লেবীয় 19:19 - Chakma Bible

¹⁹ মর্‌ সুদোমান মানি চলা পুরিবো। নানান্ জাদর্‌ য়েমান সমারে কিয়্যেদি মিজেনা ন-চলিবো। একই ক্ষেদত্‌ দ্বিবাবোত্যে বীজ লাগানা ন-চলিবো। দ্বিজাদর্‌ সুদোলোই বুন্যে কাবড় উরোনা ন-চলিবো।

লেবীয় 19:19 Iomraidhean Croise

পত্থম 36:24

সিবিয়োনো পুয়োগুনোর্‌ নাঙানি এলঅ অয়া আর অনা। এ অনাই তা বাব সিবিয়োন গাধাগুন চোরেবাত্তে যেইনে ধূল্যেচর-চাগালা ভিদিরে গরম পানির উইপুদ্ চুগ্‌ পেয়েগোই।

২ শমূয়েল 13:29

সেনত্তেই অবশালোমর্ উগুম মজিম তা মানুচ্চুনে অম্নোনরে মারে ফেলেলাক্। এ ঘটনা দেগিনে রাজার্‌ বেক্‌ পূঅগুনে যে যার খচ্চরুনোত্‌ উদিনে ধেই গেলাক্।

২ শমূয়েল 18:9

অবশালোমে অদাতৎ দায়ূদো মানুচ্চুনোর মুজুঙোত্‌ পড়িলো। সে সেক্কে তা খচ্চর্‌‌বোত্‌ উদিনে যার্‌। খচ্চর্‌‌বো দাঙর্‌ এক্কো এলোন গাজর্‌ ডেলা পাদালোই ভোজ্যে তলেন্দি যেবার্‌ অক্তত্‌ অবশালোমর্ মাধাবো গাজত্‌ আক্‌সো গেলঅ। যে খচ্চর্‌‌বো উগুরে তে উদি যার্‌ সিবে গেলগোই আর তে শূন্য অবস্থায় টাঙেয়্যে রলঅ।

১ রাজাবলী 1:33

রাজা তারারে কলঅ, “তুমি মর্‌ রোক্ষেগুরিয়্যে দল্লোরে লগে নেযঅ আর মর্‌ পূঅ শলোমনরে মর্‌ নিজোর খচ্চরত্ বোজেইনে তারে লোইনে গীহোন কিজিঙোত্‌ যঅ।

ইষ্রা 2:66

তারার্ সাতশ ছত্রিশ্‌চো ঘোড়া, দ্বিশঅ পাচ্‌চল্লিশচো খচ্চর,

লেবীয় 18:4

তমার্‌ চলা পুরিবো মর্‌ রীদি-সুদোম মজিম। মর্‌ দিয়্যে ‍সুদোম তমাত্তুন্‌ যত্তন্‌ গুরি পালা পুরিবো। মুই লগেপ্রভু তমার গোজেন।

লেবীয় 19:37

মর্‌ বেক্‌ সুদোমানি তমাত্তুন্‌ পালন গরা পুরিবো আর বেক্‌ রীদি-সুদোমানি মানি চলা পুরিবো। মুই লগেপ্রভু।”

লেবীয় 20:8

মর্‌ সুদোমানি তমাত্তুন্‌ ধুরি রাগা পুরিবো আর সে ধোক্ক্যেন চলা পুরিবো। মুই লগেপ্রভু, মুয়ই তমারে মর্‌ নাঙে যুদো গুরি নেযেয়োং।

লেবীয় 22:31

মর্‌ উগুমানি তমাত্তুন্‌ মানা পুরিবো আর সেধোক্ক্যেন গুরি আদা পুরিবো। মুই লগেপ্রভু।

লেবীয় 25:18

তুমি মর্‌ সুদোমানি পালেবা আর মর্‌ রীদি-সুদোমানি মানি চলিবা; সেক্কে তুমি দেজত্‌ নিচিদেগুরি বজত্তি গুরি পারিবা।

লূকে লেখ্যে গম্ হবর্ 5:36

সে পরেদি যীশু শিক্ষ্যে দিবাত্তে তারা ইদু এ উপমাগান্ দিলো: “নুয়ো সিলুমো কট্টা ফাদিনে কেঅ পুরোণ্ সিলুমোত্ তালি ন-দুয়োন, কিয়া সিয়েন গুরিলে সেই নুয়ো সিলুম্মো দঅ তে ফাদি ফেলেব; আর সেই নুয়ো কট্টাগান্অ পুরোণ্ সিলুমো লগে ন-মানায়।

রোমীয় 11:6

গোজেনে যুনি দোয়্যে গুরিনে বেঈ রাগায় সালে দঅ সিয়েন কনঅ কামর্ ফল নয়। যুনি সিয়েন অদঅ সালে দোয়্যে আর দোয়্যে ন-থেদঅ।

দ্বি’লম্বর বিররণ 4:1

ইস্রায়েলীয়গুন, মুই তমারে যেদক্কানি সুদোম আর রীদি-সুদোমর্ শিক্ষ্যে দিবাত্তে যাঙর্‌ সিয়েনি তুমি ইক্কিনে শুনো। ইয়েনি তমাত্তুন্‌ মানি চলা পুরিবো যেনে তুমি বাঁঝি থাগঅ আর তমা পুরোণি মানুচ্চুনোর্‌ গোজেন লগেপ্রভু যে দেজ্‌ছান তমারে দিবাত্তে যার্‌ সিদু যেইনে সিয়েন্‌ অধিকার্‌ গুরি নেযেই পার।

দ্বি’লম্বর বিররণ 4:5

আমা গোজেন্‌ লগেপ্রভুর উগুম মানিনে মুই তমার্‌ সুদোম আর রীদি-সুদোমানি শিক্ষ্যে দুয়োং, যেনে যে দেজ্‌ছান তুমি অধিকার্‌ গুরিবাত্তে যর্‌ সে দেজত্‌ সিয়েনি পালন গুরি পারঅ। তুমি এ বেক্কানি যত্তন্‌ গুরিনে পালন গুরিবা।