লেবীয় 14:42 - Chakma Bible

⁴² সে পরেদি যিয়েনত্তুন্‌ পাত্তর্‌ খুলি নেযা ওইয়্যে সিয়েনত্‌ নুয়ো পাত্তর্‌ বোজেনেই নুয়ো মাদি দিইনে লিবি দিয়া পুরিবো।

লেবীয় 14:42 Iomraidhean Croise

পত্থম 18:19

মুই লগেপ্রভু এ আশালোই তারে বেঈ নেযেয়োং যেনে তে তার পুয়ো আর ঘরর্‌ অন্য বেক্কুনোরে গম্‌ আহ্ দোল্ কাম্‌ গুরিনে মর্‌ আওজ্ মজিম মানি চুলিবার্‌ উবদেজ্ দে। যুদি তারা অব্রাহাম কধা শুনিনে সেধোক্ক্যেন গুরি চলন্‌, সালে মুই লগেপ্রভু অব্রাহাম পৌইদ্যেনে যিয়েনি কোইয়োং সিয়েনি বেক্কানি গুরিম্‌।”

গীতসংহিতা 101:6

দেজর্ বিশ্বেজি মানুচ্চুনো ইন্দি খিয়েল্ থেবঅ যেনে তারা মঅ সমারে বজত্তি গুরি পারন্; যিগুনো জিংকানিগানি দোল্ তারা মঅ কামানি গুরিবাক্।

লেবীয় 14:41

ঘর ভিদিরে বেক্‌ দেবালানি চাজি ফেলেইনে সে চাছ্যে ভাগ্‌কান্‌ শঅরর্‌‌ বারেন্দি কনঅ ফি-বলা জাগাত্‌ ফেলেই দিয়া পুরিবো।

লেবীয় 14:43

দেবালানত্তুন্‌ পাত্তরুন খুলি ফেলেইনে, চাজিনে, মাদি দিইনে লিবিবার্‌ পরেদি ঘরর্‌ দেবালত্‌ যুনি আরঅ‌ ফারাঙি দেগা যায়,

২ তীমথিয় 2:2

ভালোক্কুন সাক্ষীর্ মুজুঙোত্ মঅ মুয়োত্তুন যেদক্কানি শিক্ষ্যের্ কধা তুই শুন্ন্যচ্ সেই শিক্ষ্যেনি ধুরি রাগেবাত্যে তুই সিয়েনি এন্‌ বিশ্বেজি মানুচ্চুনোরে দে যিগুনোর্ অন্যগুনোরে শিক্ষ্যে দিবার কাবিল আঘে।

যিহোশূয় 24:15

মাত্তর্‌ লগেপ্রভুর সেবা গুরিবাত্তে যুনি তমার মনত্ ন-পড়ে সালে যিবের্‌ সেবা তুমি গুরিবা সিয়েন ইক্কিনেই ঠিগ্‌ গুরি নেযঅ। তমা পূরেণিমানুচ্চুনে ইউফ্রেটিস গাঙর্‌ উইপারত্‌ থাগদে যিদুক্কুন দেব-দেবেদারে পূজো গুরিদাক্‌ তারারে সেবা গুরিবা, না কি যিগুনোর্‌ দেজত্‌ তুমি বজত্তি গরর্‌ সে ইমোরীয়গুনোর দেব-দেবেদাগুনোরে সেবা গুরিবা? মাত্তর্‌ মুই আর মঅ গিরির্‌ বেক্কুনে লগেপ্রভুরে সেবা গুরিবোং।”