লেবীয় 19:23 - Chakma Bible

²³ তমা দেজত্‌ যেইনে যুনি তুমি কনঅ ফল গাজ্‌ লাগঅ সালে ফলুন্‌ তমার্‌ তিন বজর্‌ সং মানা গোজ্যে ফল বিলি ধরা পুরিবো। উই সময়ো ভিদিরে সেই ফলুন্ হানা তমার্‌ ন-চলিবো।

লেবীয় 19:23 Iomraidhean Croise

যাত্রা 6:12

জোবত্‌ মোশি লগেপ্রভুরে কলঅ, “মাত্তর্ ইস্রায়েলীয়গুনে যুনি মঅ কধা ন-শুনোন্‌ সালে ফরৌণে মঅ কধালোই কান্‌ দিবো কিত্যে, মঅ কধানি যেক্কেনে হনত্‌ বাজে?”

যাত্রা 6:30

মাত্তর্‌ মোশি সেক্কে লগেপ্রভুরে কোইয়্যেদে, “ফরৌণে মঅ কধানি কিত্তে শুনিবো, মর্‌ কধানি যেক্কে হনত্ বাজে?”

যিরমিয় 6:10

মুই কা লগে কধা কোম্ আর কারে উজিয়ার গুরিম যেনে তারা মঅ কধাগান শুনোন্? তারার কানানি ঢিবে দুয়োন সেনত্তে তারা ন-শুনোন্। লগেপ্রভুর কধানি তারার ঈচ্ গুরিবার বেপার ওইয়্যে; তারা সিয়েনত্ কনঅ গম্ ন-পান।

লেবীয় 12:3

আস্‌টো দিনোত্‌ পূঅবোর্ চুনুগুলো মাদাগান্ কাবিদে পুরিবো।

লেবীয় 14:34

যে কনান দেজ্‌চান্‌ সোম্বোত্তি ইজেবে মুই তমারে দিবাত্তে যাঙর্‌ সে দেজত্‌ তুমি চোমেবার্‌ পরেদি সে জাগানর্‌ কনঅ ঘরত্‌ মুই যুনি ছিদি পোজ্যে ক্ষয়-গোজ্যে ফারাঙি সাজুরিবার্‌ বেবস্থা গরঙ্‌,

লেবীয় 19:22

দুষ্‌-উৎসর্বর সেই ভেড়াবোলোই ধর্মগুরুবোত্তুন্‌ লগেপ্রভুর মুজুঙোত্ তার্‌ সেই পাপ্পান্‌ ঢাগি দিয়া পুরিবো। সেক্কে তার্‌ সে পাপ্পান্‌ ক্ষেমা গরা অবঅ।

লেবীয় 19:24

চের্‌ বজরত্‌ গাজর্‌ বেক্‌ ফলুন্‌ লগেপ্রভুরে বাঈনী গুরিবাত্তে তাঁর্‌ নাঙে উৎসর্ব গরা পুরিবো।

লেবীয় 22:27

“জর্ম অনার পরেদি গোরু, ভেড়া বা ছাগল ছরে তার্‌ মাবো সমারে সাত দিন সং থেবাত্তে দিয়্যে পুরিবো। আস্টো দিনোত্তুন্‌ ধুরি সিগুনোরে লগেপ্রভুর্ নাঙে আগুন্দোই-গোজ্যে উৎসর্ব ইজেবে গুজি লয়দে ধোক্ক্যেন অবঅ।

লেবীয় 23:14

গোজেন ইদু এ উৎসর্ববো গুরিবার্‌ দিন্নো সং তমার্‌ এ নূয়ো শোজ্যত্তুন্‌ হেই ন-পারিবা। সিবে বাদেয়ো সিয়োত্তুন্‌ বানেয়ে কনঅ রুটি বা সিবে আগুন্দোই পুড়িনেয়ো হেই ন-পারিবা। তুমি যিয়েনত্‌ থেদা সাৎ বংশর্‌ পর বংশ ধুরি ইবে অবঅ তমাত্তে এক্কো থিদেবর্ গোজ্যে সুদোম।

প্রেরিত্‌ 7:51

ও একবুচ্চ্যে জাদ্! অযিহূদীগুনো ধোক্ক্যেন্ তমার কানানি আর মনানি, আর তুমিয়ো ঠিগ্ তমা পূরোণি মানুচ্চুনো ধোক্ক্যেন্। তুমি আমিযে পবিত্র আত্মাগানরে মানা গুরি থাগঅ।