লেবীয় 11:44 - Chakma Bible

⁴⁴ মুই লগেপ্রভু তমার্‌ গোজেন। সেনত্তে তুমি মর্‌ নাঙে নিজোরে ফারক্‌ গুরি রাগেবা আর পবিত্র অবা, কিত্তে মুই পবিত্র। মাদি উগুরে ঘুরি বেড়েয়্যে চিগোন-চাগোন্‌ কনঅ প্রাণীলোই তুমি নিজোরে ফিবলা ন-অবা,

লেবীয় 11:44 Iomraidhean Croise

গীতসংহিতা 99:5

আমা গোজেন লগেপ্রভুর বাঈনী গর; তা টেঙ্ থইদ্যে মুজুঙোত্ মাদা নিগিরিনে তারে জু জু জান; তে পবিত্র।

গীতসংহিতা 99:9

সেনত্তে আমা গোজেন লগেপ্রভুর বাঈনী গরঅ; তা পবিত্র মুড়োবোর মুজুঙোত্ তারে শ্রদ্ধা জানঅ, কিত্তে আমা গোজেন লগেপ্রভু পবিত্র।

যাত্রা 16:12

“ইস্রায়েলীয়গুনে মর্‌ বিরুদ্ধে যেদক্কানি কধা কদন্‌ সিয়েনি মুই শুন্যং। তারারে এই কধাগান্‌ কোই‌ দুয়ো, তারা সাজোন্যা অক্তত্‌ য়েরা হেবাক্‌ আর বেন্যে মাদান হেবাক্‌ পেট ভরন্‌ পিদে। সেক্কে তারা জানি পারিবাক্‌, মুই লগেপ্রভু তারার্‌ গোজেন।”

যাত্রা 19:10

লগেপ্রভু মোশিরে আরঅ‌ কলঅ, “এচ্চ্যে আর কেল্যে এই দ্বিদিন্‌ তুই মানুচ্চুনো ইদু যেইনে তারারে সিজি গুরিবে। তারা যেনে তারার্‌ কাবড়্‌-চুগোরানি ধোই ফেলান্‌ আর তিন্‌ দিনোত্‌ যুক্কুলেই থান্‌, কিত্তে এই তিন্‌ দিনোত্‌ মুই লগেপ্রভু বেক্‌ মানুচ্চুনোর্‌ চোগো মুজুঙোত্‌ সিনাই মুড়োবো উগুরে লামি এই‌ম।

যাত্রা 19:6

মর্‌ এই মানুচ্চুন্দোই বানা পুড়িবোদে মর্‌ ধর্মগুরুগুনোর্‌ রেজ্য আর এ জাদ্‌‌তোই অবঅ মর্‌ নাঙে ফারক্‌ গোজ্যে জাদ্। এই কধানি তুই ইস্রায়েলীয়গুনোরে জানেই দিচ্‌।”

যাত্রা 20:2

ও ইস্রায়েলীয়গুন্‌, মুই লগেপ্রভু তমার্ গোজেন। মিসর্‌ দেজর্‌ চাগর্‌ খাদানাত্তুন্‌ মুয়ই তমারে নিগিলেই আন্যং।

যাত্রা 22:30

তমার গোরু আর ভেড়াছাগলুনোর্ বেলাইয়ো সিয়েন্‌ গুরিবা। সাত দিন্‌ সং তারার ছঅ‌গুন্‌ মা-বো ইদু থেবাক্, সে পরেদি আস্‌তো দিনোত্‌ সিগুন্‌ মরে দিয়্যে পুরিবো।

যাত্রা 22:31

“তুমি অবা মর্‌ নাঙে যুদো গোজ্যে মানুচ্‌। সেনত্তেই এন্‌ কনঅ‌ য়েমানর্‌ য়েরা তুমি ন-হেবা যিবেরে কনঅ‌ ঝাড়্‌বো জানোয়ারে কট্টা কট্টা গুরি মাদঠ্‌ ফেলে রাগেয়্যে; সিয়েনি কুকুরোরে হেবাত্তে দিবা।”

