লেবীয় 19:27 - Chakma Bible

²⁷ মাদাবোর্‌ দ্বিডাগেন্দি চুলানি কাবানা বা দাড়ির্‌ আগানি মুড়োনা ন-চলিবো।

লেবীয় 19:27 Iomraidhean Croise

১ বংশধর 19:4

হানূনে সেক্কে দায়ূদো মানুচ্চুনোরে ধুরিনে তারা দাড়িগানি মুড়েই দিলো আর লাম্বা সিলুমুনোর্‌ অদ্দেক্‌, অত্তাৎ কমর্‌ সং কাবি দিইনে তারারে বিদেয় গুরি দিলো।

যিশাইয় 15:2

মোয়াব মানুচ্চুনে কানিবাত্তে দীবোন মন্দিরোত্ আর পূজোর অজল্ জাগানত্ উদি যেয়োন। তারা নবো আর মেদবাত্তে আবিলেচ্ গত্তন্। তারার বেক্কুনোর্ মাঢাগুন্ মুড়ো ওইয়্যে আর দাড়িগানিয়ো কাবা ওইয়্যে।

যিরমিয় 16:6

এ দেজত্ চিগোন-দাঙর্ বেক্কুনে মুরি যেবাক্। কনজনে তারারে গোর্‌অ ন-দিবাক্, তারাত্তে আবিলেচ্অ ন-গুরিবাক্ আর কনজনে তারাত্তে নিজো কিয়্যেগান কাবাকাবিয়ো ন-গুরিবাক্, নিজোর মাঢাবোয়ো ন-মুড়েবাক্।

যিরমিয় 48:37

দুঘ্‌কান ফগদাং গুরিবাত্তে বেক্কুনোর মাঢা মুড়োনা আর দাড়ি কাবি ফেলা ওইয়্যে; পত্তিজন আঢ্ আঙুর্ বিঙুর্ আর কমরত্ বস্তাফাদা পিনে ওইয়্যে।

যিরমিয় 9:25

লগেপ্রভু কোইয়্যেদে, “এমন দিন এজের্ যেক্কে মুই মিসর, যিহূদা, ইদোম, অম্মোন, মোয়াব আর ধূল্যেচর-চাগালাত্ বজত্তি গুরিয়্যে যিগুনে মাঢাবোর দ্বি ডাগেদি চুল কাবন্ তারারে বেক্কুনোরে সাজা দিম। তারারে বানা কিয়্যেদি চুনুগুলোবোর মাঢাবো চামান্ কাবা ওইয়্যে, মনেদি চুনুগুলোবোর্ মাঢাবোর্ চামান্ কাবা ন-অয়; আর ইস্রায়েলীয়গুনোরেয়ো মনেদি চুনুগুলোগুনোর্ মাঢাগুনোর্ চামান্ কাবা ন-অয়।”

যিহিষ্কেল 44:20

তারা মাঢাগুনোর্ চুলানি তারা ন-মুড়েবাক্ বা চুল লাম্বা ন-রাগেবাক্ মাত্তর্ চুলানি বাদি গুরি কাবিবাক্। ‌

যিহিষ্কেল 7:18

তারা বস্তা পাদা পিনিবাক্ আর অমকদ দরে গির্‌‌‌‌‌‌‌‌‌গিরেবাক্। তারা লাজত্ পড়িবাক্ আর তারার্ মাঢাগুন চুলানি মুড়েই দিয়্যে অবঅ।‌‌‌‌‌‌‌

লেবীয় 19:28

মরা মানুচ্চুনোত্তে দুঘ্-ফগদাঙ্‌ গুরিবাত্তে যেইনে কিয়্যেগানর্‌ কনঅ জাগাত্‌ ঘা গরানা ন-চলিবো। কিয়্যেত্‌ কনঅ উল্‌কি-চিহ্নো দেনা ন-চলিবো। মুই লগেপ্রভু।

লেবীয় 21:5

ধর্মগুরুগুনোর্‌ মাদা মুড়োনা, দাড়ির্‌ কাজানি কাবানা বা কিয়্যের্‌ কনঅ জাগাত্‌ ঘা গরানা ন-চলিবো।

দ্বি’লম্বর বিররণ 14:1

তুমি তমার গোজেন লগেপ্রভুর পূঅ। সেনত্যে মরা মান্‌জ্যত্যে আবিলেচ্‌ গুরিবাত্তে যেইনে কিয়্যেগানর্‌ কনঅ জাগাত তমাত্তুন্‌ ঘা গুরি ন-পারিবা, বা কুল্লো মুজুঙেন্দি চুলান কাবি ন-পারিবো।