লেবীয় 18:18 - Chakma Bible

¹⁸ মোক্কো বাঁজি থাগদে মোগো বোন্নোরে সুদিন ইজেবে মোগ্‌ লনা ন-চলিবো।

লেবীয় 18:18 Iomraidhean Croise

পত্থম 29:28

যাকোবে তা কধাগান্‌ মানি নেযেইনে সে মেইত্‌ বান সাপ্তাবো শেজ্ গুরিলো। সে পরেদি লাবনে তা ঝি রাহেলরেয়ো যাকোব সমারে মেলা গুরি দিলো,

পত্থম 30:15

মাত্তর্‌ লেয়া তারে কলঅ, “তুই মঅ নেক্কোরে কারি নেযেয়োচ্, সিয়েন্‌‌দোই কি মনান ন-ভরে? আরঅ তুই মঅ পুয়োবো আন্যে দূদাফলুনো নিবার্‌ চাজ্‌?” জোবত্‌ রাহেলে কলঅ, “সালে তঅ পুয়োবো আন্যে দূদাফলুনো বদলে এইচ্চ্যে রেদোত্‌ তে তঅ লগে থেবঅ।”

পত্থম 4:19

লেমকর দ্বিবে মোক্‌ এলাক্। সিগুনোর একজনর নাঙ্‌ আদা, আরেক জনর নাঙ্‌ সিল্লা।

যাত্রা 26:3

কট্টানি পাচ্ছো গুরি একলগে গাদেইনে দ্বিয়েন দাঙর্‌ কট্টা গরা পুরিবো।

লেবীয় 18:17

এক সমারে কনঅ মিলেমানুচ্‌ আর তার্‌ ঝিবো সমারে কিয়্যেদি মিজেনা ন-চলিবো। সেই মিলেবোর্‌ পূঅ বা ঝিবো ঘরর্‌ নাদিনো সমারে কিয়্যেদি মিজেনা ন-চলিবো, কিত্যে সেই মিলেবো সমারে তারার্‌ লো-গানন্দি মিল্ আঘে। ইয়েন্‌ এক্কান্‌ বজং কাম্‌।

লেবীয় 18:19

মাসিগোর্‌ ফি-বলা অবস্থায় কনঅ মিলে সমারে কিয়্যেদি মিজেবাত্তে যানাগান ন-চলিবো।

মালাখি 2:15

লগেপ্রভু কি নেক্কোরে আর মোক্কোরে এক ন-গরে? কিয়্যেদি আর আত্মাদি তারা তারই। তারা কিত্তে এক? কিত্যে তে তারা মাধ্যমে এক্কো গোজেন ভক্ত বংশ রোক্ষ্যে গুরিবাত্তে চেইয়্যে। সেনত্তে তুমি তমা মন পৌইদ্যেনে উজিয়ার্ অ; গাবুজ্যেকালর্ মোগো লগে তুমি বেঈমানী ন-গোজ্য।