লেবীয় 17:10 - Chakma Bible

¹⁰ কনঅ ইস্রায়েলীয় বা তারা ভিদিরে বজত্তি গোজ্যে অন্য জাদর্‌ কনঅ মানুচ্‌ যুনি লো খায় সালে তা সিত্তুন্‌ মুই মর্‌ মুয়োন্‌ ফিরেই নেযেম আর তা জাদত্তুন্‌ তারে তুলি ফেলেম,

লেবীয় 17:10 Iomraidhean Croise

পত্থম 9:4

মাত্তর্ জেদাবাদে, অত্তাৎ লো-সুমুত্তো য়েরা তুমি ন-হেবা।

২ শমূয়েল 23:17

তে কলদে, “ও লগেপ্রভু, মুই যে এ পানিগান হেম্‌ সিয়েন্‌ দূরোত্‌ থোক্‌। ইয়েন কি সে মানুচ্চুনোর্‌ লো নয় যিগুনে জীংকানির বাঁজি লোইনে সিয়েন্‌ আনিবাত্তে যেইয়োন?” দায়ূদে সিয়েন হেবাত্তে রাজী ন-অলঅ। সে তিন্নো নাঙ্-গোজ্যে বীরোর্‌ কামানি এলদে এবাবোত্যে।

গীতসংহিতা 34:16

যিগুনে ভান্ন্যেই কাম্ গরন লগেপ্রভু তারা বিরুদ্ধে থিয়্যেই, যেনে পিত্‌থিমী বুগোত্তুন্ তারার নাঙানি উদি যায়।

যাত্রা 30:33

যুনি কনজনে এধোক্ক্যেন তুম্বাস্‌ জিনিস বানান্‌ বা ধর্মগুরু বাদে আর কারঅ কিয়্যেত্‌ সিয়েন্‌ দুয়োন্‌ সালে তারে তার্‌ জাদ ভিদিরেত্তুন্‌ বাদ্‌ দিয়্যে পুরিবো।”

যিরমিয় 21:10

মুই এ শঅরর্ ভালেদি নয় মাত্তর্ খেতি গুরিবাত্তে মনান্ থির্ গোজ্যং। বাবিলো রাজা আঢত্ ইয়েন দিয়্যে অবঅ, আর তে আগুন্দোই ইয়েন পুড়ি দিবো।

যিরমিয় 44:11

“সেনত্তে মুই ইস্রায়েলর গোজেন বেগত্তুন খেমতাবলা লগেপ্রভু ঠিগ্ গোজ্যংগে, তমা উগুরে দজা আনিনে বেক্ যিহূদাগানরে মুই ভস্ত গুরিম।

যিহিষ্কেল 14:8

মুই সে মানুচ্চোর বিপক্ষে থিয়্যেম্ আর তারে এক্কান উদাহরন আর এক্কান দাগঅ কধা ধোক্ক্যেন গুরিম। মঅ মানুচ্চুনো ভিদিরেত্তুন্ মুই তারে কাবি ফেলেম। সেক্কে তুমি হবর্ পেবা যে, মুয়ই লগেপ্রভু।

যিহিষ্কেল 15:7

মুই তারা বিরুদ্ধে যেম্। আগুনোত্তুন্ তারা নিগিলি এলেয়ো আগুনানে তারারে পুড়ি ফেলেব। মুই যেক্কে তারা বিরুদ্ধে যেম্ সেক্কে তুমি হবর্ পেবা যে, মুয়ই লগেপ্রভু।

যিহিষ্কেল 33:25

সেনত্তে তুই তারারে কঅ, প্রভু লগেপ্রভু কোইয়্যেদে, তুমি দঅ লো সুদ্ধো য়েরা খর্, মূত্তিপূজো গরর্ আর লো ঝরর্; সালে কি তুমি দেজর্ অধিকারী অবা?

যিহিষ্কেল 44:7

তমা অন্য জঘন্য আচার-বেবহার লগে তুমি মইধু হানা, তেল্ আর লো উৎসর্ব গুরিবার অক্তত্ মনেদি আর কিয়্যেদি সুন্নত-ন-গোজ্যে বিদেশীগুনোরে মঅ ঘরত্ আনিনে মঅ ঘরান্ অসিজি গোজ্য আর তারার কাম ভিদিরেদি তুমি মর্ সুদোমান বাতিল গোজ্য।

লেবীয় 17:11

কিত্তে লো-গান ভিদিরে থাইদে পরাণবলাগুনোর্‌ পরানান্‌। সেনত্তেই তমার্‌ পরানর্‌ বদলে মুই সিয়েন্দোই পূজোবো উগুরে তমা পাপ্পানি ঢাগি দিবার্‌ বেবস্থা দুয়োং। লো-গান ভিদিরে পরানান্‌ আঘে বিলিই সিয়েন্‌ পাপ কাদেই দে।

