লেবীয় 14:14 - Chakma Bible

¹⁴ যে মানুচ্চোরে সুদ্ধো-সাংগ গরা অবঅ ধর্মগুরুবো দুষ-উৎসর্বর য়েমানত্তুন্‌ কিজু লো লোইনে তার্‌ ডেন্‌-কান পাদাত্‌ আর ডেন্‌ আঢ আর ডেন্‌ টেঙর্‌ বুড়ো আঙুলোত্‌ লিবি দিবো।

লেবীয় 14:14 Iomraidhean Croise

যাত্রা 29:20

পরেদি ভেড়াছাগল্লো কাবিনে সিবের্‌ কিজু লো নেযেইনে হারোণ আর তার্‌ পূঅগুনোর্‌ ডেন্‌ কানঅ পাদাত্‌ আর ডেন্‌ আত্‌ আর টেঙর্‌ বুজ্যে আঙুলোত্ লিবি দিবে। ইয়েন্‌বাদে আরঅ‌ কিজু লো নেযেইনে ডালিপূজোবোর্‌ চেরোকিত্তে ছিদি দিবে।

যিশাইয় 1:5

তুমি আর কিত্তে মার্ হেবা? কিত্তে উল্লোমী গুরিবা? তমা মাঢাবোত্ আগাত্ লাক্ক্যে, গদা মনান্ অসুগ্ ওইয়্যে।

লেবীয় 14:19

যে মানুচ্চোরে ফি-বলা অবস্থাত্তুন্‌ সুদ্ধো-সাংগ গরা অবঅ ধর্মগুরুবো পাপ-উৎসর্বর য়েমান্নো উৎসর্ব গুরিনে তার্‌ ফি-বলাগান্‌ ঢাগি দিবো। পরেদি তে পুজ্যে-উৎসর্বর য়েমান্নো কাবিনে শোজ্য-উৎসর্বর্‌ জিনিস্‌চান সমারে সিয়েন পূজোবো উগুরে উৎসর্ব গুরিনে তার্‌ ফি-বলাগান্‌ ঢাগি দিবার্‌ বেবস্থা গুরিবো, আর সেক্কে তে সুদ্ধো-সাংগ অবঅ।

লেবীয় 14:25

সেই উৎসর্বত্তে কাবি নেযেয়ে ভেড়াছাগল্লোর্‌ কিজু লো নেযেইনে ধর্মগুরুবো মানুচ্চোর্‌ ডেন্‌ কান পাদাত্‌ আর ডেন্‌ আঢর্ আর ডেন্‌ টেঙর্‌ বুজ্যে আঙুলোত্‌ লিবি দিবো।

রোমীয় 12:1

সালে ভেইলগ্, গোজেনর্ এ বেক্‌ দোয়্যের্ কারনে মুই তমারে বিশেষ গুরিনে কোজোলি গরঙর্, তুমি তমার্ কিয়্যেগানরে জেদা, পবিত্র আর গোজেনর্ মানি লোইয়্যে উৎসর্ব ইজেবে গোজেন আঢত্ তুলি দুয়ো। সিয়েনই অবঅ তমার্ যগাজ্যে সেবা।

রোমীয় 6:13

কিয়্যেগানর্ কনঅ জিনিজোরে অন্যেয় কাম্ গুরিবার্ আত্যের্ ইজেবে পাপ আঢত্ তুলি ন-দুয়ো। মরণত্তুন্ জেদা ওইয়্যে মানুচ্ ইজেবে তুমি বরং গোজেন আঢত্ নিজোরে তুলি দুয়ো আর গম্ কাম্ গুরিবার আত্যের্ ইজেবে তমা পুরো কিয়্যেগানরে গোজেনরে দি দুয়ো।

রোমীয় 6:19

মান্‌জ্যর্ দুর্বলতার্ কারনে মুই কধানি মান্‌জ্যে যেবাবোত্যেগুরি বুঝিবাক্ সেবাবোত্যেগুরি কঙর্। আগে তুমি যেবাবোত্যে আরঅ বেশ্ গুরিনে অন্যেয় কাম্ গুরিবাত্তে নিজো কিয়্যেগানরে অপবিত্র আহ্ অন্যেয়র্ চাগর্ বানেয়ো, ঠিগ্ সেবাবোত্যেগুরি ইক্কিনে পবিত্রতালোই ভর্ পুনোং অবাত্তে তমা কিয়্যেগানরে ন্যায় কামর্ চাগর্ বানঅ।

১ করিন্হীয় 6:20

বোউত্ দাম্ দিইনে তমারে কিনে ওইয়্যে। সেনত্তে গোজেনর্ বাঈনীত্তে তমা কিয়্যেগানি বেবহার গরঅ।

২ করিন্হীয় 7:1

কোচ্‌পেইয়্যে সমাজ্যেগুন, আমাত্যে এ বেক্‌ এগেমানি গরা আঘে বিলিনে এজঅ, আমি কিয়্যে আর মনর্ বেক্‌ অসিজিয়ানিত্তুন্ নিজোরে সিজি গুরিই আর গোজেন উগুরে ভক্তিগুরি দোরেইনে পুরোপুরি পবিত্রতার্ পধেদি উজেই যেই।

দ্বি’লম্বর বিররণ 24:8

চামঅ পিড়ে দেগা দিলে তমাত্তুন্‌ উজিয়ার্‌ উয়া পুরিবো আর লেবীয় ধর্মগুরুগুনে যে উগুম দিবাক সিয়েনি দোলেডালে পালন গরা পুরিবো। মুই তারারে যে উগুম দুয়োং তমাত্তুন্‌ উজিয়ার্‌ ওইনে সেধোক্ক্যেনগুরি চলা পুরিবো।

ফিলিপীয় 1:20

মর্ থির্ বিশ্বেজ্ আঘেদে, মুই কনঅ কিজুত্ লাজ্ ন-পেম বরং মত্তুন্ যদেষ্ট সাহচ্‌ থেবঅ, যেনে আগে যেধোক্ক্যেন মর্ মাধ্যমে খ্রীষ্টর্ বাঈনী ফগদাং অদঅ সেধোক্ক্যেন ইক্কিনিয়ো অবঅ-সিয়েন মুই বাজং কি মরং;