লেবীয় 13:3 - Chakma Bible

³ ধর্মগুরুবো তার্‌ চামাড়াগানর্‌ সেই জাগায়ান্‌ চেবঅ। সেই জাগায়ানর্‌ কেশ্‌চান্‌ যুনি ধুব্‌ ওই থায়্‌ আর রুগ্‌কান্‌ চামাড়া বাদে আরঅ‌ ভিদিরে যেই থায়্‌ বিলি মনে গরঅ সালে বুঝা পুুরিবো সিয়েন্‌ এক্কান বজং চামাড়ারুগ্‌। ধর্মগুরুবো তারে চেবার পরেদি ফিবলা বিলি ফগদাঙ্‌ গুরিবো।

লেবীয় 13:3 Iomraidhean Croise

যিহিষ্কেল 16:30

“‘মুই প্রভু লগেপ্রভু কঙর্, তুই কদক্ মন-মরা, কিত্তে তুই বেগেয়্যে বেশ্যে ধোক্ক্যেন্ এ কামানি গোজ্যস্।

যিহিষ্কেল 44:23

মঅ নাঙে যিয়েনি যুদো গরা ওইয়্যে আর যিয়েনি যুদো গরা ন-অয় সিয়েনি ভিদিরে ফারগ্‌‌কান কি সিয়েনি তারা মঅ মানুচ্চুনোরে শিক্ষ্যে দিবাক্ আর কুবোন্ সিজি আর কুবোন্ অসিজি সিয়েনি তারারে দেগেই দিবে।

হোশেয় 7:9

বিদেশীগুনে তা বলানরে বল্‌‌‌‌‌‌‌‌পোজ্যে গুরি দুয়োন, মাত্তর্ তে সিয়েন বুঝি ন-পারের্। তা মাঢাত্ চুলানি ইন্দি-উন্দি পাক্যে, মাত্তর্ তে সিয়েনি খিয়েল্ ন-গরের্।

লেবীয় 10:10

কুবোন্‌ পবিত্র আর কুবোন পবিত্র নয় আর কুবোন্‌ শুদ্ধো-সাংগ আর কুবোন্‌ ফিবলা সিয়েনি বুঝিনে তমাত্তুন্‌ চলা পুরিবো।

লেবীয় 13:2

যুনি কনজনর্‌ কিয়্যের্ চামাড়াত্‌ কনঅ জাগাত্ ফুলি উদে বা ফজা দেগা যায় বা কয়েক্কান্‌ জাগাত্‌ জোল্‌-জোল্যে বিলি মনে অয় যিয়েন পরেদি কনঅ বজং চামাড়ারুগ্‌ ওই পারে, সালে তাত্তুন ধর্মগুরু হারোণ অথবা তার্‌ পূঅগুনো ইদু, অত্তাৎ ধর্মগুরুগুনোর্ যে কনঅ ইদু নেযা পুরিবো।

লেবীয় 13:20

ধর্মগুরুবো তারে চেবঅ। যুনি সিবে চামাড়া ছিদিনে গভীনোত্ চমোগোই‌ আর সে জাগানর্‌ কেশ্‌চান ধুব্‌ ওই থায়্‌ সালে ধর্মগুরুবো তারে ফিবলা বিলি ফগদাঙ্‌ গুরিবো, কিত্তে সিয়েন্‌ ফোড়া জাগানত্তুন্‌ নিগিল্যে বজং চামাড়ারুগ্।

লেবীয় 13:4

মাত্তর্‌ তার চামাড়ায়ানর্‌ সেই জোল্-জোল্যে জাগায়ান্‌ যুনি ধুব্‌ অয় মাত্তর্ চামাড়াগান ইন্দি গভীনোত্ ন-যেই থায়্‌ আর সেই জাগায়ানর্‌ কেশ্‌চান্‌ যুনি ধুব্‌ ন-ওই থায়্‌, সালে ধর্মগুরুবো সেই মানুচ্চোরে সাত দিন সং অন্য মানুচ্চুনোত্তুন্‌ দূরোত্‌ ফারগ্‌গুরি রাগেব।

লেবীয় 13:8

সেক্কে ধর্মগুরুবো তারে আরঅ চেবঅ। যুনি এ ভিদিরে হামাক্কায়্‌ সিবে চামাড়া উগুরে ছিদি পুড়ি থায়্‌ সালে তে তারে ফিবলা বিলি ফগদাঙ্‌ গুরিবো, কিত্তে সিয়েন এক্কান্‌ বজং চামাড়ারুগ্।

লেবীয় 14:37

দেবাল ফারাঙি চাগি চেবার সময় যুনি দেগা যায় জাগাগান্‌ দেবালত্তুন্‌ তলে ওই যেইয়্যে আর ফারাঙির্‌ রংয়ান্‌ য়েল্‌ বা রাঙা আর সিয়েন্‌ যুনি আরঅ‌ মুদোত্‌ যেয়েগোই বিলি তার্‌ মনে অয়,

