লেবীয় 19:26 - Chakma Bible

²⁶ লো সুদ্ধো কনঅ য়েরা ন-হেবা। লক্ষন-বিদ্যে বা মায়াবিদ্যে বেবহার্‌ গরানা ন-চলিবো।

লেবীয় 19:26 Iomraidhean Croise

পত্থম 44:5

উই কদরাবোত্‌ গুরিনে দঅ মঅ গিরোচ্চো পানিয়ো হেদঅ আর সিবেলোই গোনোক্ক্যে কাম্‌ গুরিদো। তুমি এ কামান গুরিনে খুব অন্যেয়্‌ গোজ্য।

পত্থম 9:4

মাত্তর্ জেদাবাদে, অত্তাৎ লো-সুমুত্তো য়েরা তুমি ন-হেবা।

২ রাজাবলী 17:17

নিজোর্‌ ঝি-পুয়োগুনোরে তারা আগুনোত্‌ পুরিনে উৎসর্ব গুরিদাক্‌। তারা গোণেই দেনা আর লক্ষণ চেইনে আগাম্ কধা কবার্‌ অভ্যেস গুরিদাক্‌ আর লগেপ্রভুর চোগেন্দি যিয়েনি ভান্ন্যেই সে কামানি গুরিবাত্তে নিজোরে বিজি দিইনে লগেপ্রভুরে অখুজি গুরি তুল্যন্‌।

২ রাজাবলী 21:6

তে নিজো পুয়োবোরে আগুনোত্‌ পুড়িনে উৎসর্ব গুরিলো। তে যাদু বেবহার গুরিদো আর বাঁজি চেইনে আগাম্ কধা কদঅ আর যিগুনে ভূত্তোই কাম্‌ গরন্‌ আর বজং আত্মা সমারে মিজেন্‌ তে তারা লগে তেম্মাং গুরিদো। তে লগেপ্রভুর চোগেন্দি বোউত্‌ বজং কাম্‌ গুরিনে তারে অহুজি গোজ্যে।

২ বংশধর 33:6

বিন্‌-হিন্নোম কিজিঙোত্‌ তা পুয়োগুনোরে তে আগুনোত্‌ পুড়িনে উৎসর্ব গুরিলো। যিগুনে কুলক্ষণ দেগিনে আগাম্ কধা কন্‌, ফু-ফা আর যাদুবিদ্যে বেবহার গুরিনে আর ভূত্‌তুনোর সমাজ্যে অন্‌ আর ভান্ন্যেই আত্মাগুনোর্‌ লগে মিজেন্‌ তে তারা লগে সল্লা গুরিদো। লগেপ্রভুর চোগেন্দি ভালোক্কানি ভান্ন্যেই কাম্‌ গুরিনে তে তারে অহুজি গুরিলো।

যাত্রা 7:11

ফরৌণে সেক্কে জ্ঞানীগুনোরে আন মাত্তলে ধরেদে বাবোত্যে জিনিস কামত্‌ লাগেই পারন্দে মানুচ্চুনোরে, অত্তাৎ যাদু পারিয়্যেগুনোরে ডাগিলো। তারায়ো তারার যাদুমন্ত্রলোই একই কাম গুরিলাক্।

যাত্রা 8:7

যাদুকরুনেয়ো তারার্‌ যাদুমন্ত্রর বলে সেই এক্কুই কাম্‌ গুরিলাক্। তারায়ো মিসর্‌ দেজত্‌ বেঙ্‌ আনিলাক্।

যিরমিয় 10:2

লগেপ্রভু কোইয়্যেদে, “তুমি নানান্ জাদর্ আচার-বেবহার ন-শিখ্য, বা আগাজর্ নানান চিহ্নো দেগিনে ভাঙি ন-পোজ্য, যুনিয়ো নানান্ জাদে সিয়েনি দেগিনে ভাঙি পড়ন্।

দানিয়েল 2:10

সল্লাদিয়্যেগুনে জোবত্ রাজারে কলাক্, “মহারাজ আমা ইধু যিয়েন জানিবাত্তে চাজ্ সিয়েন জানেই পারে এবাবোত্যে কনঅ মানুচ্ এ পিত্‌থিমীত্ নেই। কনঅ দাঙর্ রাজা কনদিন্‌অ এবাবোত্যে বেপারে কনঅ জাদুগুরিয়্যে বা ভূদো ওঝা বা সল্লাদিয়্যে ইধু জানিবাত্তে ন-চান্।

