লেবীয় 19:16 - Chakma Bible

¹⁶ কাররে ইংসে-নিন্দে গুরি বেড়ানা ন-চলিবো। কনঅ মান্‌জ্যর্‌ পরাণানর্‌ ক্ষোতি ওই পারে এধোক্ক্যেন কিজু গরানা ন-চলিবো। মুই লগেপ্রভু।

লেবীয় 19:16 Iomraidhean Croise

ইয়োব 17:5

লাভ আজায় যুনি কনজনে তা সমাজ্যেগুনোরে দুষি গরে সালে তা পূঅগুনে দুঘ্‌ ভোগ্‌ গুরিবাক্‌।

গীতসংহিতা 101:5

যিগুনে ভিদিরে ভিদিরে অন্য মান্‌জ্যরে ঈচ্ গরন তারারে মুই শেজ্ গুরিম; যিগুনো চোগ্‌কুনোত্ আর মনানিত্ বাড়্‌বোগান্ রোয়্যে তারারে মুই সোজ্য ন-গুরিম।

গীতসংহিতা 15:3

পররে নিন্দে ন-গরে, সমাজ্যেরে ক্ষেতি ন-গরে, পাড়াল্যেগুনোর্ সর্মানান্ বর্‌‌বাদ্ ন-গরে,

গীতসংহিতা 50:20

তুই বোইদ্যে বোইদ্যে তর্ নিজো ভেইয়োর্ বিরুদ্ধে কধা কোই কোই থাচ্ আর তারে ইংসে গরচ্।

যাত্রা 20:16

কারঅ বিরুদ্ধে মিজে সাক্ষী ন-দুয়ো।

যাত্রা 23:1

মিজে কধানি ন-বাড়েবা। সিয়েনি গুরিনে অন্যেয়র্ পক্ষ ওইনে পাজি মান্‌জ্যরে এজাল্ ন-দিবা।

যাত্রা 23:7

সাজেয়্যে মামলাত্তুন্‌ দূরোত্‌ থেবা আর কনঅ‌ দুষ্‌ নেইয়্যে বা গম্‌ মান্‌জ্যরে মরণর সাজা-ন-দিবা। এই অন্যেয়ানি যে গুরিবো তারে মুই রেহাই ন-দিম্‌।

গম্ উপদেজ্ 10:18

যে মানুচ্চো তা মন ভিদিরে ঈচ্ গরেদে কধা গুমরত্ রাগায় তে মিজে কধা কয়;

গম্ উপদেজ্ 11:13

যে পররে সজ্জায় তে গুমুড়ো কধানি কোই দে, মাত্তর্ বিশ্বেজি মান্‌জ্যে কধানি গুমুড়োত রাগান্।

গম্ উপদেজ্ 20:19

যে ইংসে-নিন্দে গুরিনে বেড়ায় তে গুমর কধানি ফগদাং গুরি দে; সেনত্তে যে বেশ্ কধা কয় তা সমারে ন-মিজেয়ো।

যিরমিয় 6:28

তারা বেক্কুনে অমকদ উল্লোমী; তারা ইংসে গুরি বেড়ান। তারা ব্রোঞ্জ আর লুয়ো ধোক্ক্যেন; তারা বেক্কুনে ভান্ন্যেই ওই যেইয়োন।

যিরমিয় 9:4

তারা পত্তিজনে সমাজ্যেগুনোত্তুন্ উজিয়ার ওক্ আর নিজো ভেইয়ুনোরে বিশ্বেজ্ ন-গোরোক্, কিত্তে পত্তি ভেইয়্যে ঠগান্ আর পত্তি সমাজ্যেই ইংসে গরন।

যিহিষ্কেল 22:9

তঅ ভিদিরে এমন এমন মানুচ্ আগন্ যিগুনে অন্যগুনোরে বদ্‌‌‌‌‌‌‌‌‌‌‌নাং গুরিনে তারার্ লো ঝরান্, মুড়ো উগুরে পূজোর্ জাগানত্ হানা-দানা গরন আর ভান্ন্যেই ভান্ন্যেই কাম গরন।

মথি লেখ্যে গম্ হবর্ 27:4

“মুই নিদ্দুজিবোরে মারে ফেলেবাত্তে ধুরি দিইনে পাপ্ গোজ্যং।” তারা কলাক্, “সিয়েন্দোই আমার্ কি? তুয়ই সিয়েন্ বুঝিবে।”

দ্বি’লম্বর বিররণ 27:25

সে মানুচ্চো অভিশাব খেইয়্যে, যে নিদ্দুজি মান্‌জ্যরে খুন গুরিবাত্তে ঘুষ নেযায়। সেক্কে বেক্কুনে কবাক, আমেন।

১ তীমথিয় 3:11

ঠিগ্ সেবাবোত্যেগুরি তারার্ মোগ্‌কুনেয়ো যেন সর্মানর্ যগাজ্জ্যে অন্। তারা যেন অন্যরে বদ্‌নাঙ্ গুরিনে ন-বেড়ান্ আর নিজোরে দোঙেই রাগান্। বেক্কানি পৌইদ্যেনে যেন তারারে বিশ্বেজ্ গরা যায়।

২ তীমথিয় 3:3

তারা ইধু কোচ্‌পানা জিনিস্‌চান ন-থেবঅ, আর তারা কোল্-কোজ্জ্যে গুরিনে মিলেমিলি ন-অবাক্। তারা পররে বন্নাং গুরিবাক্, নিজোরে দোঙেই ন-পারিবাক্, চিৎ-নপুজ্জ্যে অবাক্, আর যিয়েন গম্ সিয়েন ঘিনেবাক্।

তীত 2:3

সেবাবোত্যেগুরি বুড়ো মিলেগুনোরে কবে, তারার্ চাল্‌চলনত যেন গোজেন উগুরে ভোক্তি থায় আর তারা যেন গম শিক্ষ্যে দুয়োন। পররে নিন্দে গরানা বা মাত্তল্ অনা তারার্ উচিত নয়।

১ পিতর 2:1

ইয়েনত্যে অন্যগুনোরে ক্ষতি গুরিবার নানান্ বাবোত্যে আওজ্‌, নানান্ বাবোত্যে ছলনা, ভন্ডামি, ইংসে আর নানান্ বাবোত্যে বদ্‌নাঙর্ কধাবাত্তা তমা মন ভিদিরেত্তুন্ নিগিলেই দুয়ো।

১ শমূয়েল 24:10

এচ্চ্যে দঅ তুই নিজোর চোগেন্দি দেগিলে, লগেপ্রভু কেধোক্ক্যেনগুরি এ গাট্টো ভিদিরে তরে মর্‌ আঢত্‌ তুলি দিলো। মরে কয়েকজনে কোইয়োন তরে মারে ফেলেবাত্তে, মাত্তর্‌ তর্‌ উগুরে মর্‌ মেয়্যে অলঅ। মুই কোইয়োং, মর্‌ গিরোজ উগুরে মুই আঢ্ ন-তুলিম, কিত্যে তে লগেপ্রভুর অভিষেগ্ গোজ্যে মানুচ্‌।