লেবীয় 19:10 - Chakma Bible

¹⁰ আংগুর ক্ষেদত্তুন্‌ আংগুর্‌ তুলোনা শেজ্‌ অলে আরঅ‌ তুমি সে ক্ষেদত্‌ আংগুর্‌ তুলিবাত্তে ন-যেবা আর পড়ি থেইয়ে আংগুরুন ন-কুড়েবা। নাদা মানুচ্‌ আর অন্য জাদর্‌ মানুচ্চুনোত্তে সিয়েনি থোই দিয়া পুরিবো। মুই লগেপ্রভু তমার গোজেন।

লেবীয় 19:10 Iomraidhean Croise

যিশাইয় 17:6

তো কিজু শোজ্য পোজ্যে থেবঅ। যেবাবোত্যেগুরি জলপাই গাজ্‌চুন ঝাড়ানার্ পরেদি উগুরে ডেলাগুনোত্ দ্বিবে তিন্নো জলপাই থান্ আর যে ডেলাবোত্ বেশ্ গুরি গুলোগুলি ধরন সিয়োত্ চের্‌‍‍বো পাচ্চো গুলো থেই যান্, তারার্ অবস্থায়ো সেধোক্ক্যেন অবঅ।” ইস্রায়েলর গোজেন লগেপ্রভু এ কধাগান কোইয়্যে।

যিশাইয় 24:13

জলপাই গাজ্‌চুন ঝাড়া অলে পরেদি আর আংগুর তুলোনার পরেদি যেধোক্ক্যেন গাজত্ কম ফল থান্, পিত্‌থিমীর জাদ্‌তুনোর অবস্থা সেধোক্ক্যেন অবঅ।

যিরমিয় 49:9

যিগুনে আংগুর তুলোন্ তারা যুনি তইধু এজন্ সালে কি তারা কিজু আংগুর ন-থবাক্? চুরুনে যুনি রেদোত্ এজন সালে তারার যেত্তমান্ দরকার সেত্তমান্ বানা চুরি গুরিবাক্।

লেবীয় 11:44

মুই লগেপ্রভু তমার্‌ গোজেন। সেনত্তে তুমি মর্‌ নাঙে নিজোরে ফারক্‌ গুরি রাগেবা আর পবিত্র অবা, কিত্তে মুই পবিত্র। মাদি উগুরে ঘুরি বেড়েয়্যে চিগোন-চাগোন্‌ কনঅ প্রাণীলোই তুমি নিজোরে ফিবলা ন-অবা,

লেবীয় 19:11

চুর্‌ ন-গুরিবা, কাররে ন-ঠোগেবা, মিজে কধা ন-কবা।

লেবীয় 19:25

পাঁচ বজরত্তুন্‌ ধুরি তুমি সে গাজর্‌ ফলুন্ হেই পারিবা। সেক্কে তমার গাজ্‌চুনোত্‌ ভালোক্কুন্‌ ফল্ অবাক্‌। মুই লগেপ্রভু তমার গোজেন।

লেবীয় 19:9

ফসল কাবিবার্‌ অক্তত্‌ তুমি ক্ষেদর্‌ কাজাকুরেদি ফসলানি ন-কাবিবা আর ক্ষেদত্‌ যিয়েনি থেবঅ সিয়েনিয়ো ন-কুড়েবা।

লেবীয় 23:22

“তুমি যেক্কে তমার ভূইয়োর্ ক্ষেত্তানি কাবিবা সেক্কে ভূইয়ো দুঝির্‌ ক্ষেত্তানি তুমি ন-কাবিবা আর পড়ি থেইয়্যে শোজ্য থুবেইনে ন-নেযেবা। সিগুন্‌ নাদামানুচ্‌ আর দেজত্‌ বজত্তি গোজ্যে অন্য জাদর্‌ মানুচ্চুনোত্তে থুয়ো পুরিবো। মুই লগেপ্রভু তমার্ গোজেন।”

