লেবীয় 14:3 - Chakma Bible

³ ধর্মগুরুবো ঘরর্‌ বারেদি যেইনে তারে চাগি চেবঅ। যুনি দেগা যায় সে চামাড়া রুগোত্তুন্‌ মানুচ্চো গম্‌ ওইয়্যে,

লেবীয় 14:3 Iomraidhean Croise

২ রাজাবলী 5:14

সেক্কে নামানে গোজেন মানুচ্চোর্‌ কধামজিম্‌ যেইনে যর্দনত্‌ সাতপল্লা বুর্‌ দিলো। সেক্কে তা কিয়্যেগান গম্‌ অলঅ আর চিগোন্‌ গুরো কিয়্যের্‌ চামঅ ধোক্ক্যেন তা চামান্‌ দোল্‌ অলঅ।

২ রাজাবলী 5:3

একদিন্যে মিলেবো তা গিরোজ্‌সোর্‌ মোক্কোরে কলঅ, “মঅ গিরোজ্‌সো যুনি বানা একপল্লা শমরিয়ার ভাববাদীগুনোর্‌ লগে দেগা গুরি পারিদো, সালে তে তার্‌ ফারাঙিগান্‌ গম্‌ গুরি দিদো।”

ইয়োব 5:18

কিত্তেই তে ঘা গুরি দে, আরঅ‌ বানিয়ো দে; তে আঘাত্‌ গরে, আরঅ‌ তা আত্‌তানে সিয়েন্‌ গম্‌ গরে।

যাত্রা 15:26

তে কোইয়্যেদে, “তুমি যুদি তমা গোজেন লগেপ্রভুর্‌ কধা মানিনে তা চোগেদি যিয়েন্‌ দোল্‌ সিয়েনোই গরঅ‌ আর তাঁর্‌ উগুমোত্‌ কান্‌ পাদঅ আর তাঁর্‌ দিয়্যে বেক্‌ সুদোমানি পালন্‌ গরঅ, সালে মিসরীয়গুনো উগুরে মুই যেদক্কানি পীড়ে আন্যং সিয়েনি তমা উগুরে ন-আনিম। মুই লগেপ্রভু তমারে সুগেই রাগেম্‌।”

লেবীয় 13:2

যুনি কনজনর্‌ কিয়্যের্ চামাড়াত্‌ কনঅ জাগাত্ ফুলি উদে বা ফজা দেগা যায় বা কয়েক্কান্‌ জাগাত্‌ জোল্‌-জোল্যে বিলি মনে অয় যিয়েন পরেদি কনঅ বজং চামাড়ারুগ্‌ ওই পারে, সালে তাত্তুন ধর্মগুরু হারোণ অথবা তার্‌ পূঅগুনো ইদু, অত্তাৎ ধর্মগুরুগুনোর্ যে কনঅ ইদু নেযা পুরিবো।

লেবীয় 13:46

তার্‌ কিয়্যেত্‌ যেদকদিন সেই মান্‌জ্য ইদু সাজুরেদে রোগ্‌কান্‌ থেবঅ সেদকদিন তে ফিবলা থেবঅ। তাত্তুন ঘরর্ বারেদি গায় গায় থাহ্ পড়িবো।

লেবীয় 14:48

“মাত্তর্‌ সে ঘরান্‌ লিবি দেনার্‌ পরেদি ধর্মগুরুবো সিয়েন্‌ চাগি চেবাত্তে এইনে যুনি দেগেদে ফারাঙিগান ছিদিনে ন-পড়ে সালে ঘরান তে সুদ্ধো-সাংগ বিলি ফগদাঙ্‌ গুরিবো, কিত্তে সে ঘরান্‌ আর ফারাঙি-ধোজ্যে অবস্থায়্‌ নেই।

মথি লেখ্যে গম্ হবর্ 10:8

ইয়েন বাদেয়ো অসুখ্যেগুনোরে গম্ গরঅ, মরাগুনোরে জিংকানি দুয়ো, ফারাঙি বলাগুনোরে গম্ গরঅ আর ভান্ন্যেই আত্মাগানিরে ধাবেই দুয়ো। তুমি মাগানা পেইয়ো, মাগানা দুয়ো।

মথি লেখ্যে গম্ হবর্ 11:5

তারে জানঅ, কান্ মানুচ্চুনে দেগদন্, আঢুরুনে আঢদন্, ফারাঙিবলাগুনে সিজি অদন্, বহ্‌রা মানুচ্চুনে শুনোদন্, মরা মানুচ্চুনে জেঁই উদোদন্ আর নাঢা মানুচ্চুনো ইধু গম্ হবর্ প্রচার গরা অর্।

লূকে লেখ্যে গম্ হবর্ 4:27

ভাববাদী ইলীশায়র সময়োত্ ইস্রায়েল দেজত্ ভালোক্কুন্ ফারাঙি রুগি এলাক্, মাত্তর্ তারাত্তুন্ কনজনে গম্ ন-অন্, বানা সিরিয়া দেজর্ নামানরে গম্ গরা ওইয়্যে।”

লূকে লেখ্যে গম্ হবর্ 7:22

ইয়েনি বেক্কানি গুরিবার্ পরেদি যীশু যোহন শিচ্চ্যগুনোরে জোব্ দিলো, “তুমি যিয়েন্ দেগিলে আর শুনিলে সিয়েন্ যেইনে যোহনরে কঅ। তারে কঅ, কান্ মানুচ্চুনে দেগদন্, আঢুরুনে আঢদন্, ফারাঙিবলাগুনে সিজি অদন্, বহ্‌রা মানুচ্চুনে শুনোদন্, মরা মানুচ্চুনে জেই উদোদন্ আর নাঢা মানুচ্চুনো ইধু গম্ হবর্ ফগদাং গরা অর্।