লেবীয় 10:2 - Chakma Bible

² ইয়েনত্তে লগেপ্রভু ইত্তুন্‌ আগুন্‌ নিগিলি এইনে তারারে পুড়ি ফেলেল, আর তারা লগেপ্রভুর্ মুজুঙোত্ মুরি গেলাক্।

লেবীয় 10:2 Iomraidhean Croise

২ শমূয়েল 6:7

উষর এ ভোক্তিনেইয়্যে কামানিত্তে তা উগুরে লগেপ্রভু রাগে জুলি উদিলো। সেনত্তে লগেপ্রভু তারে আঘাত গুরিলো, আর সেক্কে তে লগেপ্রভুর সুন্দুক্কোর্‌ কায়-কুরে মুরি গেলঅ।

১ রাজাবলী 13:28

সে পরেন্দি তে যেইনে দেগিলোদে পথ্‌তান উগুরে কিয়্যেগান পড়ি আঘে আর তার্‌ কায়-কুরে থিয়্যেই আগেদে গাধা আর সিংহবো। সিংহবো সে মরাকিয়্যেগান ন-হায় আর গাধাবোরেয়ো আঘাত্‌ ন-গরে।

১ রাজাবলী 18:38

সেক্কে উগুরেত্তুন্‌ লগেপ্রভুর আগুনান্‌ পড়িনে উৎসর্বর য়েরানি, তক্তানি, পাত্তরুন আর মাদিগানরে পুড়ি ফেলেল আর নাল্লোর্‌ পানিগানঅ শুজি নিলো।

২ রাজাবলী 1:10

জোবত্‌ এলিয় সে সেনাপতিবোরে কলঅ, “মুই যুনি গোজেন মানুচ্‌ অং সালে আগাজত্তুন্‌ আগুন্‌ লামি এইনে যেনে তরে আর তর্‌ পঞ্চাশজন সৈন্যরে পুড়ি ফেলায়।” সেক্কে আগাজত্তুন্‌ আগুন্‌ পড়িনে সে সেনাপতি আর তার পঞ্চাশজন সৈন্যরে পুড়ি ফেলেল।

২ রাজাবলী 1:12

জোবত্‌ এলিয় কলঅ, “মুই যুনি গোজেন মানুচ্‌ অং সালে আগাজত্তুন্‌ লামি এইনে যেনে তরে আহ্ তঅ পঞ্চাশজন সৈন্যরে পুড়ি ফেলায়।” সেক্কে আগাজত্তুন্‌ গোজেন আগুনান্‌ পুড়িনে তারে আর তাহ্ পঞ্চাশজন সৈন্যরে পুড়ি ফেলেল।

১ বংশধর 13:10

ইয়েন্দোই উষ উগুরে লগেপ্রভু রাগে জুলি উদিলো। সুন্দুক্কোত্‌ আত্‌ দেনার্‌ কারনে তে তারে আঘাত্‌ গুরিলো। সেক্কে তে গোজেন মুজুঙোত্‌ সিদু মুরি গেলঅ।

১ বংশধর 15:13

পত্তমবার্ তুমি সিবে আনি নপারর্ বিলিনে আমা উগুরে আমা গোজেন্‌ লগেপ্রভু রাগে ফুলি উঠ্যে। তা উগুম্‌ মজিম কিঙিরিনে সিবে আনা পড়িবো আমি তাইদু সিয়েন্‌ জানিবাত্তে ন-চেই।”

১ বংশধর 24:2

হারোণে মুরি যেবার্‌ আগেন্দি নাদব আর অবীহূ কনঅ পুয়ো ন-রাগেইনে মুরি গেলাক্; সেনত্তে ইলিয়াসর আর ঈথামর ধর্মগুরুগুনোর কামানি গুরিদাক্‌।

ইয়োব 1:16

মানুচ্চো সেক্কেয়ো কধা কর্‌ এন সময়োত্‌ আর এক্কো এইনে হবর্‌ দিলো, “আগাজত্তুন্‌ গোজেনর আগুন পড়িনে তঅ‌ ভেড়াপালুনোরে আর চাগরুনোরে পুড়ি ফেলেয়্যে। তরে হবর্‌ দিবাত্তে বানা মুই রোক্ষ্যে পেইয়োং।”

গীতসংহিতা 50:3

আমা গোজেনে এজের্, তে মুয়োন খুলিবো; আগুনানে তার্ আগে আগে বেক্কানি জ্বালেইনে পুড়িনে দি দিবো; আর তার্ চেরোকিত্তে অমকদ ঝড় বেবঅ।

যাত্রা 24:1

পরেদি লগেপ্রভু মোশিরে কলঅ, “হারোণ, নাদব, অবীহূ আর ইস্রায়েলীয়গুনোর্‌ সত্তুরজন বুড়ো মাই-মুরুব্বী আর তুই মইদু উদোগি। এবার্‌ অক্তত্‌ তুমি দূরোত্তুন্‌ মাদা নিগিরিনে মরে ভোক্তি সর্মান জানেবা।

