লেবীয় 11:47 - Chakma Bible

⁴⁷ কুবো শুদ্ধো-সাংগ আর কুবো ফিবলা, কন্‌ এ্যামানর্‌ য়েরা তুমি হেই পারিবা আর কন্‌ য়েমানর্‌ য়েরা তুমি হেই ন-পারিবা সিয়েনি বুঝিনে তমাত্তুন্‌ আঢা পুরিবো।”

লেবীয় 11:47 Iomraidhean Croise

পত্থম 7:2

তুই গম্‌ য়েমানুনোর পত্তি জাদ ভিদিরেত্তুন্‌ ফাদি-চেলা মিজেইনে সাত জোড়া গুরি তঅ সমারে নেযেবে, আর অসিজি য়েমান ভিদিরেত্তুনঅ মিলে-মরদ মিজেইনে এক জোড়া গুরি নেযেবে।

যিহিষ্কেল 22:26

তার ধর্মগুরুগুনে মর্ রীদি-সুদোম বিরুদ্ধে কাম্ গরন আর মর্ সুদ্ধো-সাংগ জিনিস্‌চানি অসিজি গরন। যিয়েনি সিজি আর যিয়েনি সিজি নয় তারা সিয়েনি এক গুরি ফেলান্; তারা সিজি আর অসিজি ভিদিরে যে ফারক্কান্ আঘে সে পৌইদ্যেনে শিক্ষ্যে ন-দুয়োন্ আর মর্ জিরেবার দিনুন পালানা পৌইদ্যেনে চোগ্‌‌‌‌‌‌‌‌‌‌‌কুন নাঢি রাগান্। ইয়েনত্ তারা ভিদিরে মঅ নাঙানর্ পবিত্রতাগান বর্‌‌‌‌‌‌‌‌‌‌‌‌বাত্ অর্।

যিহিষ্কেল 44:23

মঅ নাঙে যিয়েনি যুদো গরা ওইয়্যে আর যিয়েনি যুদো গরা ন-অয় সিয়েনি ভিদিরে ফারগ্‌‌কান কি সিয়েনি তারা মঅ মানুচ্চুনোরে শিক্ষ্যে দিবাক্ আর কুবোন্ সিজি আর কুবোন্ অসিজি সিয়েনি তারারে দেগেই দিবে।

দানিয়েল 1:8

মাত্তর্ দানিয়েলে মনে মনে ঠিগ্ গুরিলো, তে রাজার হানা আর আংগুর-রস দিইনে নিজোরে অসিজি ন-গুরিবো। এবাবোত্যেগুরি যেনে নিজোরে অসিজি গরা ন-পড়ে সেনত্তে তে রাজার কামগুরিয়্যে আজল্লো ইধু অনুমতি চেলঅ।

লেবীয় 10:10

কুবোন্‌ পবিত্র আর কুবোন পবিত্র নয় আর কুবোন্‌ শুদ্ধো-সাংগ আর কুবোন্‌ ফিবলা সিয়েনি বুঝিনে তমাত্তুন্‌ চলা পুরিবো।

লেবীয় 11:46

“য়েমান, পেখ্‌ আর পানি ভিদিরে প্রাণী আর মাদি উগুরে ঘুরি বেড়েয়্যে বেক্‌ চিগোন-চাগন্‌ পরাণবলাগুনো পৌইদ্যেনে ইয়েন্‌ অলঅ মর্‌ আইন।

লেবীয় 12:1

সে পরেদি লগেপ্রভু মোশিরে কলঅ,

মালাখি 3:18

সেক্কে তুমি গম্ আর ভান্ন্যেয় ভিদিরে, অত্তাৎ যে মরে সেবা গরে আর যে ন-গরে তারা ভিদিরে মুই কিবাবোত্যেগুরি ফারগ্ গরং সিয়েন দেগিবা।”