লেবীয় 16:8 - Chakma Bible

⁸ তাত্তুন্‌ পোরোক্ষে গুরি চাহ্ পুরিবো, সিবের্‌ ভিদিরে কন্‌ ছাগল্লো লগেপ্রভুত্তে আর কন্‌ ছাগল্লো অজাজেলত্তে।

লেবীয় 16:8 Iomraidhean Croise

গম্ উপদেজ্ 16:33

মান্‌‌জ্যে পোরোক্ক্যে চান, মাত্তর্ সিয়েনর জোব্‌‌পান লগেপ্রভু ঠিগ্ গরে।

যিহিষ্কেল 48:29

এ দেজ্‌চান ইস্রায়েলর্ গুট্টিগুনোরে সোম্বোত্তি ইজেবে তুমি ভাগ গুরি দিবা, আর ইয়েন অবঅ তারার্ ভাগ্। মুই প্রভু লগেপ্রভু লগেপ্রভু এ কধাগান কঙর্।

লেবীয় 16:10

মাত্তর্‌ লটারীত্‌ যে ছাগল্লো অজাজেলত্তে উদিবো সিবে জেদা অবস্থায় লগেপ্রভুর মুজুঙোত্ আঝিল্ গরা পুরিবো আর পাপ ঢাগি দিবার নাঙে অজাজেলত্তে ধূল্যেচর-চাগালাত্‌‌ পাদেই দিয়া পুরিবো।

লেবীয় 16:26

যে মানুচ্চো অজাজেলত্তে ছাগল্লো ইরি দিইনে এবগোই তাত্তুন্‌ তার্‌ কাবড়-চুগোর্‌ ধোয়নে পানিলোই গাদা পুরিবো, আর পরেদি তে তাম্বুল ভিদিরে চোমেই পারিবো।

লেবীয় 16:7

যেরেন্দি সে দ্বিবে ছাগল নিইনে তাত্তুন্‌ মিলন-তাম্বুল দোরান ইদু লগেপ্রভু মুজুঙোত্ নেযা পুরিবো।

লেবীয় 16:9

যে ছাগল্লো লগেপ্রভুর বিলি দেগা যেবঅ হারোণে সিবেলোই পাপ-উৎসর্বর্ অনুষ্ঠান গুরিবো।

যোনা 1:7

পরেদি নাবিক্‌‌‌কুনে একজন আর একজনরে কলাক্, “কন্না এই দযাগানত্তে দায়ী সিয়েন চেবাত্তে এজঅ, আমি চাম্বা চেই।”

গণাণা 26:55

কুদু কন্‌ গুট্টিগুনে জাগা পেবাক্‌ সিয়েনি চাম্বা চেইনে ঠিগ্ গরা পুরিবো। পত্তি বংশর পাওনা ভাগ তার্‌ গুট্টির নাঙে দিয়্যে চাগালা ভিদিরে থেবঅ।

গণাণা 33:54

তুমি চাম্বা চেইনে নানান্‌ বংশর জাগায়ানি ঠিগ গুরি নিবা। বংশর জনসোংখ্যেগুন বেশ্‌ অলে বেশ্‌ জাগা আর কম অলে কম্‌ জাগা দিয়্যে পুরিবো। চাম্বা চেইনে যে বংশর্‌ জাগায়ানি যিয়েনত্‌ পুরিবো সেই বংশবত্তুন সিয়োদোই জাগা নেযা পুরিবো। গুট্টির নানান্‌ বংশগুনে গুট্টির চাগালা ভিদিরেত্তুনই জাগা পেবাক্।