটি নেযেইনে দুলেব। ইগুন্‌ লগেপ্রভুর্ নাঙে উৎসর্ব গোজ্যে পবিত্র জিনিস্ যিগুন্‌ ধর্মগুরুগুনোর্‌ পাওনা।

মালাখি 1:11

পূগেত্তুন্ ধুরি পোজিমেদি সং বেক্ জাদ ভিদিরে মঅ নাঙান্ মহৎ অবঅ। বেক্ জাগানিত্ মঅ নাঙে আগর্‌বাট্টি জ্বালা অবঅ আর উৎসর্ব গুরিবাত্তে সিজি জিনিস আনা অবঅ, কিত্যেই বেক্ জাদ ভিদিরে মঅ নাঙান্ মহৎ অবঅ।

১ করিন্হীয় 15:20

মাত্তর্ খ্রীষ্টরে ঘেচ্চ্যেকগুরি মরণত্তুন্ জেদা গুরি তুলো ওইয়্যে। তে পত্তম ফল, অত্তাৎ মরণত্তুন্ যিগুনোরে জেদা গরা অবঅ তারা ভিদিরে তেয়ই পত্তমে জেদা ওইয়্যে।

দ্বি’লম্বর বিররণ 26:2

সেক্কে তমার গোজেন লগেপ্রভুর দিয়্যে সেই দেজর্‌ ভুইয়োত্‌ তুমি যেদক্কানি ফসল ফোলেবা তার্‌ পত্তমে তুল্যে কিজু ফসল লেইয়োত্‌ রাগেবা। তমার গোজেন লগেপ্রভু নিজোরে ফগদাং গুরিবাত্তে যে জাগাগান তার থেবারজাগা ইজেবে বেঈ নেযেব সে ফসলানি তুমি সিয়েনত নেযেবা।

ফগদাং পেইয়্যে 14:4

ইগুনে সেই মানুচ্চুন্, যিগুনে মিলেগুনো সমারে পর্‌‌পাগোল্যে ওইনে নিজোরে অসিজি ন-গরন্। যিয়েনত্ ভেড়া-ছবো যায় তারা তা পিজে পিজে যান্। গোজেন আর ভেড়া-ছবো ইধু পত্তম ফল ইজেবে উৎসর্ব গুরিবাত্যে মানুচ্চুনো ভিদিরেত্তুন্ তারারে কিনি নেযা ওইয়্যে।