লেবীয় 10:17 - Chakma Bible

¹⁷ পাপ-উৎসর্বর্ য়েরাগান কিত্তে তুমি পবিত্র তাম্বুল-ঘরর্ চাগালা ভিদিরে হেই ন-ফেল? ইয়েন দঅ দাঙর্ পবিত্র জিনিস। লগেপ্রভুর্ মুজুঙোত্ ইস্রায়েলীয়গুনোর পাপ ঢাগিনে তারার্ সাজাত্তুন উদ্ধোর গুরিবাত্তেই সিয়েন তমারে দিয়্যে অইয়্যে।

লেবীয় 10:17 Iomraidhean Croise

যাত্রা 28:38

ইয়েন থেবদে হারোণর্‌ কবালান উগুরে। যেদক্কানি পবিত্র জিনিস ইস্রায়েলীয়গুনে উৎসর্ব গুরিবাত্তেই আনিবাক্‌ সিয়েনির্‌ বেক্‌ দুষ-ভুলোর্‌ ভারান্‌ হারোণ উগুরে। লগেপ্রভু যেনে সিয়েনি গুজি লয়্‌ সেনত্তে হারোণ কবাল উগুরে এই সনার্‌ পাত্‌তান্‌ আমিঝে থেবঅ।

যাত্রা 28:43

হারোণ আর তার্‌ পূঅগুনে যেক্কে মিলন-তাম্বুলত চোমেবাক্‌ বা পবিত্র জাগার্‌ ডালিপূজোত্‌ সেবা কাম্‌ গুরিবাত্যে উজেই যেবাক্ সেক্কে তারা এই জাংগিগুন্‌ পিনিবাক্‌। সেক্কে তারা দুষ্‌নেইয়্যে গুরি থেবাক্‌ আর মারা ন-পুড়িবাক্‌। হারোণ আর তার্‌ বংশধরুনোত্তে ইয়েনই অবঅ‌ এক্কান জিংকানিবর্‌ সুদোম।

লেবীয় 16:22

সে মানুচ্চোই সিবেরে ধূল্যেচর-চাগালাত্‌ ইরি দিইনে এবঅ। ছাগল্লো কনঅ মানুচ্‌-জন নেইয়্যে জাগাত্‌ তারার্‌ বেক্‌ অন্যেয়ানি বোইনে বেরেব।

লেবীয় 21:22

হালিক্ গোজেনর্‌‌ নাঙে উৎসর্ব গোজ্যে হানা ভিদিরে পবিত্র আর দাঙর্‌ পবিত্র বেক্‌ হানাগানি তে হেই পারিবো,

গণাণা 18:1

লগেপ্রভু হারোণরে কলঅ, “পবিত্র তাম্বুলোর বিরুদ্ধে যেদক্কানি অন্যেয় গরা অবঅ তার্‌ ভারান্ নেযা পুরিবো তত্তুন্‌, তর্‌ পূঅগুনোর আর তর্‌ বংশর অন্য মানুচ্চুনোর্। ইয়েনবাদে ধর্মগুরুর্ কামানিত্ যেদক্কানি অন্যেয় অবঅ তার ভারান্অ তত্তুন্‌ আর তর্‌ পূঅগুনোত্তুন্‌ বুয়োই নেযা পুরিবো।

যোহন 1:29

তার্ কেল্যে যোহনে যীশুরে তা নিজো ইন্দি এত্তে দেগিনে কলঅ, “উইয়োবু চঅ, গোজেনর্ ভেড়া ছবুয়ো, যিবে মান্‌জ্যর্ বেক্‌ পাপ্পানি দূর্ গরে।

২ করিন্হীয় 5:21

যীশু খ্রীষ্ট ইধু কনঅ পাপ্ ন-এলঅ; মাত্তর্ গোজেনে আমা পাপ্‌পানি যীশু উগুরে তুলি দিইনে তারে পাপ জাগানত্ দিলো, যেন খ্রীষ্ট সমারে মিজেইনে গোজেনর্ পবিত্রতাগান্ আমার পবিত্রতাগান্ অয়।

ইব্রীয় 9:28

ঠিগ্ সেবাবোত্যেগুরি ভালোক্কুন মান্‌জ্যর পাপর্ বুধি ভুগিবাত্যে খ্রীষ্টরেয়ো একবার উৎসর্ব গরা ওইয়্যে। তে দ্বিপল্লা এবঅ, মাত্তর্ সেক্কে পাপর্ কারনে মুরিবাত্যে ন-এবঅ, বরং যিগুনে তাত্যে আওজ্ গুরিনে বাজ্জেই আঘন তারারে পুরোপুরি গুরিনে উদ্ধোর্ গুরিবাত্যে এবঅ।

১ পিতর 2:24

তে ক্রুশো উগুরে নিজোর কিয়্যেগান্দোই আমার পাপর্ ভারান্ বুয়োল, যেন আমি পাপর দাবি-দেনা ইধু মুরিনে গোজেনর্ আওজ্‌ মজিম চলিবাত্যে বাঁজি থেই। তার্ কিয়্যেগানর্ ঘা গানিয়ে তমারে গম গোজ্জ্যে।