যাত্রা 23:25

তুমি বানা তমার্‌ গোজেন লগেপ্রভুর, অত্তাত্‌ মরে সেবা গুরিবা। সেক্কে তমার হানা আর পানি উগুরে মর্‌ আশিদ্‌বাদ থেবঅ‌ আর মুয়ই তমার্‌ বেক্‌ অসুখ-বিসুখ্‌কানি দূর্ গুরি দিম্‌।

যাত্রা 6:7

সে পরেদি মর্‌ নিজোর্‌ মানুচ্ ইজেবে মুই তমারে মানি লোম আর তমার্‌ গোজেন ওম্‌। সেক্কে তুমি জানি পারিবাদে, মুয়ই লগেপ্রভু তমার্‌ গোজেন, আর মিসরীয়গুনোর্‌ অমকদ চাগর্ কাদানাত্তুন্ মুয়ই তমারে নিগিলেই আন্যং।

যিশাইয় 43:3

কিত্তে মুয়ই তর্ গোজেন লগেপ্রভু, তর্ উদ্ধোর গুরিয়্যে, ইস্রায়েলর সেই সুদ্ধো-সাংগ মানুচ্চো। মুই তর্ উদ্ধোরর্ মূল্য ইজেবে মিসর দেজ্‌চান দিম, আর তঅ বদলে কূশ আর সবা দেজ্‌চানরে দিম।‌

যিশাইয় 51:15

মুয়ই লগেপ্রভু, তমা গোজেন। মুই সাগরানরে লাড়িলে তার তুবোলানিয়ে গুজুরি উদে। মঅ নাঙান বেগত্তুন্ খেমতাবলা লগেপ্রভু।

লেবীয় 10:3

সেক্কে মোশি হারোণরে কলঅ, “লগেপ্রভু কোইয়্যেদে, ‘যিগুনে মইদু এজন্‌ তারা যেন মরে পবিত্র বিলিনে মানন্‌। মানুচ্চুনোর্‌ চোগোত্‌ তারা যেন মর্‌ সর্মান্‌ তুলি ধরন।’ ” হারোণে জুরো গুরি রলঅ।

লেবীয় 11:43

সিগুনোর্‌ কনবোলোই তুমি নিজোরে ঈচ্ গরে পারা ন-অবা। তুমি সিগুন্দোই নিজোরে ফিবলা ন গুরিবা অথবা সিগুনোরে তমার্‌ ফিবলা গুরিবাত্তে ন-দিবা।

লেবীয় 19:10

আংগুর ক্ষেদত্তুন্‌ আংগুর্‌ তুলোনা শেজ্‌ অলে আরঅ‌ তুমি সে ক্ষেদত্‌ আংগুর্‌ তুলিবাত্তে ন-যেবা আর পড়ি থেইয়ে আংগুরুন ন-কুড়েবা। নাদা মানুচ্‌ আর অন্য জাদর্‌ মানুচ্চুনোত্তে সিয়েনি থোই দিয়া পুরিবো। মুই লগেপ্রভু তমার গোজেন।

লেবীয় 19:3

তুমি তমার মা-বাবরে ভোক্তি গুরিবা আর মর্‌ জিরেবার্‌ দিন্নো পালন্‌ গুরিবা। মুই লগেপ্রভু তমার গোজেন।

লেবীয় 19:4

মূত্তিপূজো গরানা তমার্‌ ন-চলিবো বা নিজোর্‌ উবোসনাত্তে ছাজি ফেলেয়ে জিনিচ্ছোই কনঅ দেব-দেবেদা বানানা ন-চলিবো। মুই লগেপ্রভু তমার গোজেন।

লেবীয় 20:26

মুই লগেপ্রভু পবিত্র বিলি তমাত্তুনো পবিত্র ওয়া পুরিবো; আর মুয়ই তমারে মর্‌ নিজোর্‌ মানুচ্‌ অবাত্তে অন্য বেক্‌ জাদত্তুন্‌ ফারগ্ গুরি নেযেয়োং।

লেবীয় 20:7

তুমি মর্‌ নাঙে নিজোরে যুদো গুরি নিইনে পবিত্র ওইয়ো, কিত্যে মুই লগেপ্রভু তমার গোজেন।

