লেবীয় 2:11 - Chakma Bible

¹¹ “লগেপ্রভুর্ নাঙে শোজ্য-উৎসর্বত্তে তারা যিয়েনি আনিবাক্ সিয়েনি যেনে সদা ন-দিইনে বানেই দিয়্যে অয়। লগেপ্রভুর্‌ নাঙে আগুন্দোই-গোজ্যে উৎসর্বর্ জিনিজো ভিদিরে সদা বা মধু দিয়্যে ন-পুরিবো।”

লেবীয় 2:11 Iomraidhean Croise

যাত্রা 23:18

যেক্কে তুমি মর্‌ নাঙে য়েমানর্‌ লো উৎসর্ব গুরিবা সেক্কে সিয়েনর্‌ লগে যেন কনঅ‌ সদা-দিয়্যে পিদে উৎসর্ব গরা ন-অয়। পরবর্‌ অক্তত্‌ মর্‌ নাঙে যিদুক্কুন য়েমান উৎসর্ব গুরিবা সিয়েনর্‌ কনঅ‌ তেল্‌বলা ভাগ্ যেনে বেন্যে সং পড়ি ন-থায়।

যাত্রা 29:25

সে পরেদি সিয়েনি তারার্ আদত্তুন্‌ নেযেইনে ডালিপূজো উগুরে পুজ্যে-উৎসর্ব সমারে পুড়ি ফেলেবে। ইবে লগেপ্রভুর্‌ নাঙে আগুন্দোই গোজ্যে উৎসর্ব যিবের্‌ তুম্বাজে তে হুজি অয়।

যাত্রা 34:25

“যেক্কে তুমি মর্‌ নাঙে য়েমানর্ লো উৎসর্ব গুরিবা সেক্কে সিয়েনর্‌ লগে যেন সদা দিয়্যে কনঅ‌ কিজু উৎসর্ব গরা ন-অয়। উদ্ধোর-পরবর্‌ উৎসর্ব-গোজ্যে কনঅ‌ কিজু বেন্যেমাদান্ সং যেনে পড়ি ন-থায়্‌।”

গম্ উপদেজ্ 24:13

মঅ পুয়োবো, মধু হা, কিত্তে সিয়েন গম; মু বাত্তুন্ মধু হা, সিয়েন তঅ মুয়োদি মিদে লাগিবো।

গম্ উপদেজ্ 25:16

তুই মধু পেলে পরিমান মজিম্ হেচ্, বেশ্ হেলে উগুলিবে।

গম্ উপদেজ্ 25:27

বেশ্ মধু হানা গম্ নয়; বাঈনী গরা হেবাত্তে চেরেস্‌‍তা গরানায়ো গম্ নয়।

লেবীয় 1:13

উৎসর্ব গুরিয়্যেবো সিবের্‌ টেঙানি আর পেদ ভিদিরে জিনিস্‌‌ছানি পানিলোই‌ ধোই দিবো আর ধর্মগুরুবো সিয়েনি লগে বেক্ য়েমান্নো পূজোবো উগুরে পুড়ি ফেলেব। ইবে পূজ্যে-উৎসর্ব, আগুন্দোই‌ গোজ্যে উৎসর্ব ভিদিরে এক্কো, যিবের্‌ তুম্বাজে লগেপ্রভু হুজি অয়।

লেবীয় 6:10

বেন্যেমাদান্ ধর্মগুরুবো তার্‌ মসীনার্‌ সিলুম্মো আর জাংগিবো পিনিনে পূজোবো উগুরে পুজ্যে-উৎসর্বর্‌ ছেই‌য়ান তুলি লোইনে পূজোবোর্‌ কায়কুরে রাগেব।

মথি লেখ্যে গম্ হবর্ 16:6

যীশু তারারে কলঅ, “ফরীশী আর সদ্দূকীগুনোর সদাগানিত্তুন্ উজিয়ার্ অ।”

মার্ক 8:15

এ সময়োত্ যীশু কলঅ, “তুমি উজিয়ার থাগঅ, ফরীশীগুনোর্ আর হেরোদ সদাগানিত্তুন্ উজিয়ার্ অ।”

লূকে লেখ্যে গম্ হবর্ 12:1

এ ভিদিরে আজার্ আজার্ মানুচ্‌ এমন্‌ গুরি থুবেলাক্ যে, তারা ঠেলাঠেলি গুরি একজন অন্যজন উগুরে পত্তন্। সেক্কে যীশু পত্তমে তা শিচ্চ্যগুনোরে কলঅ, ফরীশীগুনোর্ সদাগানিত্তুন্ উজিয়ার্ অ। সেই সদাগান্ অলঅ তারার্ ভন্ডামী।

লূকে লেখ্যে গম্ হবর্ 21:34

“তুমি উজিয়ার্ থেয়ো যেন তমা মনানি ওলোমোত্ত্য, মাত্তলে ধুরিনে আর সংসারর্ চিদেলোই লুঙি ন-পড়। সিয়েন ন-অলে ফাল্ যেবাবোত্যেগুরি অদাদত্ বানা যায় সেবাবোত্যেগুরি অদাদত্ সে দিন্নো তমা উগুরে, এমন কি, পিত্‌থিমীর বেক্ মানুচ্চুনো উগুরে এইনে পুড়িবো।

গালাতীয় 5:9

এক্কেনাগুরি সদা এক্কো গোদা মোইদ্যের্ তালরে ফুলেই তুলে।

১ পিতর 4:2

সিয়েনত্যে এই জগদর্ বাগি জিংকানিগান তে আর জগদর্ কামনা-বাসনা ঈল্ মারেইনে ন-কাদায়, বরং গোজেনর্ আওজ্‌ পালেইনে কাদায়।