লেবীয় 25:6

জিরেবার-বজরত্ ভূইয়ানত্‌ যিয়েনি নিজোত্তুন্‌ জোর্মেব সিয়েনিই তমার নিজোর, চাগর-চাগরানীগুনোর, তমা ভিদিরে বজত্তি গোজ্যে অন্য জাদর্‌ চাগর্‌ আর অন্য মানুচ্চুনোর,

ওবদিয় 1:5

“ইস্‌, কি দযাগান্ তত্তেই বাজ্জেই আঘে! যুনি চুরুনে তইদু এজন্, ডাগেত্তুনে এজন্ রেদোত্, মাত্তর্ তারার্ যেত্তমান আওজ্ বানা সেত্তমান তারা চুর্ গুরিবাক্। আংগুর তুলিবার মানুচ্চুনে যুনি তইদু এজন্ সালে তারা তত্তেই কিজু আংগুর থোই যেবাক্।

মীখা 7:1

কি দযা মর্! মুই ওইয়োংগে তা ধোক্ক্যেন যে বেক্ ফলুন পাড়ি নেযেবার পরেদি আংগুর তুলোদে আর অন্য ফল পাড়িবাত্তে যায়, মাত্তর্ সিদু হেবাত্তে কনঅ আংগুরোর্ থুপ্ নেই, কনঅ পত্তমে পাক্যে ডোমোর্‌অ নেই যিগুন্ মঅ পরাণানে চায়।

দ্বি’লম্বর বিররণ 24:19

তমার ভুইয়োর ফসলানি কাবিবার পরেন্দি যুনি শোজ্যর্‌ কনঅ বনা তুমি লগে লগে নিবাত্তে পুরি পেলঅ মাত্তর্‌ সিবে আর ফিরেই আনিবাত্তে ন-যেয়ো। বিদেশী বাসিন্দা, অসহায় আর রানিমিলেগুনোত্তে সিগুন থোই দুয়ো। সেক্কে তমার গোজেন লগেপ্রভু বেক্‌ কামানিত্‌ তমারে আশিদ্‌বাদ গুরিবো।

দ্বি’লম্বর বিররণ 24:20

জলপাই পাড়িবার অক্তত্‌ তুমি এক্কো ডেলাত্তুন দ্বিবার ফল পাড়িবাত্তে ন-যেয়ো। যিবে থেই যেবঅ সিবে বিদেশী বাসিন্দা, অসহায় আর রানিমিলেগুনোত্তে থোই দুয়ো।

দ্বি’লম্বর বিররণ 24:21

তমার আংগুর্‌ ক্ষেদর আংগুর্‌ তুলিবার অক্তত্‌ তুমি একই ডেলাত্তুন দ্বিবার্‌ আংগুর ন-তুল্য। যিগুন থেই যেবাক সিগুন বিদেশী বাসিন্দা, অসহায় আর রানিমিলেগুনোত্তে রাগেই দুয়ো।

বিচের গুরিয়্যেগুন 8:2

জোবত্‌ তে তারারে কলঅ, “তমা তুলনায় মুই আর সেধোক্কেন্‌ কি গোজ্যং। ইফ্রয়িমে যে পোজ্যন্দে আংগুরুন কুড়েইনে আন্যে সিগুন কি অবিয়েষরর তুল্যে বেগ্‌ আংগুরুনোত্তুন বোউত্ গম্‌ নয়।

রূত 2:2

একদিন্যে মোয়াবীয় রূতে নয়মীরে কলঅ, “মুই ক্ষেদত্‌ যেইনে পড়ি-আগন্দে ধান শীজেগুন্‌ কুড়ে আনিমবোই নাহি? যে মরে মেইয়্যে গুরিনে কুড়েই নিবাত্তে দিবো মুই তা পিজে পিজে থেইম্‌।” নয়মী তারে কলঅ‌, “অয়, মা, যাহ্।”