লেবীয় 11:42 - Chakma Bible

⁴² মাদি উগুরে ঘুরি বেড়েয়্যে চিগোন-চাগোন্‌ কনঅ প্রাণী তুমি ন-হেবা। সিগুন্‌ বেক্কুন্‌ ঘিনাইদে জিনিস-সিগুনে পেদ উগুরে ভর দিইনে আঢ্‌তোক্ আর চের্‌ টেংগোই‌ অথবা ভালক্কানি টেংগোই‌ আঢ্‌তোক্।

লেবীয় 11:42 Iomraidhean Croise

পত্থম 1:20

সে পরেদি গোজেনে কলঅ, “পানিগান্‌ নানান্‌ জেদা পরাণবলা ঝাক্কোই ভুরি উদোক্‌, আরঅ পিত্‌থিমীয়ান উগুরে আগাজ ইধু নানান্‌ পেগে উড়ি বেড়াদোক্।”

যিশাইয় 65:25

হোক্ক্যে বাঘে আর ভেড়া ছঅ এক সমারে হেবাক্, সিংহ গোরু ধোক্ক্যেন ঘাস হেবঅ আর সাপর্ হানা অবঅ ধূল্যে। সিগুনে মর্ সুদ্ধো-সাংগ মুড়োবোত্ কনঅ জাগাত্ কনঅ খেতি ন-গুরিবাক্ বা ভস্ত ন-গুরিবাক্।”

লেবীয় 11:41

যিদুক্কুন্‌ চিগোন-চাগোন্‌ প্রাণী মাদি উগুরে ঘুরি বেড়ান্‌ তমাত্তুন্‌ সিগুনোরে ঘিনাইদে জিনিস বিলি ধুরি নেযা পুরিবো। সিগুন্‌ তমার্‌ হানা ন-চুলিবো।

লেবীয় 11:43

সিগুনোর্‌ কনবোলোই তুমি নিজোরে ঈচ্ গরে পারা ন-অবা। তুমি সিগুন্দোই নিজোরে ফিবলা ন গুরিবা অথবা সিগুনোরে তমার্‌ ফিবলা গুরিবাত্তে ন-দিবা।

মীখা 7:17

তারা সাপ আর অন্য বুগেদি-আদন্দে পরাণবলাগুনো ধোক্ক্যেন ধূল্যে খাদোক্। তারা তাম্বুলানিত্তুন্ গির্‌গিরে গির্‌গিরে তমা ইধু, আমা গোজেন লগেপ্রভু ইধু নিগিলি এত্তোক্ আর তরে দরাদোক্।

মথি লেখ্যে গম্ হবর্ 23:23

ফক্কর্ ধর্ম-মাষ্টর আর ফরীশীগুন, তমাত্যে কত্তমান্ দর্‌গরেপারা! তুমি পুদিনা, মৌরি আর জিরের্ দশ ভাগর্ এক ভাগ্ গোজেনরে ঠিগ্ মজিম দি থাগঅ; মাত্তর্ ন্যায়, দোয়্যে আর বিশ্বেজ্, যিয়েনি মোশির রীতি সুদোমর্ আরঅ দরকারী বিষয় সিয়েনি তুমি বাদ্ দুয়ো। আগ ইয়েনি পালানা লগে লগে যেরেদি ইয়ানিয়ো পালানা তমার্ উচিত।

মথি লেখ্যে গম্ হবর্ 3:7

পরেদি যোহনে দেগিলো বোউত্ ফরীশী আর সদ্দূকী বাপ্তিষ্ম লবাত্তে তাইধু এত্তন্। তে তারারে কলঅ, “সাপ গুট্টিগুন! গোজেনর্ যে সাজাগান্ লামি এজের্ সিয়েনত্তুন্ ধেই যেবার্ এ বুদ্ধিগান্ তমারে কন্না দিলো?

যোহন 8:44

শদানে তমা বাপ্ আর তুমি তার্ পুয়ো-ছা; সেনত্তে তুমি তা আওজ্‌চান্ পুরেবাত্তে চঅ। শদানে পৌইল্যাত্তুন্ ধুরি খুনী। তে কনদিন্অ সত্যত্ বজত্তি ন-গরে, কিয়া তা ভিদিরে সত্য নেই। তে যেক্কে মিজে কধা কয় সেক্কে তে সিয়েন্ নিজোত্তুন্ কয়, কিয়া তে মিজে কধা মাদিয়্যে আর বেক্‌ মিজে কধার্ জর্ম তা ভিদিরেত্তুন্ ওইয়্যে।

২ করিন্হীয় 11:13

আসলে সেবাবোত্যে মানুচ্চুনে দঅ ভন্ড প্রচারক আর দগাবাজ্। নিজোরে খ্রীষ্টর্ প্রচারক বিলিনে দেগেবার আজায় তারা নিজোরে বুদুলি ফেলান্।

২ করিন্হীয় 11:3

মাত্তর্ মর্ দর্ লাগেত্যে, সেই সাপ্পো তার্ পাজি বুদ্ধি খাদেইনে যেধোক্ক্যেন্ গুরি হবারে ভুলেয়্যে সেধোক্ক্যেন গুরি খ্রীষ্ট উগুরে খাটি আর মন ভোক্তিত্তুন্ কেঅ অয়ত তমারেয়ো ভুলেইনে নেযেব।

তীত 1:12

তারার্ নিজোর এক্কো ভাববাদীয়ে এ কধাগান কোইয়্যেদে, “ক্রীট দ্বীবোর মানুচ্চুনে আজলে মিজে মাদিয়্যে, ঝার্‌বো য়েমান ধোক্ক্যেন, আল্‌সি আর পেদুক্।”