লেবীয় 10:6 - Chakma Bible

⁶ মোশি যেরেন্দি হারোণ আর তার্‌ দ্বিবে পূঅ ইলীয়াসর্‌ আর ঈথামররে কলঅ, “দুঘে তমার্ চুলানি বান্যেগান্‌ খুলি ন-দুয়ো আর কাবড় ফাদি ন-দুয়ো। সিয়েন্‌ গুরিলে তুমি মুরি যেবা আর গোদা ইস্রায়েল্‌ জাদ উগুরে লগেপ্রভু বেজার্ অবঅ। মাত্তর্‌ লগেপ্রভু যিগুনোরে আগুন্দোই মারে ফেলেয়্যে তারাত্তে তমার্ কুদুম্মোগুনে, অত্তাৎ অন্য ইস্রায়েলীয়গুনে আবিলেচ্ গুরি পারিবাক্।”

লেবীয় 10:6 Iomraidhean Croise

২ শমূয়েল 24:1

লগেপ্রভু আরঅ ইস্রায়েলীয়গুনো উগুরে রাগে জুলি উদিলো। তে দায়ূদোরে তারার বিরুদ্ধে রাগ তুলি দিইনে কলদে, “তুই যেইনে ইস্রায়েল আর যিহূদা মানুচ্চুনোরে গুণিই লঅ।”

ইষ্রা 7:5

বুক্কি অবীশূয়র পুয়ো, অবীশূয় পীনহসর পুয়ো, পীনহস ইলিয়াসরর পুয়ো আর ইলিয়াসরে এলদে আজল্ ধর্মগুরু হারোণর পুয়ো।

যাত্রা 33:5

কিত্তে লগেপ্রভু মোশিরে কোইয়্যেদে, “ইস্রায়েলীয়গুনোরে কোইদে, তারা এক্কো একবুচ্চ্যে জাদ্। সেনত্যে যুনি মুই কানক্কন্অ তারা সমারে থাং, সালে মুই‌ তারারে শেজ্ গুরি ফেলেম্‌। তারার কিয়্যেত্‌ সনা-রূবো যেদক্কানি আঘে সিয়েনি ইক্কিনে তারা খুলি ফেলাদোক্‌। সে পরেদি মুই ঠিগ্ গুরিম্‌ তারারে নিইনে মুই কি গুরিম্‌।”

যাত্রা 6:23

হারোণ পূয়োগুন অলাক্ নাদব, অবীহূ, ইলিয়াসর আর ঈথামর। হারোণ অম্মীনাদব ঝি নহশোনর বোন ইলীশেবাররে লোইয়ে আর তা পেদত্‌ ইগুনোর্‌ জর্ম ওইয়্যে।

যিরমিয় 7:29

ও যিরূশালেম, তঅ চুলান কাবিনে তুই দূরোত্ ফেলেই দে; গাজ্‌‌বাজ্ নেইয়্যে মুড়োমুড়িত্ আবিলেচ্ গরঅ, কিত্তে লগেপ্রভু তার রাগর্ তলে থেইয়্যে এ মানুচ্চুনোরে তে এলাফেলা আর বাদ দিয়্যে।

লেবীয় 13:45

এধোক্ক্যেন রোগ্‌ যার্‌ অবঅ তাত্তুন্‌ ফাদা কাবড় উরো পড়িবো। তে চুলান্ খুলি রাগেব। তাত্তুন্‌ তার্‌ মুয়োনর তলেন্দিগান্‌ ঢাগিনে কিযেক্‌ কারিনে কুয়া পুড়িবো, ফিবলা, ফিবলা।

মীখা 1:16

যে পুয়ো-ছাগুনোরে নিইনে তুমি হুজি অদা তারাত্তে আবিলেচ্ গুরিবাত্তে যেইনে তমা মাঢাগুন মুড়েই ফেলঅ; শকুনো মাঢা ধোক্ক্যেন তুমি মাঢাগুন টাক্ গুরি ফেলঅ, কিত্যে তারা বন্দী ওইনে তমাত্তুন্ দূরোত্ যেবাক্।

গণাণা 1:53

যেনে ইস্রায়েলীয়গুনো উগুরে লগেপ্রভুর সাজা লামি ন-এজে সেনত্তে সাক্ষ্য-তাম্বুলর্‌ চেরোকিত্তে লেবীয়গুনে তাম্বুল বানেইনে থাহ্‌ পুরিবো। সাক্ষ্য-তাম্বুলোর দেগাশুনোত্তে লেবীয়গুনেই দায়ী থেবাক্।”

গণাণা 14:6

যিঁগুনে সেই দেজর্‌ খোঁজ-খবর নিবাত্তে যেইয়োন্‌ তারা ভিদিরেত্তুন্‌ সেক্কে নূনোর পূঅ যিহোশূয়ো আর যিফুন্নির পূঅ কালেব তারার্‌ কাবড় ফাঁদিনে ইস্রায়েলীয়গুনোর্‌ পুরো দল্লোরে কলাক্, “আমি যে দেজ্‌চান্‌ চেবাত্তে যেইয়্যেই সিয়েন্‌ এক্কান্‌ অমহদ দোল্‌ দেজ্‌।

