লেবীয় 1:13 - Chakma Bible

¹³ উৎসর্ব গুরিয়্যেবো সিবের্‌ টেঙানি আর পেদ ভিদিরে জিনিস্‌‌ছানি পানিলোই‌ ধোই দিবো আর ধর্মগুরুবো সিয়েনি লগে বেক্ য়েমান্নো পূজোবো উগুরে পুড়ি ফেলেব। ইবে পূজ্যে-উৎসর্ব, আগুন্দোই‌ গোজ্যে উৎসর্ব ভিদিরে এক্কো, যিবের্‌ তুম্বাজে লগেপ্রভু হুজি অয়।

লেবীয় 1:13 Iomraidhean Croise

পত্থম 8:21

লগেপ্রভু সে উৎসর্বর বাজ্‌ পেইনে হুজী অলঅ আর মনে মনে কলঅ, “মান্‌জ্যর কারনে আর কনদিন্‌ মুই মাদিগানরে অভিশাব্ ন-দিম, কিত্তে চিগোনত্তুন্ ধুরি দঅ-মান্‌জ্যর মনানি ভান্ন্যেয়ন্দি। এবেরা যেবাবোত্যে মুই বেক্‌ জেদা পরান্‌বলাগুনোরে‌‌ শেজ্ গোজ্যং সেবাবোত্যেগুরি আর কনদিনঅ ন-গুরিম।

২ বংশধর 4:6

তে দোশ্‌‍চুয়ো গাবালা বানেল আর পাচ্‌ছুয়ো রাগেল দোগিণেন্দি আর পাচছুয়ো রাগেল উত্তোরেন্দি। সিগুনো ভিদিরে পূজ্যে-উৎসর্বর জিনিসছানি ধুয়োদাক্‌, মাত্তর্‌ ধর্মগুরুগুনে নিজোর্‌ আত্‌-টেঙানি ধুয়োনার্‌ কামত্‌ বেবহার গুরিদাক্‌ দাঙর্‌ পিলেবো।

যিহিষ্কেল 40:38

বারেদি উদোন সংমোধ্যে ভিদিরে গেদোর্ খুদোবো কায়কুরে এক কিত্তেদি খুলো এক্কো গুদি এলঅ; সিবে এলদে পুজ্যে-উৎসর্বর্ য়েমান য়েরা ধবার্ জাগা।

লেবীয় 1:9

উৎসর্ব গুরিয়েবো সিবের্‌ টেঙান্‌ আর পেদ ভিদিরে বেক্কানি পানিলোই‌ ধোই দিবো আর ধর্মগুরুবো সিয়েনি সুদ্ধো পুরো গোরুবো পূজোবো উগুরে পুড়ি ফেলেব। ইবে পুজ্যে-উৎসর্ব, আগুন্দোই-গোজ্যে উৎসর্ব ভিদিরে এক্কো, যিবের্‌ তুম্বাজে লগেপ্রভু হুজি অয়।

লেবীয় 2:11

“লগেপ্রভুর্ নাঙে শোজ্য-উৎসর্বত্তে তারা যিয়েনি আনিবাক্ সিয়েনি যেনে সদা ন-দিইনে বানেই দিয়্যে অয়। লগেপ্রভুর্‌ নাঙে আগুন্দোই-গোজ্যে উৎসর্বর্ জিনিজো ভিদিরে সদা বা মধু দিয়্যে ন-পুরিবো।”

লেবীয় 3:5

পুজোবোত্‌ জ্বোল্‌-জ্বোল্যা তক্তা উগুরে যিয়েনত্‌ পুজ্যে-উৎসর্ব জুলিবো সিবে উগুরে হারোণর্‌ পূঅগুনে ইগুন্‌ থোইনে পুড়ি ফেলেবাক্‌। ইবে আগুন্দোই-গোজ্যে উৎসর্ব ভিদিরে এক্কো, যিবের্‌ তুম্বাজে লগেপ্রভু হুজি অয়।

লেবীয় 4:31

উদোলোলি-উৎসর্বর্ য়েমান্নোর্ তেলানি নিগিলাইদে ধোক্ক্যেন গুরি তে এই উৎসর্বর্ য়েমান্নোর্ বেক্‌ তেলানি নিগিলেইনে সিয়েনি পূজোবো উগুরে পুড়ি ফেলেব। ইয়েনর্ তুম্বাজে লগেপ্রভু হুজি অয়্‌। এবাবোত্যেগুরি ধর্মগুরুবো সে মানুচ্চোর্ অন্যেয়ানি ঢাগি দিবার্‌ বেবস্থা গুরিবো আর সেক্কে তারে ক্ষেমা গরা অবঅ।

লেবীয় 6:14

“ইয়েন্‌ অলঅ শোজ্য-উৎসর্বর্‌ সুদোম। হারোণর্‌ পূঅগুনে শোজ্য-উৎসর্বর্‌ জিনিস্‌ছানি পুজোবো ইদু লগেপ্রভুর্ মুজুঙোত্ নেযেবাক্।

লেবীয় 8:21

ভেড়াবোর্ পেদ ভিদিরে ভাগ্‌কানি আর টেঙানি তে পানিলোই ধোইনে গোদা ভেড়াবো পুজ্যে-উৎসর্ব ইজেবে পূজোবো উগুরে পুড়ি ফেলেল। ইবে লগেপ্রভুর্ নাঙে আগুন্দোই-গোজ্যে উৎসর্ব ভিদিরে এক্কো, যিবের্‌ তুম্বাজে লগেপ্রভু হুজি অয়্‌। মোশি বেক্কানি লগেপ্রভুর্ উগুম মজিম্ গুরিলো।

গণাণা 28:11

পত্তি মাজর্ পত্তম দিন্নোত্‌ লগেপ্রভুর নাঙে পুজ্যে-উৎসর্বত্তে দ্বিবে বলদ গোরু, এক্কো ভেড়াছাগল আর এক বোজোজ্যে সাত্তো ভেড়াছাগল ছঅ উৎসর্ব গরা পুরিবো। সিগুনোর্‌ পত্তিবোর দাগ্‌-দুগ্‌ নেইয়্যে ওয়া পুরিবো।

গণাণা 28:8

ভেড়াছাগলর অন্য ছঅবো বেলান্‌ ডুবি যানার্‌ পরেদি উৎসর্ব গরা পুরিবো। তা সমারে থেবঅ বেন্যেমাদান্ শোজ্য-উৎসর্ব আর ঢালন-উৎসর্ব। ইবে এক্কো আগুন্দোই-পূজ্যে উৎসর্ব যিবের্‌ তুম্বাজে লগেপ্রভু খুজি অয়।

দ্বি’লম্বর বিররণ 12:27

তমার গোজেন লগেপ্রভুর ডালিপূজোবো উগুরে তুমি তমার পুজ্যে-উৎসর্বর য়েরা আর লো-গানি উৎসর্ব গুরিবা। তমার গোজেন লগেপ্রভুর পূজোবোর কিয়্যেগানত্‌ তমার উৎসর্ব গোজ্যে য়েমানর লো-গানি উৎসর্ব গরা পুরিবো, মাত্তর্‌ সিয়েনর্‌ য়েরাগান তুমি হেই পারিবা।