লেবীয় 16:20 - Chakma Bible

²⁰ দাঙর্‌ পবিত্র জাগা, মিলন-তাম্বু আর পূজোবোর্‌ ফি-বলাগানি ঢাগি দিবার্‌ অনুষ্ঠান থুম্ গুরিনে হারোণে সে জেদা ছাগল্লো আনিবো।

লেবীয় 16:20 Iomraidhean Croise

যিহিষ্কেল 45:20

যিগুনে ভুল গরন্ বা হবর্ ন-পেইনে উবোসনা-ঘর বিরুদ্ধে কনঅ পাপ গুরি ফেলান্ তুমি তারাত্তে মাসর্ সাত দিনোত্ সেই এক্কুই কাম গুরিবা। এবাবোত্যেগুরি তুমি পাপ ঢাগি দিবার্ অনুষ্ঠান গুরিনে উবোসনা-ঘরান্ সিজি গুরিবা।

লেবীয় 16:16

ইস্রায়েলীয়গুনে যে পাপ্পানি গুরি থেদাক্‌ সাৎ, তারার্‌ সে ফি-বলাগান্‌ আর অবাধ্যগানর্‌ কারনে দাঙর পবিত্র জাগানর্‌ ফি-বলাগান্‌ হারোণে ইঙিরিনে ঢাগি দিবার্‌ সুদোম গুরিবো। ইস্রায়েলীয়গুনোর্‌ ফি-বলাগানর্‌ সংমোধ্যে থিয়্যেই থেইয়্যে মিলন-তাম্বুলত্তেয়ো তাত্তুন্‌ সে এক্কুই বেবস্থা গরা পুরিবো।

লেবীয় 16:19

পূজোবো সুদ্ধো-সাংগ গুরিবাত্তে আর সিবে ইস্রায়েলীয়গুনোর্‌ ফি-বলাগানত্তুন্‌ পবিত্র গুরিবাত্তে তে আঙুল্‌ দিইনে তার্‌ উগুরে সাতপল্লা লো ছিদি দিবো।

লেবীয় 16:21

তে তার্‌ দ্বিয়েন্‌ আত্‌ সে জেদা ছাগল্লো মাদা উগুরে রাগেব আর ইস্রায়েলীয়গুনোর্‌ বেক্‌ অন্যায় আর অবাধ্যগানি, অত্তাৎ তারার্‌ বেক্‌ পাপ্পানি কাম্‌ হেইনে সিয়েনি ছাগল্লোর মাদা উগুরে চাবি দিবাক্‌। সে পরেদি এ কামত্তে যুক্কোল্ ওই আঘে এধোক্ক্যেন এক্কো মান্‌জ্যরে দিইনে তে সিবে ধূল্যেচর-চাগালাত্‌ পাদেই দিবো।

লেবীয় 6:30

পবিত্র জাগানত্‌ পাপ ঢাগি দিবার্‌ নাঙে যুনি পাপ-উৎসর্বর্ কনঅ এ্যামানর্‌ লো মিলন-তাম্বুলোত্ নেযা অয় ছালে সিয়েনর্‌ য়েরাগান্‌ হেই ন-পারিবো, সিয়েন্‌ পুড়ি ফেলা পুরিবো।

লেবীয় 8:15

সে পরেদি মোশি সে বলদ্‌তো কাবিনে সিয়োত্তুন্‌ কিজু লো নেযেল আর পূজোবো শুদ্ধ-সাংগ গুরিবাত্তে আঙুল্লোই সেই লো-গান পূজোবোর্‌ শিঙুনোত্‌ লাগেই দিলো। বাদ্‌বাগি লো-গান্‌ তে পূজোবো গোড়াত্‌ ঢালি দিলো। ইঙিরিনে তে পাপ ঢাগি দিবার্‌ অনুষ্ঠানান্দোই পূজোবো লগেপ্রভুর্ নাঙে যুদো গুরি নিলো।

রোমীয় 4:25

আমা পাপত্যে যীশুরে মরণ আদত্ তুলি দিয়্যে ওইয়্যে আর আমারে নিদ্দুজি বিলিনে মানি লবাত্যে তারে মরণত্তুন্ জেদা গরা ওইয়্যে।

রোমীয় 8:34

কন্না তারারে দুষি বিলিনে ঠিগ্ গুরিবো? যিবে মুরি যেয়্যে আর যিবেরে মরণত্তুন্ জেদা গরায়ো ওইয়্যে সেই খ্রীষ্ট যীশু ইক্কিনে গোজেনর্ ডেন্ ঢাগদি আঘে আর আমাত্যে কোজোলী গরের্।

২ করিন্হীয় 5:19

ইয়েনর্ অত্তগান অলঅ, গোজেনে মান্‌জ্যর্ পাপ্পানি ন-ধুরিনে খ্রীষ্টর্ মাধ্যমে নিজো সমারে মান্‌জ্যরে মিলেই দিয়্যে, আর সেই মিজেনার্ হবরান্ জানেবার ভারান্ তে আমা উগুরে দিয়্যে।

কলসীয় 1:20

সিয়েনবাদে পিত্‌থিমীত ওক্‌ বা স্বর্গত ওক্‌, খ্রীষ্টর্ মাধ্যমে তার্ নিজো লগে বেক্কানির্ মিজেনাগান-অ তে চেইয়্যে। খ্রীষ্ট ক্রুশো উগুরে তার্ লো-গান দান গুরিনে শান্তি আন্ন্যে বিলিনে এই মিজেনাগান্ ওই পাজ্জ্যে।

ইব্রীয় 7:25

ইয়েনত্যে যিগুনে তা মাধ্যমে গোজেন ইধু এজন্ তারারে তে পুরোপুরি গুরিনে উদ্ধোর্ গুরি পারে, কিয়া তারার্ পৌইদ্যেনে কোজোলি গুরিবাত্যে তে নিত্য জেদা আঘে।

ফগদাং পেইয়্যে 1:18

মুয়ই উমরত্যে জেদা। মুই মোজ্জ্যং আর চঅ, ইক্কিনে মুই যুগ যুগ ধুরিনে উমরত্যে জেদা আঘং। মইধু মরণান্ আর মরণ জাগার চাবি আঘে।