লেবীয় 21:8

ও ইস্রায়েলীয়গুন্‌, তুমিয়ো ধর্মগুরুগুনোরে গোজেনর্‌‌ নাঙে যুদো গুরি রাগেয়্যে মানুচ্‌ ইজেবে চেবা, কিত্যে তারা তমার্‌ গোজেনর্‌‌ নাঙে হেবার্‌ উৎসর্ব গুরিবার্‌ কাম গরন্‌। যুদো গুরি রাগেয়্যে মানুচ্‌ বিলিই তারারে চাহ্ পুরিবো, কিত্যে মুই লগেপ্রভু নিজেই পবিত্র আর মুয়ই তমারে মর্‌ নাঙে যুদো গুরি রাগেয়োং।

আমোষ 3:3

আগেত্তুন্ ধুরি ঠিগ্ ন-গুরিলে কি দ্বিজনে এক সমারে কুদু যায়?

গণাণা 15:40

সেক্কে মর্‌ বেক্‌ উগুমানি পালেবার কধা তমাত্তুন্‌ মনত্‌ থেবঅ আর তমার গোজেনর্‌ নাঙে তুমি যুুদো গুরি থোইয়্যে মানুচ্‌ ওই যেবা।

মথি লেখ্যে গম্ হবর্ 5:48

ইয়েনত্তে কং, তমা স্বর্গর্ বাপ্পো যেবাবোত্যে খাটি তুমিয়ো সেবাবোত্যে খাটি অ।

দ্বি’লম্বর বিররণ 14:2

তুমি তমার গোজেন লগেপ্রভুর নাঙে এক্কো ফারক্‌ গোজ্যে জাদ। পিত্‌থিমীর বেক্‌ জাদ্‌তুনো ভিদিরেত্তুন্‌ লগেপ্রভু তমারে বেঈ লোইয়্যে যেনে তুমি তার নিজোর বিশেজ্ সোম্বোত্তি অ।

১ থিষলনীকীয় 4:7

কিয়া গোজেনে ফি-বলা ওইনে চলিবাত্যে আমারে ন-ডাগে, পবিত্র গুরি চলিবাত্যে ডাক্ক্যে।

যিহোশূয় 24:19

এ কধাগান শুনিনে যিহোশূয় মানুচ্চুনোরে কলদে, “মাত্তর্‌ তুমি তার সেবা গুরি ন-পারিবা, কিত্যে তে পবিত্র গোজেন, তার্‌ পাওনা ভোক্তিগান্‌ তে আর কাররে পেবাত্তে ন-দিবো। তমার উল্লোমিগানি আর তমার পাপ্পানি তে খেমা ন-গুরিবো।

১ পিতর 2:9

মাত্তর্ তুমি দঅ “বেঈ লোইয়্যে বংশ ওইয়ো; তমারে দিইনে বানা ওইয়্যেদে ধর্মগুরুগুনোর্ রেজ্যগান; তুমি গোজেনর্ নাঙে ফারগ্ গোজ্জ্যে জাদ্ আর তার্ নিজোর্ মানুচ্ ওইয়ো;” যেন আন্ধারত্তুন্ যিবে তমারে তার্ আমক্ অবার্ পহ্‌রত্ ডাগি আন্ন্যে তুমি তারে গুণগীত্ গঅ।

ফগদাং পেইয়্যে 22:11

যে জঘন্য, তে ইয়েনর্ পরেদিয়ো জঘন্য থোক্। গম্ মানুচ্ ইয়েনর্ পরেদিয়ো গম্ কাম গরানাত্ থোক্ আর যে মানুচ্চো পবিত্র, তে ইয়েনর্ পরেদিয়ো পবিত্র থোক্।”

১ শমূয়েল 2:2

লগেপ্রভু ধোক্ক্যেন পবিত্র আর কনজন নেই, কিত্যে তুই বাদে আর কনঅ গোজেন নেই; আমা গোজেন ধোক্ক্যেন ঝিরেবার-মুড়ো আর নেই।

১ শমূয়েল 6:20

তারা কলাক্, “এই পবিত্র গোজেন লগেপ্রভুর মুজুঙোত্‌ কন্না টিগিই থেই পারিবো? ইয়োত্তুন ইক্কিনে তারে কাইদু পাদা যায়?”