লেবীয় 15:24 - Chakma Bible

²⁴ যুনি কনঅ মরদ এধোক্ক্যেন মিলেমান্‌জ্যলোই ঘুমোত্‌ পড়ে আর তার মাসিগোর্‌ লো তার কিয়েত্‌ বাজে সালে তে সাত দিন সং ফি-বলা অবস্থায় থেবঅ। এ সাত দিনোর ভিদিরে তে যে বিচ্ছোনত্‌ পুরিবো সিবেয়ো অসিজি অবঅ।

লেবীয় 15:24 Iomraidhean Croise

যিহিষ্কেল 18:6

তে মুড়োমুড়ি উগুরে কনঅ পূজোর্ জাগানত্ হানা-দানা ন-গরে, বা ইস্রায়েলীয়গুনোর কনঅ মূত্তি পূজো ন-গরে। তে আদামর্ কনঅ মিলেরে বর্‌‍‌বাত ন-গরে, বা মাসিক অর্ এবাবোত্যে মিলে লগে ন-মিজেই।

যিহিষ্কেল 22:10

তঅ ভিদিরে এমন এমন মানুচ্ আগন যিগুনে সাদাঙা মা লগে বেভিচের্ গরন, মিলের্ মাসিগো সময়োত্ অসিজি অবস্থাত্ জোর্ গুরিনে তা সমারে কিয়্যেলোই মিজেন্,

লেবীয় 15:23

তার বিচ্ছোনান্‌ বা আসনান্‌ যে ধুরিবো তে সাজোন্যে সং ফি-বলা অবস্থায় থেবঅ।

লেবীয় 18:19

মাসিগোর্‌ ফি-বলা অবস্থায় কনঅ মিলে সমারে কিয়্যেদি মিজেবাত্তে যানাগান ন-চলিবো।

লেবীয় 20:18

কনঅ মিলেমান্‌জ্যর্‌ মাসকাবরর্‌ সময়োত্‌ যে মানুচ্চো তা সমারে কিয়্যেদি মিজেই তে সেই মিলেমানুচ্চোর্‌ লো-স্রাবর্‌ মান্‌ ন-দিলো আর সেই মিলেবো নিজেয়ো তার্‌ মর্যাদা ন-রাগায়। দ্বিজনরে তারার্‌ জাদত্তুন্‌ তুলি ফেলা পুরিবো।

১ থিষলনীকীয় 5:22

আর নানান্ বাবোত্যে ভান্ন্যেয়ত্তুন্ দূরোত্ থেয়ো।

ইব্রীয় 13:4

পত্তিজনে যেন জড়া সুগুলোং বানানা বেপারান্ সর্মানর্ চোগেদি দেগন্। নেক্-মোগোর্ ভিদিরে জড়া সুগুলোং বানানা বেপারান পবিত্র রাগানা উজিত্, কিয়া যে কনঅ বাবোত্যে পর্‌পাগোল্যে অদঅ সাৎ, যিগুনে সেই দুষে দুষী গোজেনে তারারে সাজা দিবো।

১ পিতর 2:11

কোচ্‌‌পেইয়্যে সমাজ্জ্যেগুন, এ পিত্‌থিমীত তুমি বিদেশী আর পরদেজত্ কয়েকদিন বজত্তি গুরিয়্যে বিলিনে মুই তমারে বিশেষ গুরিনে কোজোলী গরঙত্তে, তুমি পাপ-খাচ্চ্যদর্ কামনা-বাসনাত্তুন্ দূরোত্ থাগঅ,