লেবীয় 10:1 - Chakma Bible

¹ হারোণর্‌ পূঅ নাদব আর অবীহূ তারা আগুনো পিলেলোই আগুন্‌ নেযেইনে সিবে উগুরে ধূপ দিলাক্। তারা লগেপ্রভুর্ উগুমোর্‌ বারেন্দি অন্য আগুন্দোই‌ লগেপ্রভুর্ নাঙে ধূপ-উৎসর্ব গুরিলাক্।

লেবীয় 10:1 Iomraidhean Croise

১ রাজাবলী 18:38

সেক্কে উগুরেত্তুন্‌ লগেপ্রভুর আগুনান্‌ পড়িনে উৎসর্বর য়েরানি, তক্তানি, পাত্তরুন আর মাদিগানরে পুড়ি ফেলেল আর নাল্লোর্‌ পানিগানঅ শুজি নিলো।

গীতসংহিতা 141:2

মঅ তবনাগান্ যেন তুম্বাজ্ আগর্‌বাট্টি ধোক্ক্যেন্, মঅ আঢ্‌তান তুলোনা যেন সাজোন্যে উৎসর্ব ধোক্ক্যেন্ তঅ মুজুঙোত্ আজিল্ অন্।

যাত্রা 24:1

পরেদি লগেপ্রভু মোশিরে কলঅ, “হারোণ, নাদব, অবীহূ আর ইস্রায়েলীয়গুনোর্‌ সত্তুরজন বুড়ো মাই-মুরুব্বী আর তুই মইদু উদোগি। এবার্‌ অক্তত্‌ তুমি দূরোত্তুন্‌ মাদা নিগিরিনে মরে ভোক্তি সর্মান জানেবা।

যাত্রা 24:9

ইয়েন পরেদি মোশি, হারোণ, নাদব, অবীহূ আর ইস্রায়েলীয়গুনোর্‌ সত্তুরজন বুড়ো মাই-মুরুব্বীগুনে মুড়োবো উগুরে উদিনে ইস্রায়েলীয়গুনোর্‌ গোজেনরে দেগিলাক্। তা টেঙর্‌ তলে এলঅ‌ জোক্‌জোক্যে আগাজ ধোক্ক্যেন নীলকান্তমণিলোই বানেয়্যে পাক্কা ধোক্ক্যেন কিজু এক্কান।

যাত্রা 27:3

ডালিপূজোবোর্‌ ছেইয়ানি ফেলেবার্‌ পিলে আর কাদি, উৎসর্বর্‌ লো রাগেবার্‌ কদরা, য়েরা তুলিবার্‌ কাদা চামেচ্‌ আর আগুন্‌ রাগেবার্‌ পিলে বেক্কুন্‌ পিদোল্লোই‌ বানা পুরিবো।

যাত্রা 28:1

তুই ইস্রায়েলীয়গুনো ভিদিরেত্তুন্‌ তর্‌ ভেই হারোণ আর তার্‌ পূঅ নাদব, অবীহূ, ইলীয়াসর আর ঈথামররে তইদু এবাত্যেই হবর্‌ পাদা। তারা ধর্মগুরু ওইনেই মরে সেবা গুরিবাক্।

যাত্রা 31:11

অভিষেকর্‌ তেল আর পবিত্র জাগানত্তেই তুম্বাজ ধূপ্অ এই জিনিস্‌ছানি ভিদিরে আঘে। তরে দিয়্যে মর্‌ উগুম্‌ মজিম যেনে তারা সিয়েনি বানান্‌।”

যাত্রা 37:29

ইয়েন্‌বাদে তুম্বাস্‌ জিনিস্‌ বানাইদে ধোক্ক্যেন গুরি খাটি তুম্বাস্‌ ধূপ আর পবিত্র অভিষেক-তেল্‌অ‌ বানা অলঅ‌।

যাত্রা 38:3

সে পরেদি পিদোল্লোই পুরো পূজোবো বেড়েই দিয়্যে অলঅ‌। পূজোবোর্‌ ছেই ফেলেবার্‌ জাগা, বড়্‌ চামেচ্‌, উৎসর্বর লো রাগেবার্‌ কদরা, য়েরা তুলিবার্‌ কাদা চামেচ্‌ আর আগুন্‌ রাগেবার্‌ জাগা-বেক্কানি পিদোল্লোই বানা অলঅ‌।

