লেবীয় 13:47 - Chakma Bible

^47-48 যুনি কনঅ কাবড়র্‌ কনঅ জাগাত্‌ ক্ষয়-গোজ্যে ফারাঙি রুগে ধরে-সিয়েন্‌ কেজর্‌ বা মসীনা কাবড় উগুরে ওক অথবা বুনিবার্‌ আগে কেজর্‌ বা মসীনা সুদোর টানা বা পোড়ান উগুরে ওক অথবা চামাড়া বা চামাড়ার্‌ জিনিজো উগুরে ওক-

লেবীয় 13:47 Iomraidhean Croise

যিশাইয় 59:6

তারার মাগড়গ জালত্ কাবড় ন-অয়; তারা যিয়েনি উরোন্ সিয়েনিলোই নিজোরে নাঢি ন-পারন্। তারার বেক্ কামানি ভান্ন্যেই, তারা আঢত্ আগেদে ক্ষতি গুরিবার কামানি।

যিশাইয় 64:6

আমি বেক্কুনে অসিজি মান্‌‌জ্য ধোক্ক্যেন ওইয়্যেই আর আমা বেক্ গম্ কামানি কজরা কাবড় ধোক্ক্যেন। আমি বেক্কুনে পাদা ধোক্ক্যেন শুগেই যেইয়্যেই, আমা পাপ‌্পানিয়ে বোইয়্যের ধোক্ক্যেন গুরি আমারে উড়েই নেযেয়্যে।‌

যিহিষ্কেল 16:16

তর্ কনঅ কনঅ কাবড়্‌লোই তুই পূজোর্ অজল্ জাগায়ান সাজেইনে সিয়েনত্ তর্ বেশ্যের্ কাম চালেয়োচ্। সেবাবোত্যে কাম গরানা তর্ কনদিন্‌অ উজিত্ ন-এলঅ।

লেবীয় 13:46

তার্‌ কিয়্যেত্‌ যেদকদিন সেই মান্‌জ্য ইদু সাজুরেদে রোগ্‌কান্‌ থেবঅ সেদকদিন তে ফিবলা থেবঅ। তাত্তুন ঘরর্ বারেদি গায় গায় থাহ্ পড়িবো।

লেবীয় 13:59

এই সুদোম মজিম ফারাঙি-ধোজ্যে কেজর্‌ বা মসীনা কাবড়র্‌, টানা বা পোড়েনর্‌ কনঅ সুদো কিম্বা চামাড়ার্‌ কনঅ জিনিস শুদ্ধো-সাংগ বা ফিবলা বিলি ফগদাঙ্‌ গরা পুরিবো।

রোমীয় 13:12

রেত্ প্রায় থুম্, বেইন্ন্যে পহ্‌র ওই এজের্; সেনত্তে এজঅ, আমি আন্ধার কামানি বাদ্ দিইনে পহ্‌রর্ অাত্যেরানি তুলি লোই।

ইফিষীয় 4:22

তুমি এ শিক্ষ্যেগান পেয়োদে যে, তমা পুরোণি জিংকানির পুরোণি “মুই” পুরোণ্ কাবড় ধোক্ক্যেন বাদ দিয়্যে পরিবো, কিয়া ছলনার কামনালোই সেই পুরোণি “মুই” বর্‌‌বাদ ওই যার্।

কলসীয় 3:3

তুমি দঅ মুরি যেয়ো আর তমার্ জিংকানিগানি খ্রীষ্ট সমারে গোজেন ইধু লুগেয়্যে আঘে।

যিহূদা 1:23

আগুনোত্তুন্ তুলি আনিনে অন্যগুনোরে রোক্ষ্যে গরঅ। পাপ-খাচ্চ্যদ্‌‌‌‌তোই যিগুনোর্ জিংকানিগানি কাজর্ ওইয়্যে তারার্ কাবড়ানিয়ো ঈচ্ গরঅ আর নিজোরে উজিয়ারে থোইনে তারারে দোয়্যে গরঅ।