লেবীয় 13:2 - Chakma Bible

² যুনি কনজনর্‌ কিয়্যের্ চামাড়াত্‌ কনঅ জাগাত্ ফুলি উদে বা ফজা দেগা যায় বা কয়েক্কান্‌ জাগাত্‌ জোল্‌-জোল্যে বিলি মনে অয় যিয়েন পরেদি কনঅ বজং চামাড়ারুগ্‌ ওই পারে, সালে তাত্তুন ধর্মগুরু হারোণ অথবা তার্‌ পূঅগুনো ইদু, অত্তাৎ ধর্মগুরুগুনোর্ যে কনঅ ইদু নেযা পুরিবো।

লেবীয় 13:2 Iomraidhean Croise

২ রাজাবলী 5:1

নামানে এলদে অরামর রাজার সৈন্যদলর সেনাপতি। তা গিরোজ্‌সোর্‌ চোগোত্‌ তে এলদে এক্কো দাঙর্‌ আর সর্মানিত মানুচ্‌, কিত্তে তারে দিইনে লগেপ্রভু অরামরে জিদেই দিয়্যে। তে এলদে এক্কো বীর যোদ্ধা, মাত্তর্‌ তা কিয়্যেত্‌ এলদে ফারাঙিরুগ্‌।

২ রাজাবলী 5:27

সেনত্তে নামানর্‌ ফারাঙিগান্‌ তর্‌ আর তর্‌ বংশধরুনোর্‌ ভিদিরে জিংকানিবর্‌ লাগি থেবঅ।” সেক্কে গেহসি ইলীশায়র মুজুঙেত্তুন্‌ আদি গেলঅ আর তা কিয়্যেগান্‌ ফারাঙিয়্যে দুব্‌ ওই গেলঅ।

যিশাইয় 1:6

টেঙ তলাত্তুন্ ধুরি মাঢাবো তাল্লোগান সং কনজাগাত্ গম্ অবস্থা নেই, আগেদে বানা আঘাত, মার্ হেইয়্যে দাগ্ আর লগেলগ্ ঘা। সিয়েনি সাব্ গরানা বা বানি দিয়্যে ন-অয়, তেল্লোই পিড়ে কমায়ো ন-অয়।

যিশাইয় 3:17

সেনত্তে লগেপ্রভু সিয়োনর মিলেগুনো মাঢাত্ ঘা গুরি দিবো আর সিয়েনত্ টাক্ পুরিবো।”

লেবীয় 13:1

ইয়েন পরেদি লগেপ্রভু মোশি আর হারোণরে কলঅ,

লেবীয় 13:3

ধর্মগুরুবো তার্‌ চামাড়াগানর্‌ সেই জাগায়ান্‌ চেবঅ। সেই জাগায়ানর্‌ কেশ্‌চান্‌ যুনি ধুব্‌ ওই থায়্‌ আর রুগ্‌কান্‌ চামাড়া বাদে আরঅ‌ ভিদিরে যেই থায়্‌ বিলি মনে গরঅ সালে বুঝা পুুরিবো সিয়েন্‌ এক্কান বজং চামাড়ারুগ্‌। ধর্মগুরুবো তারে চেবার পরেদি ফিবলা বিলি ফগদাঙ্‌ গুরিবো।

লেবীয় 13:8

সেক্কে ধর্মগুরুবো তারে আরঅ চেবঅ। যুনি এ ভিদিরে হামাক্কায়্‌ সিবে চামাড়া উগুরে ছিদি পুড়ি থায়্‌ সালে তে তারে ফিবলা বিলি ফগদাঙ্‌ গুরিবো, কিত্তে সিয়েন এক্কান্‌ বজং চামাড়ারুগ্।

লেবীয় 14:3

ধর্মগুরুবো ঘরর্‌ বারেদি যেইনে তারে চাগি চেবঅ। যুনি দেগা যায় সে চামাড়া রুগোত্তুন্‌ মানুচ্চো গম্‌ ওইয়্যে,

লেবীয় 14:35

সেক্কে ঘরর্‌ গিরোজ্‌সো ধর্মগুরুবো ইদু যেইনে কবদে, মর্‌ ঘরত্‌ ফারাঙি ধোক্ক্যেন কি এক্কান্‌ দেগঙর্‌।