যাত্রা 6:23

হারোণ পূয়োগুন অলাক্ নাদব, অবীহূ, ইলিয়াসর আর ঈথামর। হারোণ অম্মীনাদব ঝি নহশোনর বোন ইলীশেবাররে লোইয়ে আর তা পেদত্‌ ইগুনোর্‌ জর্ম ওইয়্যে।

যাত্রা 8:27

সেনত্যে আমা গোজেন লগেপ্রভুর উগুম মজিম ধূল্যেচর-চাগালা ভিদিরে তিন দিনো পথ যেইনে তা নাঙে আমাত্তুন্‌ য়েমান্‌ উৎসর্ব গরা পুরিবো।”

যিরমিয় 19:5

তারা বাল দেবেদা ইধু উৎসর্ব ইজেবে তারার পুয়ো-ছাগুনোরে আগুনোত্ পুড়িবাত্তে বাল দেবেদার পূজোর্ অজল্ জাগা বানেয়োন, মাত্তর্ মুই সিয়েন গুরিবাত্তে উগুম ন-দুয়োং বা ন-কং আর সিয়েন মর্ মনত্‌অ ন-এজে।‌

যিরমিয় 32:35

তারা মোলক দেবেদার নাঙে তারার ঝি-পুয়োগুনোরে উৎসর্ব গুরিবাত্তে বিন্-হিন্নোম কলগত্ বাল দেবেদার নাঙে পূজোর্ অজল্ জাগায়ান বানেয়োন। মুই কনদিন্‌অ সেই উগুমান ন-দুয়োং বা মর্ মনত্অ সিয়েন ন-চমে, তারা এবাবোত্যে দর্‌গরেপারা কামানি গুরিনে যিহূদারে দিইনে পাপ গোরেবাক্।

যিরমিয় 44:15

সেক্কে সিদুগো মানুচ্চুনে হবর্ পেদাক্, তারা মোগ্‌‌‌‌কুনে দেব-দেবেদা নাঙে আগর্‌বাট্টি জ্বালান তারা আর সিদু আজিল্ ওইয়্যে বেক্ মিলেগুন, অত্তাৎ মিসরর পথ্রোষ চাগালাত্ বজত্তি গুরিয়্যে বেক্কুনে এক্কো দাঙর্ দল ওইনে যিরমিয়রে কলাক্,

যিরমিয় 44:8

তুমি যিয়েনত্ বজত্তি গুরিবাত্তে এচ্চ্য সেই মিসর দেজর্ দেব-দেবেদাগুনোর মূত্তিগুনো মুজুঙোত্ আগর্‌বাট্টি জ্বালেইনে কিত্তে তুমি মর্ রাগ্‌কানরে জাগেইয়ো? তুমি দঅ নিজোরে ভস্ত গুরিবা আর পিত্‌‍‌‌থিমির বেক্ জাদর্ মানুচ্চুনে তমারে ঘিনেবাক্ আর তমা নাঙানিলোই অভিশাব্ দিবাক্।

যিরমিয় 7:31

তারা তারার ঝি-পুয়োগুনোরে আগুনোত্ পুড়িবাত্তে বিন-হিন্নোম কলগত্ তোফৎ নাঙে পূজোর অজল্ জাগা বানেয়োন। মাত্তর্ এ উগুমান মুই ন-দুয়োং, মঅ মনত্‌অ সিয়েন ন-চমে।‌‌

লেবীয় 16:1

হারোণর দ্বিবে পূঅ অন্যেয় গুরিনে লগেপ্রভুর মুজুঙোত্ আঝিল্ ওইনে মুরি যেবার্‌ পরেদি লগেপ্রভু মোশি লগে কধা কোইয়্যে।

