লেবীয় 15:8 - Chakma Bible

⁸ যে মানুচ্চোর্‌ স্রাব ওইয়ে তে যুনি কনঅ সুদ্ধো-সাংগ মান্‌জ্যর্‌ কিয়্যেত্‌ শেফ্‌ ফেলায়্‌ সালে সে সুদ্ধো-সাংগ মানুচ্চোর্‌ কাবড়-চুগোর্‌ ধোয়নে পানিত্‌ গাদি ফেলা পুরিবো, আর সাজোন্যে সং তে ফি-বলা অবস্থায় থেবঅ।

লেবীয় 15:8 Iomraidhean Croise

যিশাইয় 1:16

তুমি নিজোরে খাটি গরঅ, সিজি অ। মঅ চোগো মুজুঙোত্তুন্ তমার্ বেক্ ভান্ন্যেই কামানি দূর্ গুরি দুয়ো; সিয়েনি আর ন-গোজ্য।

লেবীয় 11:24

ইগুন্দোই তুমি ফিবলা অবা; যে কনজনে তারার্‌ মরা কিয়্যেনি ধরে তে সাজোন্যে সং ফিবলা অবস্থায় থেবঅ।

লেবীয় 15:7

যে মানুচ্চোর্‌ স্রাব ওইয়ে সে মানুচ্চোরে যে ধুরিবো তাত্তুন্‌ তার্‌ কাবড়-চুগোরানি ধোয়নে পানিত্‌ গাদা পুরিবো, আর তে সাজোন্যে সং ফি-বলা অবস্থায় থেবঅ।

লেবীয় 15:9

যে মানুচ্চোর্‌ স্রাব ওইয়ে তে কনকিজু চড়িনেই কনঅ জাগাত্‌ যেবার্‌ সময় যে আসনান উগুরে বুঝিবো সিয়েন ফি-বলা ওই যেবঅ।

গণাণা 19:22

অসিজি অবস্থায় আগেদে মানুচ্চো যিয়েনি ধুরিবো সিয়েনি অসিজি ওই যেবঅ আর তার্‌ ধোজ্যে জিনিস্‌ছানি যে ধুরিবো তেয়ো সাজোন্যা সং অসিজি অবস্থায় থেবঅ।”

যাকোব 4:8

গোজেন ইধু উজেই যঅ, সালে তেয়ো তমা ইন্দি উজেই এবঅ। পাপীগুন্, তুমি নিজোরে সাব্ গরঅ। দ্বিমনা মানুচ্চুন, তমা মনানি খাটি গরঅ।

যিহূদা 1:4

ইয়েনর্ দরকার আঘে, কিয়া যে মানুচ্চুনোর্ সাজা পৌইদ্যেনে আগেদি বোইবোত্ লেগা ওইয়্যে তারা তমা ভিদিরে চুবেচুবে সোমেয়োন্দি। গোজেন উগুরে এ মানুচ্চুনোর ভোক্তি নেই; আমার গোজেনর্ দোয়্যেগানরে তারা ভান্ন্যেই এক্কান তালি দেনা মনে গরন আর যিবে আমার এক্কো গুরি গিরোজ্ আর প্রভু সেই যীশু খ্রীষ্টরে তারা অস্বীগের্ গরন্।