লেবীয় 2:1 - Chakma Bible1-2 “কনজনে যুনি লগেপ্রভুর্ নাঙে শোজ্য-উৎসর্বর্ অনুষ্ঠান্ গুরিবাত্তে চান্ ছালে সিয়েন্ পাদল্ ময়দেলোই গরা পরিবো। সিয়েন উগুরে তেল ঢালিনে আর লোবান রাগেনে তাত্তুন সিয়েন্ হারোণর্ পূঅগুনো ইদু, অত্তাৎ ধর্মগুরুগুনো ইদু নেযা পুরিবো। ধর্মগুরুবো সিয়োত্তুন্ তেল সমারে এক মুঠ্ মোয়্দে আর বেক্ লোবানান্ তুলি নেযেব আর পুরো উৎসর্ববোর্ বদলে এ ভাক্কান্ পূজোবো উগুরে পুড়ি ফেলেব। ইবে আগুন্দোই-গোজ্যে উৎসর্ব ভিদিরে এক্কো, যিবের্ তুম্বাজে লগেপ্রভু হুজি অয়্।” Faic an caibideil |
লেবীয় 2:1
31 Iomraidhean Croise
মাত্তর্ তুমি খ্রীষ্টত্তুন্ অভিষেক্ পেইয়ো, অত্তাৎ পবিত্র আত্মাগানরে পেইয়ো। তে তমা মনভিদিরে থায়। ইয়েনত্যে অন্য কারঅ শিক্ষ্যে তমার দরকার নেই। বেক্কানি পৌইদ্যেনে পবিত্র আত্মাগানে তমারে শিক্ষ্যে দের্। তে সত্য, মিজে নয়। সেনত্যে যেধোক্ক্যেন গুরি তে তমারে খ্রীষ্ট সমারে থেবাত্যে শিক্ষ্যে দে সেধোক্ক্যেন গুরি খ্রীষ্ট সমারে থাগঅ।
Sanasan