লেবীয় 19:4 - Chakma Bible

⁴ মূত্তিপূজো গরানা তমার্‌ ন-চলিবো বা নিজোর্‌ উবোসনাত্তে ছাজি ফেলেয়ে জিনিচ্ছোই কনঅ দেব-দেবেদা বানানা ন-চলিবো। মুই লগেপ্রভু তমার গোজেন।

লেবীয় 19:4 Iomraidhean Croise

১ রাজাবলী 14:9

তঅ আগেন্দি যিগুনে এলাক্‌ তুই তারাত্তুনো বেশ্‌ ভান্ন্যেই কাম্‌ গোজ্যস্‌। তুই নিজোত্তে দেব-দেবেদা বানেয়োচ্‌ আর গোলেইনে মূত্তি বানেয়োচ্‌। তুই মরে অহুজি গুরি তুল্যচ্‌ আর মরে তঅ পিজেন্দি ফেলেই রাগেয়োচ্‌।

১ বংশধর 16:26

নানান্‌ জাদর্‌ দেব-দেবেদাগুনে বানা বানেয়্যে মূত্তি, মাত্তর্‌ লগেপ্রভু আগাজ্‌ আর পিত্‌থিমীর্‌ গিরোজ্‌।

২ বংশধর 28:2

তে ইস্রায়েলর রাজাগুনো ধোক্ক্যেন চলিদো আর বাল দেবেদাগুনোরে পূজো গুরিবাত্তে তে ছাজি ঢালিনে মূত্তি বানেয়্যে।

গীতসংহিতা 96:5

নানান্ জাদর দেব-দেবেদাগুনে বাজে ধরনর, মাত্তর্ লগেপ্রভু দাঙর্ আগাজ্‌চান্ বানেয়্যে।

যাত্রা 20:23

সেনে উবোসনাত্তে তুমি কনঅ‌ কিজু বানেইনে মর্‌ লগে তুলনা ন-গুরিবা। সনা বা রূবোলোই নিজোত্তে কনঅ‌ দেব্‌-দেবেদায়ো ন-বানেবা।

যাত্রা 32:4

মানুচ্চুনে হারোণরে যিয়েনি দিলাক্‌ সিয়েনি গোলেইনে ছাচি ছাজাই মিশিন্দোই তে গোরু ছঅ ধোক্ক্যেন এক্কো মূত্তি বানেল। সিবে দেগিনেই ইস্রায়েলীয়গুনে কলাক্, “ভেইলক্‌, ইবে ভিদিরে আগন্‌ তমার দেব-দেবেদাগুন্‌। মিসর্‌ দেজত্তুন্‌ এই দেব-দেবেদাগুনে তমারে নিগিলে আন্যন্‌।”

যাত্রা 34:17

তুমি ধাতুলোই কনঅ‌ মূত্তি ন-বানেবা।

লেবীয় 11:44

মুই লগেপ্রভু তমার্‌ গোজেন। সেনত্তে তুমি মর্‌ নাঙে নিজোরে ফারক্‌ গুরি রাগেবা আর পবিত্র অবা, কিত্তে মুই পবিত্র। মাদি উগুরে ঘুরি বেড়েয়্যে চিগোন-চাগোন্‌ কনঅ প্রাণীলোই তুমি নিজোরে ফিবলা ন-অবা,

লেবীয় 19:25

পাঁচ বজরত্তুন্‌ ধুরি তুমি সে গাজর্‌ ফলুন্ হেই পারিবা। সেক্কে তমার গাজ্‌চুনোত্‌ ভালোক্কুন্‌ ফল্ অবাক্‌। মুই লগেপ্রভু তমার গোজেন।

লেবীয় 19:5

তুমি যেক্কে লগেপ্রভুর্ নাঙে কনঅ উদোলোদি-উৎসর্বর্‌ অনুষ্ঠান গুরিবা সেক্কে সিয়েন্‌ এধোক্ক্যেন গুরি গুরিবা যেনে লগেপ্রভু তমা উগুরে হুজি অয়।

লেবীয় 26:1

কনঅ বাবোত্যে দেবেদা মূত্তি তুমি ন-বানেয়ো। নিজোত্তে তক্তালোই কাবিনে বানেয়্যে মূত্তি বা কনঅ পূজোর পাত্তর্‌ তুমি ন-বোজেবা। পূজো গুরিবাত্তে তুমি পাত্তর্ কাবিনে বানেয়্যে কনঅ মূত্তি তমা দেজত্‌ ন-রাগেবা। মুই লগেপ্রভু তমার গোজেন।

হগয় 2:18

এচ্চ্যে নয় মাসর্ চোব্বিশ দিনোত্ মঅ ঘরানর্ গড়াগান থিদেবর্ গরা অলঅ। এবেরা মুই তমাত্তে কি গুরিবাত্তে যাঙর্ সিয়েন চঅ।

১ করিন্হীয় 10:14

ইয়েনত্যে মর্ কোচ্‌পেইয়্যে সমাজ্জ্যেগুন, তুমি মূত্তি পূজোত্তুন্ দূরোত্ যঅ।

দ্বি’লম্বর বিররণ 27:15

সে মানুচ্চো অভিশাব্ পেইয়্যে, যে ছাঝি ফেলায় বা তক্তা বা পাত্তর্‌ খুরিনে কনঅ মূত্তি বানায় আর পূজোত্তে সিয়েনি গুমুরো জাগাত থিদেবর্ গরে। এ বেক্ মূত্তিগুন লগেপ্রভুর ঘিনাইদে জিনিস, কালিগরর্‌ আদর কাম্‌ বানা। সেক্কে বেক্কুনে কবাক, আমেন।

দ্বি’লম্বর বিররণ 4:16

যেনে তুমি ভান্ন্যেই পদথ্‌ যেইনে পূজোর্‌ নাঙে কনঅ মূত্তি ন-বানঅ বা কনঅ চেঙেরার্‌ মূত্তি ন বানঅ-সিবে মরদর্‌ বা মিলের্‌ ওক্‌,

দ্বি’লম্বর বিররণ 7:25

তারার্‌ দেব-দেবেদার্‌ মূত্তিগুন্‌ তুমি আগুনোত্‌ পুড়ি ফেলেবা। তুমি তারার্‌ কিয়্যের্‌ সনা-রুবোগানি লুভ্‌ ন-গুরিবা। নিজোত্তে তুমি সিয়েনি ন-নেযেবা, কিত্যে সিয়েনি গুরিলে তুমি সিগুনোর্‌ কেরাবত্‌ পুরিবা। তমা গোজেন লগেপ্রভু ইদু সিয়েনি ঘিনাইদে জিনিস।

১ যোহন 5:21

পুয়ো-ছা লগ্, মূত্তি সমারে তমার কনঅ মিলেমিলি ন-থোক্।