লেবীয় 16:12 - Chakma Bible

¹² লগেপ্রভুর্ মুজুঙোত্ যে পূজোবো আঘে তে সে পূজোবোত্তুন্‌ আগুনোর্‌ পিলেত্‌ জ্বোল্‌-জ্বোল্যে আঙারা ভোরেই নেযেব আর নিগুজ গুরিনে গুড়ি গোজ্যে দ্বিমুঠ তুম্বাস্‌ পোইরেগ্‌অ নিবো। ইগুন্‌ লোইনে তে পর্দাগানর্‌ পিজেন্দি যেবঅ।

লেবীয় 16:12 Iomraidhean Croise

যাত্রা 31:11

অভিষেকর্‌ তেল আর পবিত্র জাগানত্তেই তুম্বাজ ধূপ্অ এই জিনিস্‌ছানি ভিদিরে আঘে। তরে দিয়্যে মর্‌ উগুম্‌ মজিম যেনে তারা সিয়েনি বানান্‌।”

যাত্রা 37:29

ইয়েন্‌বাদে তুম্বাস্‌ জিনিস্‌ বানাইদে ধোক্ক্যেন গুরি খাটি তুম্বাস্‌ ধূপ আর পবিত্র অভিষেক-তেল্‌অ‌ বানা অলঅ‌।

লেবীয় 10:1

হারোণর্‌ পূঅ নাদব আর অবীহূ তারা আগুনো পিলেলোই আগুন্‌ নেযেইনে সিবে উগুরে ধূপ দিলাক্। তারা লগেপ্রভুর্ উগুমোর্‌ বারেন্দি অন্য আগুন্দোই‌ লগেপ্রভুর্ নাঙে ধূপ-উৎসর্ব গুরিলাক্।

গণাণা 16:18

মোশি কধা মজিম্ পত্তিজনে নিজোর নিজোর পৌইরেগর্ কদরাত্‌ আগুন আর পৌইরেগ লোইনে মিলন-তাম্বুলোর দোরান মুজুঙোত্‌ মোশি আর হারোণ সমারে যেইনে থিয়্যেলাক্।

গণাণা 16:46

সে পরেদি মোশি হারোণরে কলঅ, “তর্‌ পৌইরেগর্ কদরাবো লোইনে সিয়েনত্‌ পূজোবোত্‌ আগুন ভোরেইনে তা উগুরে পৌইরেগ্ দিচ্‌ আর যাদিগুরি সেই মানুচ্চুনো ইদু যেইনে তারার্‌ পাপ্পানি ঢাগিবার্‌ বেবস্থা গর্‌। লগেপ্রভুর রাগ্‌‌কান্ ফগদাং অলঅ, ভানাপিড়ে আরাম্ভ ওই গেলঅ।।”

দ্বি’লম্বর বিররণ 33:10

তর্‌ উগুমানি তে যাকোবরে শিগায়, আর রীদি-সুদোমানি শিগায় ইস্রায়েলরে। তে তমা মুজুঙোত্‌ আগর্‌বাট্টি জ্বালায়, তর্‌ ডালি ঘর উগুরে পুজ্যে-উৎসর্ব গরে।

ইব্রীয় 9:14

মাত্তর্ যে উমর্‌অ পবিত্র আত্মালোই গোজেন ইধু নিজোরে থুদো নেইয়্যে উৎসর্ব ইজেবে দান গুরিলো সেই যীশুর লো-গানে আমা বিবেগরে ফল-নেইয়্যে কামত্তুন্ আরঅ কত্তমান বেশ্ গুরি সিজি গুরিবো, যেনে আমি জেদা গোজেনর্ সেবা গুরি পারিই!

ইব্রীয় 9:7

মাত্তর্ দ্বিলম্বর ভাক্কানত্, অত্তাৎ দাঙর্ পবিত্র জাগানত্ বানা দাঙর্ ধর্মগুরুবো সুমিদো। বজরে বানা একবার তে উৎসর্ব-গোজ্জ্যে য়েমান লো-লোই সিয়েনত্ সুমিদো। তার্ নিজো পাপত্যে আর মানুচ্চুনে কোই ন-পারিনে যেদক্কানি পাপ গোজ্জ্যন সিয়েনত্যে তে এই লো-গান উৎসর্ব গুরিদো।

১ যোহন 1:7

মাত্তর্ গোজেনে যেধোক্ক্যেন পহ্‌রত আঘে আমিয়ো যুনি সেধোক্ক্যেন পহ্‌রত চলিই সালে আমা ভিদিরে উদোন্-বজন্ থায় আর তা পুয়োবো যীশুর লো-গান্দোই বেক্ পাপ্পানিত্তুন্ আমারে সিজি গরে।

ফগদাং পেইয়্যে 8:5

সেক্কে সেই স্বর্গদূত্‌তো ডালি পূজোবোত্তুন্ আগুন লোইনে সেই ধূব্ কদরাবো ভোরেল আর পিত্‌থিমীত ফেলেই দিলো। সেক্কে আগাজ বাজ্ পড়েদে রঅ আর অন্য বাবোত্যে রঅ অলঅ, আর ঝিমিলেল আর ভূজোল্ বেলঅ।