মালাখি 2:7

আজলে গোজেন আওজ পৌইদ্যেনে শিক্ষ্যে দেনা ধর্মগুরুগুনোর উচিত্ যেনে সেই শিক্ষ্যেগান আযি ন-যায়। ইয়েনি বাদেয়ো গোজেন কধানি জানিবাত্তে ধর্মগুরুগুনো ইধু মানুচ্চুনোর্ যানা উচিত, কিত্যে তারা বেগত্তুন্ খেমতাবলা লগেপ্রভুর হবর্ হোইয়্যে।

গণাণা 12:10

সেই মেঘকান্‌ যেক্কে মিলন-তাম্বুলান ছাড়িনে উগুরে উদি গেলঅ সেক্কে দেগা গেল, মরিয়মর্‌ কিয়্যেগান্‌ ভান্ন্যেই চামারা রুগে বরফ ধোক্ক্যেন ধুব্‌ ওই যেইয়্যে। হারোণে মরিয়ম ইন্দি ফিরি চেলে তা কিয়্যেত্‌ চামাড়া রুগ্‌কান ন্‌ দেগিলো।

গণাণা 12:12

যে চিঝিবো মরা অবস্থায়্‌ অদ্দেক্‌ নেইয়্যে কিয়্যেলোই জোর্মেয়ে মরিয়মরে তুই সেধোক্ক্যেন থেবাত্তে ন-দিচ্‌।”

মথি লেখ্যে গম্ হবর্ 8:4

যীশু তারে কলঅ, “শুন, কাররে এ কধাগান ন-কোচ্, বরং ধর্মগুরুগুনো ইধু যেইনে নিজোরে দেগা, আর মোশি যিয়েন্ উগুম গোজ্যে সেবাবোত্যে দান উৎসর্ব গর্। ইয়েন্দোই মানুচ্চুনো ইধু প্রমাণ অবঅ তুই গম্ ওইয়োচ্।”

মার্ক 1:44

“চেইজ্, এ কধাগান কাররে ন-কোজ্। তুই বরং ধর্মগুরুগুনো ইধু যেইনে নিজোরে দেগাগোই আর সিজি অবাত্যে মোশি যে উৎসর্বর উগুমানি দিয়্যে সিয়েনি উৎসর্ব গর্। ইয়েনিলোই ধর্মগুরুগুনো ইধু প্রমাণ অবঅ যে, তুই গম্ ওইয়োচ্।”

লূকে লেখ্যে গম্ হবর্ 17:14

সেই পীড়েল্যেগুনোরে দেগিনে যীশু কলঅ, “ধর্মগুরুগুনো ইধু যেইনে নিজোরে দেগা।” তারা পধেদি যাদে যাদে গম্ ওই গেলাক্।

লূকে লেখ্যে গম্ হবর্ 5:14

যীশু তারে এ উগুমান্ দিলো, “এ কধাগান্ কাররে ন-কোচ্ বরং ধর্মগুরুগুনো ইদু যেইনে নিজোরে দেগা। সে পরেদি সিজি অনা পৌইদ্যেনে মোশি যিয়েনি উৎসর্ব গুরিবার্ উগুম্ দিয়্যে সিয়েনি উগুম্ গর্। সেক্কে মানুচ্চুনো ইদু প্রমাণ অবদে তুই গম্ ওই যেইয়োচ্।”

দ্বি’লম্বর বিররণ 24:8

চামঅ পিড়ে দেগা দিলে তমাত্তুন্‌ উজিয়ার্‌ উয়া পুরিবো আর লেবীয় ধর্মগুরুগুনে যে উগুম দিবাক সিয়েনি দোলেডালে পালন গরা পুরিবো। মুই তারারে যে উগুম দুয়োং তমাত্তুন্‌ উজিয়ার্‌ ওইনে সেধোক্ক্যেনগুরি চলা পুরিবো।

দ্বি’লম্বর বিররণ 28:27

লগেপ্রভু মিসরীয়গুনোরে সেই ফোড়া, আবাং, কাচ্‌ছোনি আর খস্‌ পিড়েলোই তমারে দুখ্‌ দিবো যিয়েনত্তুন কনজনে তমারে গম্‌ গুরি ন-পারিবো।