লেবীয় 16:12

লগেপ্রভুর্ মুজুঙোত্ যে পূজোবো আঘে তে সে পূজোবোত্তুন্‌ আগুনোর্‌ পিলেত্‌ জ্বোল্‌-জ্বোল্যে আঙারা ভোরেই নেযেব আর নিগুজ গুরিনে গুড়ি গোজ্যে দ্বিমুঠ তুম্বাস্‌ পোইরেগ্‌অ নিবো। ইগুন্‌ লোইনে তে পর্দাগানর্‌ পিজেন্দি যেবঅ।

লেবীয় 22:9

মুই ধর্মগুরুগুনোরে যেদক্কানি উগুম্‌ দুয়োং সিয়েনি তারাত্তুন পালা পুরিবো। সিয়েনি ন-গুরিলে তারা দুষি অবাক্ আর ফি-বলা অনার্‌ কারনে তারা মুরি যেবাক্। মুই লগেপ্রভু তারারে মর্‌ আওজে যুদো গুরি রাগেয়োং।

লেবীয় 9:24

লগেপ্রভুত্তুন্‌ আগুন্‌ নিগিলি এইনে পূজোবো উগুরে পুজ্যে-উৎসর্ব আর বেক্‌ তেলানি পুড়ি ফেলেল। এ বেপারান্‌ দেগিনে মানুচ্চুনে হুজি ওইনে রঅ‌ ছাড়িনে মাদিত্‌ আদুপাড়ি পড়িলাক্।

গণাণা 16:46

সে পরেদি মোশি হারোণরে কলঅ, “তর্‌ পৌইরেগর্ কদরাবো লোইনে সিয়েনত্‌ পূজোবোত্‌ আগুন ভোরেইনে তা উগুরে পৌইরেগ্ দিচ্‌ আর যাদিগুরি সেই মানুচ্চুনো ইদু যেইনে তারার্‌ পাপ্পানি ঢাগিবার্‌ বেবস্থা গর্‌। লগেপ্রভুর রাগ্‌‌কান্ ফগদাং অলঅ, ভানাপিড়ে আরাম্ভ ওই গেলঅ।।”

গণাণা 26:61

লগেপ্রভু ইদু সুদোমর্‌ বারেন্দি আগুন্দোই পৌইরেগ উৎসর্ব গুরিবাত্তে যেইনে নাদবে আর অবীহূ মুরি যেইয়োন।

গণাণা 4:18

“তুমি চেইয়ো যেনে লেবি-গুট্টির্‌ ভিদিরেত্তুন্‌ কহাতীয় বংশগুন্‌ বাদ ন-যান।

দ্বি’লম্বর বিররণ 12:32

মুই তমারে যেদক্কানি উগুম্‌ দিলুং সিয়েনি বেক্কানি তুমি পালন গুরিবা; ইয়েন সমারে কিজু ন-মিজেবা, আরঅ ইয়েনত্তুন্‌ কিজু বাদঅ ন-দিবা।

দ্বি’লম্বর বিররণ 17:3

তে অয়ত মর্‌ উগুমোর বিরুদ্ধে যেইনে দেব-দেবেদাগুনোরে সেবা গরের্‌ আর সেই বেক্‌ দেব-দেবেদা বা বেল্লো, চাঁনান্ বা আগাজ্‌ তারাগুনোরে পূজো গরের্‌।

দ্বি’লম্বর বিররণ 4:2

মুই তমারে যে উগুমানি দুয়োঙর্‌ তা সমারে কিজু ন মিজেয়ো আর সিয়োত্তুন্‌ কিজু বাদঅ ন দুয়ো। তমা গোজেন লগেপ্রভুর যেদক্কানি উগুম মুই তমারে দুয়োঙর্‌ সিয়েনি তুমি মানি চলিবা।

ইব্রীয় 9:4

এ ভাগ্‌কানত্ আগর্‌বাট্টি জ্বালেবাত্যে সনার্ ডালিপূজো আর সাক্ষ্য সুন্দুক এলঅ। সিবের্ চেরোকিত্যেদি সনালোই বেড়েয়্যে এলঅ। সিবে ভিদিরে এলঅ সনার্ পিলেত্ থোইয়্যে মান্না, হারোণর যে লুদিক্কোত্ ফুল ফুট্যে সেই লুদিক্কো, আর বেবস্থা-লেগা দ্বিয়েন পাত্তর আরুগ্।