লেবীয় 19:25

পাঁচ বজরত্তুন্‌ ধুরি তুমি সে গাজর্‌ ফলুন্ হেই পারিবা। সেক্কে তমার গাজ্‌চুনোত্‌ ভালোক্কুন্‌ ফল্ অবাক্‌। মুই লগেপ্রভু তমার গোজেন।

লেবীয় 3:17

“তুমি যিয়েনত্‌ থেদা সাৎ‌ তুমি কনঅ তেল্‌ বা লো ন-হেবা। ইয়েনই অবঅ বংশর্‌ পর বংশ ধুরিনে তমাত্তে এক্কান্‌ উমর সুদোম্।”

লেবীয় 7:26

কনঅ পেক্‌ বা য়েমানর্‌ লো তুমি হেই ন-পারিবা, তুমি যিয়োদোই থেদা সাৎ।

মালাখি 3:5

বেগত্তুন্ খেমতাবলা লগেপ্রভু কত্তে, সেক্কে মুই বিচের্ গুরিবাত্তে তমা ইদু এইম্; সে অক্তত্ যাদুগুরিয়্যেগুন, বেশ্যেমিগুরিয়্যেগুন, মিজে সাক্ষীদিয়্যেগুন আর যিগুনে চাগরুনোরে ঠগান্, যিগুনে রানি মিলেগুনোরে আর মা-বাপ্ নেইয়্যেগুনোরে অত্যেচার গরন্ আর বিদেশীগুনোরে ন্যায়বিচের্ পেবাত্তে ন-দুয়োন, অত্তাৎ যিগুনে মরে ন-দরান্ তারা বেক্কুনো বিরুদ্ধে মুই সাক্ষী দিবাত্তে দেরি ন-গুরিম।

প্রেরিত্‌ 15:20

সিয়েনত্তুন্ বরং আমি তারা ইধু এ কধাগান লিগিই যে, তারা যেন মূত্তি সমারে এগত্তর্ বেক্কানিত্তুন্ আর বেক্‌ সিনেলিত্তুন্ দূরোত্ থান্, আর তদা চিবিনে মাজ্যে য়েমান য়েরা আর লো যেন তারা ন-খান্।

দ্বি’লম্বর বিররণ 12:16

মাত্তর্‌ তুমি লো হেই ন-পারিবা; সিয়েন পানি ধোক্ক্যেন গুরি মাদিত্‌ ঢালি দিয়্যে পুরিবো।

দ্বি’লম্বর বিররণ 12:23

মাত্তর্‌ উঝিয়ার! লো ন-হেবা, কিত্যে লো-গান্‌ অলদে পরাণ, আর তুমি য়েরাগান সমারে সে পরাণান ন-হেবা।

দ্বি’লম্বর বিররণ 15:23

মাত্তর্‌ তুমি তার লো-গান ন হেবা; পানি ধোক্ক্যেন গুরি সিয়েন মাদিত্‌ ঢালি দিবা।

১ শমূয়েল 14:32

সেনত্তেই তারা লুদেয়্যে জিনিসছানি উগুরে ঝাবেই পুরিনে ভেড়াছাগল, গোরু, গোরু ছঅগুনোরে ধুরি মাদিত্‌ পোড়েইনে কাবিকাবাই লো সুমুত্তো য়েরা খা ধুরিলাক্।

১ শমূয়েল 14:33

সেক্কে মানুচ্চুনে যেইনে শৌলরে কলাক্কে, “চাহ্, তারা বেক্কুনে লো সুমুত্তো য়েরা খেইনে লগেপ্রভুর বিরুদ্ধে পাপ গোজ্যন্‌।” তে কলদে, “তুমি অবিশ্বেজী ওইয়ো। ইক্কিনে আর দেরী ন-গুরিনে এক্কো দাঙর্‌ পাত্তর্‌ ইয়েনত্‌ লোই এজঅ।”

১ শমূয়েল 15:23

উল্লোমি গরানা আর যাদু-মন্ত্রর কাম গরানা এক্কুই পাপ; অবাধ্য অনা আর মূত্তি পূজোনা এক্কুই অন্যেয়। তুই লগেপ্রভুর উগুম এলাফেলা গোজ্যস্‌ সেনত্তে তেয়ো তরে রাজা ইজেবে এলাফেলা গোজ্যে।”