গণাণা 16:22

মাত্তর্‌ মোশি আর হারোণে মাদিত্‌ আদু পাড়ি পড়িনে কলাক্কে, “ও গোজেন, তুই বেক্‌ মানুচ্চুনোর পরাণর গিরোজ্‌। বানা এক্কো মান্‌জে পাপ গোজ্যে বিলি কি তুই গোদা ইস্রায়েলীয় সমাজ উগুরে তর্‌ রাক্কান্‌ দেগেবে?”

গণাণা 18:5

ইস্রায়েলীয়গুনো উগুরে যেনে আরঅ মর্‌ রাগ্‌কান্ ফগদাং ন-অয় সেনত্তে পবিত্র তাম্বুলোর আর পূজোবো দেগাশুনো গুরিবার্‌ ভারান্ তমা উগুরে থেবঅ।

গণাণা 20:25

হারোণ আর তার্‌ পূঅ ইলীয়াসররে নেযেইনে তুই হোর মুড়োবো উগুরে যাহ্।

গণাণা 5:18

মিলেমানুচ্চোরে লগেপ্রভুর্‌ মুজুঙোত্‌ থিয়্যেই রাগেবার্‌ পরেদি ধর্মগুরুবো তার্‌ চুলান্‌ খুলি দিবো আর অন্যেয়ানি তুলি ধুরিবাত্তে আন্যে উৎসর্বর জিনিস্‌চানি, অত্তাৎ সন্দেহর্‌ কারনে শোজ্য-উৎসর্বর জিনিস্‌চানি তা আদত্‌ দিবাক। ধর্মগুরুবো তার্‌ নিজোর্‌ আদত্‌ রাগেব অভিশাব আন্যে তিদে পানিগান।

দ্বি’লম্বর বিররণ 33:9

নিজোর বাপ-মারে দাঙর্ গুরি ন-দেগানা, নিজোর ভেইয়োরে স্বীগের্ ন-গরানা, নিজোর পূঅ-ঝিগুনোরে অস্বীগের্ গরানা, তে তর্‌ কধানি চুগি দিয়্যে আর তর্‌ বেবস্থাগান্‌ রোক্ষে গোজ্যে।

যিহোশূয় 22:18

ইক্কিনে আরঅ‌ তুমি লগেপ্রভুর পথ্‌তানত্তুন্‌ সুরি যেবাত্তে চর্‌? এচ্চ্যে যুনি তুমি লগেপ্রভুর্‌ বিরুদ্ধে উল্লোমী গরঅ‌ সালে কেল্যে তে আমার পুরো ইস্রায়েলীয় সমাজ উগুরে রাগকান্‌ ফগদাঙ্‌ গুরিবো।

যিহোশূয় 22:20

যেদক্কানি জিনিস ভস্তর্ অভিশাবর্ তলে এলঅ‌ সে পৌইদ্যেনে সেরহর পূঅ‌ আখনে বিশ্বেজ্ ন-গরে বিলিনে লগেপ্রভুর রাগ্‌কান্‌ কি পুরো ইস্রায়েল সমাজ উগুরে ন-পড়ে? তে দঅ‌-তার্‌ পাবত্তে গায়্‌ গায়্ মুরি ন-যায়।’”

যিহোশূয় 7:1

যিরীহো শঅরর্‌ ভস্তর্ অভিশাবর তলে থেইয়্যে পযারিরেনি পৌইদ্যেনে ইস্রায়েলীয়গুনে অবিশ্বেজী ওইয়োন্‌। যিহূদা-গুট্টির কর্মির পূঅ আখনে সে জিনিজোত্তুন্‌ কয়েক্কান নিজোত্তে নেযেল। কর্মি অলদে সব্দির পূঅ আর সেরহর নাদিন্‌। আখনর এ কামানত্তেই ইস্রায়েলীয়গুনো উগুরে লগেপ্রভুর রাগকান্‌ জুলি উদিলো।

যিহোশূয় 7:11

ইস্রায়েলীয়গুনে পাপ গোজ্যন্‌; মুই তারারে মর্‌ যে সুদোমানি পালেবাত্তে কোইয়োং সিয়েনি তারা ন-পালান্‌। যেদক্কানি জিনিস ভস্তর্ অভিশাবর তলে সিয়েনির্‌ কয়েক্কান তারা নেযেয়োন; তারা চুর্‌ গোজ্যন্‌, মিজে কধা কোইয়োন্‌ আর বেক্‌ জিনিসছানি নিইনে তারা তারার নিজো জিনিসছানি লগে রাগেয়োন্‌।