লেবীয় 19:26

লো সুদ্ধো কনঅ য়েরা ন-হেবা। লক্ষন-বিদ্যে বা মায়াবিদ্যে বেবহার্‌ গরানা ন-চলিবো।

লেবীয় 26:17

মুই তমান্দিত্তুন্‌ মুয়োন ফিরেই নেযেম্‌ আর তুমি তমার শত্রুগুনো ইদু উদি যেবা। তমারে ঈচ্ গরন্দেগুনে তমারে শাজন গুরিবাক্ আর কনজনে তমারে ন-লোড়েলেয়ো তুমি ধেই যেবা।

লেবীয় 3:17

“তুমি যিয়েনত্‌ থেদা সাৎ‌ তুমি কনঅ তেল্‌ বা লো ন-হেবা। ইয়েনই অবঅ বংশর্‌ পর বংশ ধুরিনে তমাত্তে এক্কান্‌ উমর সুদোম্।”

আমোষ 9:4

শত্রুলোই বন্দী ওইনে তারা অন্য দেজত্ গেলেয়ো সিদু তারারে মারে ফেলেবাত্তে মুই লাম্বা ছুরিগানরে উগুম দিম। ভালেদিত্তে নয় মাত্তর্ অমংগলত্তেই মুই তারা উগুরে মঅ চোগ্‌‌‌কুন থির্ রাগেম।”

প্রেরিত্‌ 15:20

সিয়েনত্তুন্ বরং আমি তারা ইধু এ কধাগান লিগিই যে, তারা যেন মূত্তি সমারে এগত্তর্ বেক্কানিত্তুন্ আর বেক্‌ সিনেলিত্তুন্ দূরোত্ থান্, আর তদা চিবিনে মাজ্যে য়েমান য়েরা আর লো যেন তারা ন-খান্।

প্রেরিত্‌ 15:29

সেই দরকারী বেপারানি অলঅ-তুমি মূর্ত্তি ইধু উৎসর্ব গোজ্যে হানা ন-হেবা, লো ন-হেবা, তদা চিবিনে মাজ্যে য়েমান য়েরা ন-হেবা আর কনঅ বাবোত্যে সিনেলী ন-গুরিবা। ইয়েনি গরানাত্তুন্ দূরোত্ থেলে তুমি গম্ গুরিবা। বিদায়।”

দ্বি’লম্বর বিররণ 12:16

মাত্তর্‌ তুমি লো হেই ন-পারিবা; সিয়েন পানি ধোক্ক্যেন গুরি মাদিত্‌ ঢালি দিয়্যে পুরিবো।

দ্বি’লম্বর বিররণ 12:23

মাত্তর্‌ উঝিয়ার! লো ন-হেবা, কিত্যে লো-গান্‌ অলদে পরাণ, আর তুমি য়েরাগান সমারে সে পরাণান ন-হেবা।

দ্বি’লম্বর বিররণ 15:23

মাত্তর্‌ তুমি তার লো-গান ন হেবা; পানি ধোক্ক্যেন গুরি সিয়েন মাদিত্‌ ঢালি দিবা।

ইব্রীয় 10:29

সালে গোজেনর্ পুয়োবোরে যে ঈচ্ গোজ্জ্যে, যে লো-গান্দোই তে সিজি ওইয়্যে গোজেনর্ সেই বেবস্থার্ লো-গানরে যে অপবিত্র মনে গোজ্জ্যে আর যে দোয়্যে গরে সেই পবিত্র আত্মাগানরে যে অগমান গোজ্জ্যে, ভাবি চঅ, তে আরঅ কত্তমান বেশ্ সাজা পেবার্!

১ শমূয়েল 14:32

সেনত্তেই তারা লুদেয়্যে জিনিসছানি উগুরে ঝাবেই পুরিনে ভেড়াছাগল, গোরু, গোরু ছঅগুনোরে ধুরি মাদিত্‌ পোড়েইনে কাবিকাবাই লো সুমুত্তো য়েরা খা ধুরিলাক্।

১ শমূয়েল 14:33

সেক্কে মানুচ্চুনে যেইনে শৌলরে কলাক্কে, “চাহ্, তারা বেক্কুনে লো সুমুত্তো য়েরা খেইনে লগেপ্রভুর বিরুদ্ধে পাপ গোজ্যন্‌।” তে কলদে, “তুমি অবিশ্বেজী ওইয়ো। ইক্কিনে আর দেরী ন-গুরিনে এক্কো দাঙর্‌ পাত্তর্‌ ইয়েনত্‌ লোই এজঅ।”