লেবীয় 19:21 - Chakma Bible

²¹ মাত্তর্‌ সে মানুচ্চোরে লগেপ্রভুর্ নাঙে তার্‌ দুষ-উৎসর্ব ইজেবে মিলন-তাম্বুলো দোরান ইদু এক্কো ভেড়া আনা পড়িবো।

লেবীয় 19:21 Iomraidhean Croise

লেবীয় 19:22

দুষ্‌-উৎসর্বর সেই ভেড়াবোলোই ধর্মগুরুবোত্তুন্‌ লগেপ্রভুর মুজুঙোত্ তার্‌ সেই পাপ্পান্‌ ঢাগি দিয়া পুরিবো। সেক্কে তার্‌ সে পাপ্পান্‌ ক্ষেমা গরা অবঅ।

লেবীয় 5:15

মনত্‌ ভান্ন্যেয়র্ আওজ্ ন-রাগেইনে যুনি কনজনে লগেপ্রভুর্ নাঙে যুদো গুরি রাগেয়ে জিনিজো পৌইদ্যেনে তার্‌ উগুম্‌ অমান্য গরন্‌, ছালে তার্‌ অন্যেয়র্‌ জরিমানা ইজেবে লগেপ্রভু ইদু তাত্তুন্‌ এক্কো থুদো নেইয়্যে পাদা ভেড়া আনা পুরিবো। ইবে এক্কো দুষ-স্বীগের পূজো। সিয়েন্‌ বাদে ধর্মীয় শেখেল মজিম যেত্তমান রূবো তুই ভেড়াবোর্‌ দামান্‌ ঠিগ গুরি দিবে সে পরিমাণ রূবো তাত্তুন্‌ ক্ষেদিপূরোণ ইজেবে দিয়্যে পুরিবো।

লেবীয় 5:7

যুনি তে পাদি ভেড়াছাগল-ছঅ‌ আনি ন-পারে, ছালে তার্‌ সে অন্যেয়র্‌ জরিবানা ইজেবে লগেপ্রভুর্ নাঙে তাত্তুন্‌ দ্বিবে কঅ‌ ন-অলে দ্বিবে কোদোর্‌ আনা পুরিবো। সিগুনো ভিদিরে এক্কো অবঅ পাপ-উৎসর্বত্তে আর অন্যবো পুজ্যে-উৎসর্বত্তে।

লেবীয় 6:1

ইয়েন পরেদি লগেপ্রভু মোশিরে কলঅ, “কারত্তুন্‌ জমা রাগেয়্যে বা বন্ধক রাগেয়্যে বা কারি নেযেয়্যে কনঅ জিনিস্ নেযেইনে ছলনা গরানা, তারে ঠগানা, বা কারঅ আরেইয়্যে জিনিস্ পেলেয়ো মিজে কধা কনা বা মিজে শমক্‌ হানা-এধোক্ক্যেন কনঅ পাপ গুরিনে যুনি কনজনে লগেপ্রভু উগুরে অবিশ্বেজি ওইনে দুষী অন্‌, ছালে তে যিয়েন্‌ চুর্‌ গোজ্যে বা ঠোগেয়্যে বা তা ইদু যিয়েন্‌ জমা রাগেয়্যে বা আরেয়্যে জিনিস্ যিয়েন্‌ তে পেইয়্যে বা যে জিনিস্‌ছান বিষয়ে তে মিজে শমক্‌ হেইয়্যে সিয়েন্‌ তাত্তুন্‌ ফিরেই দিয়্যে পুরিবো। তার বেক্কানি ক্ষেদিপূরোণ দিয়্যে পুরিবো আর তা সমারে সে জিনিজোর্‌ দামর্‌ পাচ্ ভাগর্‌ এক ভাগ দামঅ‌ বেশ্‌ দিয়্যে পুরিবো। দুষ-স্বীগের গরানার্ দিনোত্‌ তে জিনিজোর্‌ গিরোচ্চোরে সিয়েন্‌ দিবো।