যিশাইয় 30:33

তোফত ধোক্ক্যেন্ পুড়িবার জাগা বোউত্ আগেত্তুন্ ধুরি সাজেই রাগা ওইয়্যে; সিবে রাজাবোত্তে যুক্কোল্ গরা ওইয়্যে। সে জাগায়ান্ গভীন্ আর পাদাজ্যে গরা ওইয়্যে, আর সিয়েনত্ আগুনোত্তে বোউত্ দার্‌বো আঘে। লগেপ্রভুর্ নিজেচ্চো জোল্‌জোল্যে গন্ধগর্ গঙার ধোক্ক্যেন ওইনে সিয়েনত আগুন ধোরেই দিবো।‍‌‍‌

লেবীয় 10:5

মোশির্‌ উগুমে তারা এইনে নাদব আর অবীহূরর্‌ মরাকিয়্যে দ্বিয়ান্‌ ঘরর্‌ বারেন্দি নেযেলাক্। সেক্কেয়ো তারার্‌ কিয়্যেত্‌ ধর্মগুরুগুনোর্ সিলুমুন এলঅ।

লেবীয় 16:1

হারোণর দ্বিবে পূঅ অন্যেয় গুরিনে লগেপ্রভুর মুজুঙোত্ আঝিল্ ওইনে মুরি যেবার্‌ পরেদি লগেপ্রভু মোশি লগে কধা কোইয়্যে।

লেবীয় 9:24

লগেপ্রভুত্তুন্‌ আগুন্‌ নিগিলি এইনে পূজোবো উগুরে পুজ্যে-উৎসর্ব আর বেক্‌ তেলানি পুড়ি ফেলেল। এ বেপারান্‌ দেগিনে মানুচ্চুনে হুজি ওইনে রঅ‌ ছাড়িনে মাদিত্‌ আদুপাড়ি পড়িলাক্।

গণাণা 14:37

অত্তাৎ যে মানুচ্চুনে সেই দেজ্‌চানর্‌ পৌইদ্যেনে ভান্ন্যেই কধা ছোড়েই দিবাত্তে দায়ী এলাক তারা বেক্কুনে লগেপ্রভুর মুজুঙোত ভানালোই মুরি গেলাক্।

গণাণা 16:35

ইন্দি যে দিশঅ পঞ্চাশজন মান্‌জ্যে পৌইরেগ্ উৎসর্ব গোজ্যন্‌ লগেপ্রভু ইত্তুন্‌ আগুন্‌ নিগিলি এইনে তারারে পুড়ি ফেলেল।

গণাণা 16:49

কোরহর কারনে যিগুনে মুরি যেইয়োন্‌ তারা বাদে আরঅ চৌদ্দো আজার্ সাতশত মানুচ্‌ ভানাপিড়েলোই মুরি গেলাক্।

গণাণা 26:61

লগেপ্রভু ইদু সুদোমর্‌ বারেন্দি আগুন্দোই পৌইরেগ উৎসর্ব গুরিবাত্তে যেইনে নাদবে আর অবীহূ মুরি যেইয়োন।

প্রেরিত্‌ 5:10

সাফীরা সেক্কে পিতর ঠেংঅ কুরে পড়িনে মুরি গেলঅ। আর সেই গাবুজ্যেগুনে ভিদিরে এইনে তারে মরা অবস্থায় দেগিলাক্ আর তারে বারেদি নেযেইনে তা নেক্কো ধাগেদি গোর্ দিলাক্।

প্রেরিত্‌ 5:5

এ কধাগান শুনোনার্ লগে লগে অননিয় মাদিত্ পড়িনে মুরি গেলঅ। এ ঘটনাগান কধা যিগুনে শুনিলাক্ তারা বেক্কুনে অমকদ দোরেলাক্।

১ করিন্হীয় 10:11

অন্য মানুচ্চুনে যেনে দেগিনে শিগি পারন্ সেনত্তে তারা উগুরে ইয়েনি ঘোট্যে। আর আমি যিগুনে যুগোর্ শেষ্ সময়োত্ এইনে লুম্মেয়ি, সিয়েনই আমারে উজিয়ার্ গুরিবাত্তে ইয়েনি বেক্কানি লেগা ওইয়্যে।

১ শমূয়েল 6:19

বৈৎ-শেমশর কিজু মানুচ্ লগেপ্রভুর সুন্দুক্কো ভিদিরে খুলিনে চেইয়োন বিলি লগেপ্রভু তারারে মারে ফেলেল। তে সেক্কে সে জাগানর্‌ পঞ্চাশ আজার সত্তুর জন মান্‌জ্যরে মারে ফেলেল। তে এই জদবদে আঘাত্তান্‌ গোজ্যে বিলি মানুচ্চুনে আবিলেচ্‌ খা ধুরিলাক্।