লেবীয় 14:54

কনঅ ফারাঙি, কাচ্ছোনি, কাবড় বা ঘরর্‌ ক্ষয়-গোজ্যে সাজুরেদে ফারাঙি, কিয়্যের্‌ চামাড়াত্‌ কনঅ ফুলি উঠ্যে জাগাত্‌, ফেস্‌ফেস্যে কিম্বা জ্বোল্-জ্বোল্যে কনঅ জাগা পৌইদ্যেনে ইয়েন্‌ অলঅ সুদোম।

লেবীয় 5:3

যিয়েন্‌ মান্‌জ্যরে ফিবলা গুরিনে মান্‌জ্যর্‌ কিয়্যের এমন্‌ ফিবলা কনঅ কিজু যুনি কনজনে হবর্‌ ন পেইনে ধরন্‌ ছালে সিয়েন্‌ জানিবার্‌ পরেদি তে দুষি অবঅ।

হগয় 2:11

“মুই বেগত্তুন খেমতাবলা লগেপ্রভু কঙর্, রীদি-সুদোম পৌইদ্যেনে তুই ধর্মগুরুগুনোরে এ কধাগান পুযোর্ গর্,

মালাখি 2:7

আজলে গোজেন আওজ পৌইদ্যেনে শিক্ষ্যে দেনা ধর্মগুরুগুনোর উচিত্ যেনে সেই শিক্ষ্যেগান আযি ন-যায়। ইয়েনি বাদেয়ো গোজেন কধানি জানিবাত্তে ধর্মগুরুগুনো ইধু মানুচ্চুনোর্ যানা উচিত, কিত্যে তারা বেগত্তুন্ খেমতাবলা লগেপ্রভুর হবর্ হোইয়্যে।

মথি লেখ্যে গম্ হবর্ 16:19

মুই তরে স্বর্গ-রেজ্যর্ চাবিগানি দিম্, আর তুই এ পিত্‌থিমীত্ যিয়েনি থুবেবা সিয়েনি স্বর্গত্অ বানি থুয়ো অবঅ আর যিয়েনি খুলিবে সিয়েনি স্বর্গত্অ খুলি দিয়্যে অবঅ।”

যোহন 20:23

তুমি যুনি কার পাপ খেমা গরঅ সালে তা পাপ্পান্ খেমা গরা অবঅ, আর যুনি কার পাপ খেমা ন-গরঅ সালে তা পাপ্পান্ খেমা গরা ন-অবঅ।”

প্রেরিত্‌ 20:28

তুমি নিজো পৌইদ্যেনে উজিয়ার্ থাগঅ, আর পবিত্র আত্মা যে বিশ্বেজি দলর্ ভারান্ পরিচালগ্ ইজেবে তমা উগুরে দিয়্যে তারা পৌইদ্যেনেয়ো উজিয়ার্ থাগঅ। গরগ্‌কো যেবাবোত্যেগুরি তা ভেড়া পালুনোরে দেগাশুনো গরে ঠিগ্ সেবাবোত্যেগুরি তুমিয়ো গরগ্ ইজেবে গোজেন মন্ডলীর্ দেগাশুনো গরঅ। গোজেনে সেই মন্ডলীবোরে নিজো লো-গান্দোই কিন্যে।

রোমীয় 7:7

সালে কি আমি কবং যে, রীদি-সুদোম বজং? খামাক্কায় নয়; বরং এ কধাগান্ ঠিগ্ যে, রীদি-সুদোম ন-থেলে পাপ্‌পান্ কি সিয়েন মুই হবর্ ন-পেদুং। “লুভ্ ন-গোজ্জ্য,” রীতি-সুদোমে যুনি এ কধাগান্ ন-কদঅ সালে লুভ্ কি সিয়েন্ মুই কোই ন-পাত্তুং।

১ তীমথিয় 1:20

সেই মানুচ্চুনো ভিদিরে আঘন্ হুমিনায় আর আলেক্‌সান্দর। সেনত্যে মুই শদানর্ আঢত্ তারারে ইরি দুয়োং, যেন তারা এ শিক্ষ্যেগান পান, গোজেনরে অগমান্ গুরিবাত্যে নেই।

২ তীমথিয় 3:13

মাত্তর্ পাজি মানুচ্চুনে আর ফক্করুনে দিন দিন আরঅ বজং অবাক্। তারা অন্যগুনোরে ভুল্ পধেদি নেযেবাক্ আর নিজেয়ো ভুল্ পধেদি চলিবাক্।

ইব্রীয় 13:7

যিগুনে তমা ইধু গোজেনর্ কধা কদাক্ তমার্ সেই নেতাগুনোর্ কধা ইদোত্ রাগেয়ো। তারার্ জিংকানির থুমোর্ কধাগান গমেডালে চিন্তে গোজ্জ্য আর তারা ধোক্ক্যেন গুরি তুমিয়ো বিশ্বেজ্ গোজ্জ্য।

ফগদাং পেইয়্যে 2:23

তার্ পুয়ো-ছাগুনোরেয়ো মুই মারে ফেলেম। সেক্কে বেক্‌ মন্ডলীগুনে কোই পারিবাক্ যে, মুই মান্‌জ্যর্ মন ভিদিরেগান আর মনান্ তোগেই চাং। মুই কাম মজিম তমারে পত্তিজনরে ফল দিম।