লেবীয় 10:14 - Chakma Bible

¹⁴ মাত্তর্ লগেপ্রভুর্ নাঙে দুলেই রাগেয়্যে বুগোর্ য়েরাগান আর উলুহুল্লো তুই আর তর্‌ পূঅ-ঝিগুনে বেক্কুনে হেই পারিবাক্। ইয়েনি তুমি কনঅ শুদ্ধ-সাংগ জাগাত হেবা। ইস্রায়েলীয়গুনোর বেক উদোলোলি-উৎসর্বর্ এ ভাগত্তুন তরে আর তর্‌ পূঅ-ঝিগুনোরে দিয়্যে ওইয়্যে।

লেবীয় 10:14 Iomraidhean Croise

যাত্রা 29:33

তারারে ধর্মগুরুর্‌ কামত্‌ অদে অদে রাগেবাত্যে আর মঅ নাঙে তারারে ফারক্‌ গুরি নেযেবাত্তে যেদক্কানি উৎসর্ব গোজ্যে খানা পাপ ঢাগিবার কামত্‌ বেবহার্‌ গরা অবঅ‌ সিয়েনি হারোণ আর তার্‌ পূঅগুনোত্তুন্‌ খাহ্ পুরিবো। অন্য কনজনে সিয়েনি হেই ন-পারিবাক্, কিত্তে সিয়েনি পবিত্র হানা।

যিহিষ্কেল 42:13

সে পরেদি তে মরে কলঅ, “উবোসনা-ঘরর মেলা জাগাত্ উত্তোর্ আর দোগিণেদি বিল্ডিং দ্বিয়েন ধর্মগুরুগুনোর। যে ধর্মগুরুগুনে লগেপ্রভু ইধু যান্ তারা এ বিল্ডিং দ্বিয়েনত্ উৎসর্বর দাঙর্ সুদ্ধো-সাংগ জিনিসচানি হেবাক্। সিয়েনত্ তারা শোস্য-উৎসর্ব, পাপ-উৎসর্ব আর দুষ উৎসর্বর দাঙর্ সুদ্ধো-সাংগ জিনিসচানি থবাক্, কিত্যে বিল্ডিং দ্বিয়েন সুদ্ধো-সাংগ।

লেবীয় 10:13

ইয়েন তুমি পবিত্র-তাম্বুল ঘরর্ চাগালাত্ নেযেইনে হেবা; লগেপ্রভুর্ নাঙে আগুন্দোই গোজ্যে উৎসর্বর এ ভাগ্‌কান্‌ তর্‌ আর তর্‌ পূঅগুনোর্‌ পাওনা; মুই এ উগুমান্‌ পেইয়োং।

লেবীয় 22:13

মাত্তর্‌ ধর্মগুরুবোর্‌ কনঅ রানিমিলে বা নেগে ছাড়ি দিয়্যে ভাজ্‌ ওইয়্যে মিলে যুনি বাবঅ ঘরত্‌ আগ ধোক্ক্যেন থেবাত্তে ফিরি এজে সালে তে তার্‌ বাবর্‌ খাইদে ভাক্কান্‌ পেবঅ। ধর্মগুরুর্‌ পরিবারর্‌ নয় এধোক্ক্যেন কনজনে সিয়েন্‌ হেই ন-পারিবাক্।

লেবীয় 9:21

মোশি তারে যেধোক্ক্যেন গুরি উগুম্‌ গোজ্যে সেধোক্ক্যেন গুরি তে দোলন-উৎসর্ব ইজেবে বুগোর্‌ য়েরাগান্ আর ডেন্‌-ডাগর্‌ উলুহুল্লো লোইনে লগেপ্রভুর্ মুজুঙোত্ দুলেল।

গণাণা 18:11

ইস্রায়েলীয়গুনোর দিয়্যে বেক্‌ দোলন-উৎসর্বর জিনিস্‌চানিয়ো তর্‌ অবঅ। সিয়েনি মুই তরে আর তর্‌ বংশর বেক্কুনোরে নিত্য পাওনা ইজেবে দুয়োঙর্। তর্‌ পরিবার ভিদিরে যিগুনে সিজি অবস্থায় থেবাক্‌ তারা সিয়েনি খেই পারিবাক্।

গণাণা 5:9

যেদক্কানি পবিত্র পজা-পিরা ইস্রায়েলীয়গুনে ধর্মগুরুগুনো ইদু আনিবাক্‌ সিয়েনি বেক্কানি ধর্মগুরুগুনোর্‌ অবঅ।

যোহন 4:34

সেক্কে যীশু তারারে কলঅ, “যে মরে পাধেয়্যে তা আওজ্‌‌চান্ পালন্ গরানা আর তা কামান্ থুম্ গরানাগান্ অলঅ মর্ হানা।